၂၀၁၈ ခုနှစ်၏ ကမ္ဘာ့ယေဘုယျအကောင်းဆုံးနိုင်ငံ ၈၀

ကမ္ဘာ့အဆင့်သတ်မှတ်ချက်များ၊ ဆန်းစစ်လေ့လာမှုများ၊ စားသုံးသူများအတွက် အကြံဉာဏ်ပေးချက်၊ သဘောထားအမြင်များနှင့် သတင်းများကို ထုတ်ပြန်နေသည့် အမေရိကန်မီဒီယာကုမ္ပဏီ U.S. News & World Report က ၂၀၁၈ ခုနှစ်၏ ကမ္ဘာ့ယေဘုယျအကောင်းဆုံး သို့မဟုတ် အဘက်ဘက်မှ အကောင်းဆုံးနိုင်ငံ ၈၀ စာရင်းကို ထုတ်ပြန်လိုက်ပြီဖြစ်သည်။

ထို့ကြောင့် ယင်းနိုင်ငံ ၈၀ စာရင်းအား သတင်းအတွင်း စာရင်းပုံများနှင့်တကွ ဖော်ပြပြီး နိုင်ငံ ၈၀ အနက် နံပါတ် ၁ မှ ၁၀ အကြား ဖော်ပြခံခဲ့ရသော နိုင်ငံများကို အောက်ပါအတိုင်း စာဖြင့် အသေးစိတ်ရှင်းလင်းဖော်ပြအပ်ပါသည်။

၂၀၁၇ တွင် လူဦးရေ ၈ ဒသမ ၄ သန်းနှင့် ပြည်တွင်းအသားတင်ထုတ်ကုန် (
ဂျီဒီပီ) အမေရိကန်ဒေါ်လာ ၆၅၈ ဒသမ ၈ ဘီလျံ ရှိပြီး တစ်ဦးချင်း ဂျီဒီပီ အမေရိကန်ဒေါ်လာ ၆၀,၃၇၄ ဒေါ်လာ ရှိခဲ့သည့် ဆွစ်ဇာလန်က ၂၀၁၇ စာရင်းအတိုင်း မပြောင်းလဲဘဲ ကမ္ဘာ့ယေဘုယျအကောင်းဆုံးနိုင်ငံအဖြစ် ယခုနှစ်စာရင်း၏ နံပါတ် ၁ နေရာတွင် ရပ်တည်ခဲ့ပြန်သည်ကို တွေ့ရသည်။

၂၀၁၇ တွင် လူဦးရေ ၃၆ ဒသမ ၃ သန်းနှင့် ပြည်တွင်းအသားတင်ထုတ်ကုန် (
ဂျီဒီပီ) အမေရိကန်ဒေါ်လာ ၁ ဒသမ ၅ ထရီလျံ ရှိပြီး တစ်ဦးချင်း ဂျီဒီပီ အမေရိကန်ဒေါ်လာ ၄၆,၄၄၁ ဒေါ်လာ ရှိခဲ့သည့် ဆွစ်ဇာလန်ကလည်း ယမန်နှစ် စာရင်းအတိုင်း မပြောင်းလဲဘဲ ယခုနှစ်စာရင်း၏ နံပါတ် ၂ နေရာ၌ ဖော်ပြခံခဲ့ရသည်။

ယမန်နှစ်တွင် နံပါတ် ၄ နေရာ၌ ရှိခဲ့သည့် ဂျာမနီက နံပါတ် ၃ နေရာသို့ ယခုနှစ်တွင် မြင့်တက်လာခဲ့ပြီး ယူကေ ယမန်နှစ်က နံပါတ် ၃ နေရာ၌ ရှိခဲ့ရာမှ နံပါတ် ၄ နေရာသို့ ကျဆင်းခဲ့သည်။

ဂျပန်ကမူ ယမန်နှစ်စာရင်းအတိုင်း မပြောင်းလဲဘဲ ယခုနှစ်စာရင်းတွင်လည်း နံပါတ် ၅ နေရာ၌ ရပ်တည်ခဲ့သည်။ အလားတူပင် ဆွီဒင်ကလည်း ယမန်နှစ်စာရင်းအတိုင်း မပြောင်းလဲဘဲ ယခုနှစ်စာရင်းတွင်လည်း နံပါတ် ၆ နေရာ၌ ရပ်တည်ခဲ့သည်ကို တွေ့ရသည်။

နံပါတ် ၇ နေရာတွင် ယမန်နှစ်က အမေရိကန် ရှိခဲ့ရာမှ ယခုနှစ်စာရင်းတွင် နံပါတ် ၈ နေရာသို့ လျှောကျခဲ့ကာ သြစတြေးလျက နံပါတ် ၈ နေရာမှ နံပါတ် ၇ နေရာသို့ မြင့်တက်လာခဲ့သည်။

ပြင်သစ်က ယမန်နှစ်စာရင်းအတိုင်း ယခုနှစ်စာရင်းတွင်လည်း နံပါတ် ၉ နေရာ၌ ဖော်ပြခံခဲ့ရပြီး နယ်သာလန်က နံပါတ် ၁၁ မှ နံပါတ် ၁၀ သို့ မြင့်တက်လာခဲ့သည်ကို တွေ့ရသည်။

ယင်းစာရင်းအား ၎င်းနိုင်ငံတို့၏ နှစ်လိုဖွယ်ကောင်းမှု၊ နိုင်ငံသားများအပေါ် တန်ဖိုးထားဂရုစိုက်မှု၊ ယဉ်ကျေးမှုဆိုင်ရာ လွှမ်းမိုးမှု၊ စွန့်ဦးတီထွင်စွမ်းဆောင်မှု၊ အမွေအနှစ်၊ စီးပွားရေးပွင့်လန်းမှုနှင့် သြဇာအာဏာလွှမ်းမိုးမှု၊ ဘဝအရည်အသွေး စသည့် အချက်များအပေါ် အခြေခံ၍ အကဲဖြတ်ဆန်းစစ်လေ့လာကာ ထုတ်ပြန်ခဲ့ခြင်း ဖြစ်ကြောင်း သိရသည်။

ခင်အေးချမ်း မှ iMyanmarHouse.com (အိုင်မြန်မာဟောက်စ်ဒေါ့ကွန်း) အတွက် အထူးဘာသာပြန် ရေးသားဖော်ပြသည်။
Credit: iMyanmarHouse.com