မော်လမြိုင်ရှိ စည်ပင်ပိုင်မြေနှင့် ဆိုင်ခန်းများငှားရမ်းခသည် ခေတ်ကာလဈေးနှင့် လျော်ညီမှုမရှိကြောင်း ပြည်နယ်လွှတ်တော်ကိုယ်စားလှယ်များ ထောက်ပြ

မွန်ပြည်နယ် မော်လမြိုင်မြို့တွင်းရှိ စည်ပင်ပိုင်မြေနှင့် ဆိုင်ခန်းများ ငှားရမ်းခသည် ခေတ်ကာလဈေးနှင့် လျော်ညီမှု မရှိ ကြောင်း ပြည်နယ်လွှတ်တော် ကိုယ်စားလှယ်များက ဆွေးနွေးအကြံပြုသည်။

ထိုအစီရင်ခံစာတွင် ပါရှိ သည့် မော်လမြိုင်မြို့ လှိုင်အဝေးပြေး ကားဝင်းရှိ ဆိုင်ခန်း ၁၀၆ ခန်းသည် တစ်ခန်းလျှင် တစ်လကျပ် နှစ်ထောင်နှုန်းသာရရှိခြင်း၊ တည်းခိုခန်း တစ်ခန်းလျှင်ကျပ်ငါးထောင်နှုန်းသာ ကောက်ခံနေခြင်း၊ ထိုသို့ကောက်ခံနေသော်လည်း ငှားရမ်းစာချုပ်ချုပ်ဆိုထားမှုမရှိခြင်းကို အမတ်များက ထောက်ပြသည်။

မော်လမြိုင်အမှတ် (၁) ပြည် သူ့ဈေးရှိ ဧရာဟင်္သာကုမ္ပဏီ၏ မှတ်ပုံတင်ခများပေးသွင်းပြီး ဆိုင် ခန်းငှားရမ်းခများ ပေးသွင်းခြင်း မရှိသည့် ဆိုင်ခန်း ၇၃ ခန်းကို စာချုပ်ပါအချက်များနှင့် ကိုက်ညီမှုမရှိခြင်း၊ သံလွင်ဥယျာဉ်ရှိ New Sky စားသောက်ဆိုင်မြေ ငှားရမ်းခသည် တစ်လကျပ် ငါးသိန်း သာရရှိခြင်းတို့သည် ခေတ်ကာလဈေးနှင့် လျော်ညီမှုမရှိကြောင်း ပြည်နယ်လွှတ်တော်ကိုယ်စားလှယ်များက ထောက်ပြဆွေးနွေးအကြံပြုသည်။

‘‘အခုအချိန်မှာ ဆိုင်ခန်းခ တွေက သိန်းချီပေးနေတဲ့အခြေ အနေ ဖြစ်နေတယ်။ အခုမြေ ငှားရမ်းခနဲ့ ဆိုင်ခန်းခက ငွေနှစ်ထောင်ပဲရတယ်ဆိုတော့ ဘယ်လိုမှ မဖြစ်သင့်တဲ့ ကိစ္စပါ။ ဒါကို သက်ဆိုင်ရာဝန်ကြီးဌာနက အမြန်ဆုံး ပြင်ဆင်သင့်တယ်’’ဟု ပေါင်မြို့ နယ် ပြည်နယ်လွှတ်တော်ကိုယ် စားလှယ် ဦးဇော်ဇော်ထူးက ပြော သည်။

၂၀၁၆-၁၇ ဘဏ္ဍာရေးနှစ် မွန်ပြည်နယ်၏ အရအသုံးခန့်မှန်းခြေငွေစာရင်းနှင့် ၀န်ကြီးဌာနများ၏ ထူးခြားအစီရင်ခံစာကို ပြည်နယ်စာရင်းစစ်ချုပ်က မေလ ၄ ရက်တွင် လွှတ်တော်သို့ တင်ပြခဲ့သည်။

အစီရင်ခံစာပါအချက်များ ကို ဇွန်လ ၆ ရက်တွင် လွှတ်တော် ကိုယ်စားလှယ်များက ဆွေးနွေး အကြံပြုခဲ့သည်။

အစီရင်ခံစာတွင်ပါရှိသည့် မြေငှားရမ်းခနှင့် ဆိုင်ခန်းကိစ္စများ သည် ပွင့်လင်းမြင်သာမှု၊ တာဝန် ယူမှု၊ တာဝန်ခံမှုကို ဖော်ဆောင် နေ၍ ပြည်နယ်အစိုးရ၏ အဓိကရည်ရွယ်ချက်နှင့် သွေဖည်နေသည်ကို တွေ့ရှိနေရကြောင်း သထုံမြို့နယ် ပြည်နယ်လွှတ်တော်ကိုယ်စားလှယ် ဦးအောင်ကျော်သူက ဆွေးနွေးအကြံပြုသည်။

စာချုပ်ပါ အချက်များကို ပြည်နယ်အစိုးရအနေဖြင့် စာချုပ်ကို ပယ်ဖျက်သင့်ပြီး ကက်ဘိနက် (အစိုးရအဖွဲ့) အစည်းအဝေးဆုံးဖြတ်ချက်ဖြင့် ပြည်ထောင်စုအစိုးရသို့ ပေးပို့သင့်ကြောင်း ၎င်းက ဆိုသည်။

အဆိုပါကိစ္စရပ်များကို ပြန်လည်စစ်ဆေးမည် ဖြစ်ကြောင်း မွန်ပြည်နယ် အစိုးရ အဖွဲ့ဝင်ဆောက်လုပ်ရေးနှင့် စည်ပင်သာယာရေးဝန်ကြီး ဦးမင်းကျော်လွင်က ဆိုသည်။

‘‘ကန်ထရိုက်စနစ်ပေးထား တဲ့ စာချုပ်ကို ပြန်စစ်မယ်။ အခွန် အကောက်ဥပဒေအရ ဘယ်လို အခွန်အကောက်ဥပဒေနဲ့ အညီ ကောက်ခံသွားရလဲဆိုတာ စာချုပ်တွေကို ပြန်စစ်ပြီးမှ သိရမယ်။ စည်ပင်အနေနဲ့ မြေငှားရမ်းထား တဲ့ စာချုပ်တွေ အားလုံးပြန်စစ် ဆေးပါမယ်’’ဟု ဦးမင်းကျော်လွင် က ပြောသည်။

ပြည်နယ်စာရင်းစစ်ချုပ်တင် သွင်းခဲ့သည့် ပြည်နယ်အစီရင်ခံ စာထဲတွင် ကျိုက်ထိုမြို့နယ်ရှိ လမ်းမကြီးနယ်နိမိတ်အတွင်း အ ဆောက်အအုံဆောက်လုပ်ခြင်း၊ ကြော်ငြာဆိုင်းဘုတ်များစိုက်ထူ ခြင်းတို့သည် အခွန်ကောက်ခံပေး သွင်းခြင်းမရှိသဖြင့် ဌာနအနေဖြင့် ရသင့်ရထိုက်သည့် အခွန်ငွေများ မရသဖြင့် သတ်မှတ်နှုန်းထားဖြင့် ကောက်ခံပေးသွင်းရန် လိုအပ် ကြောင်း တွေ့ရှိရသည်ဟု လွှတ် တော်တွင် တင်ပြခဲ့သည်။

Credit: 7Daydaily