မေလ၌ ထိုင်ဝမ်အိမ်ခြံမြေအရောင်းအဝယ် နှစ်နှစ်အတွင်း အများပြားဆုံးဖြစ်ခဲ့

ထိုင်ဝမ်ရှိ အဓိကမြို့ကြီးခြောက်မြို့တွင် လူနေနှင့် ကုန်သွယ်ရေးအိမ်ခြံမြေ အရောင်းအဝယ်များ မေလတွင် မြင့်တက်ခဲ့ကြောင်း သိရသည်။

မေလ၌ တိုင်ပေ၊ နယူးတိုင်ပေ၊ ထောင့်ယွမ်၊ ထိုင်ချွန်၊ ထိုင်နန်နှင့် ကောင်းရွှမ်မြို့တို့တွင် နေအိမ်၊ ရုံးခန်းနှင့် ဆိုင်ခန်းများ အရောင်းအဝယ် ၂၀,၄၀၉ ခု ရှိခဲ့သည်။

ယင်းသည် ပြီးခဲ့သည့် ၂၉ လတာ (၂၀၁၆၊ ၂၀၁၇ နှင့် ယခုနှစ်ပထမငါးလ) အတွင်း ၎င်းထိုင်ဝမ်မြို့များတွင် အရောင်းအဝယ်အများပြားဆုံးပမာဏ ဖြစ်ကြောင်း ၎င်းမြို့များ၏ အစိုးရများက ထုတ်ပြန်ခဲ့သည်။ ထို့အပြင် အဆိုပါမေလ၏အရောင်းအဝယ်ပမာဏသည် ဧပြီလကထက် ၃၆ ဒသမ ၆ ရာခိုင်နှုန်း မြင့်တက်ခဲ့ပြီး ၂၀၁၇ ခုနှစ်မေလကထက် ၁၆ ရာခိုင်နှုန်း မြင့်တက်ခဲ့သည်။

ဧပြီတွင် အိမ်ခြံမြေအရောင်းအဝယ်ပမာဏသည် မတ်လအောက် ၁၉ ဒသမ ၈ ရာခိုင်နှုန်း ကျဆင်းခဲ့ပြီး ၂၀၁၇ ဧပြီလအောက် ၁ ဒသမ ၆ ရာခိုင်နှုန်း ကျဆင်းခဲ့သည်။

တိုင်ပင်၌ မေလေအရောင်းအဝယ်သည် ၂,၆၃၁ ခုသာ ရှိခဲ့သော်လည်း ဧပြီထက် ၄၆ ဒသမ ၉ ရာခိုင်နှုန်း မြင့်တက်ခဲ့ပြီး အဆိုပါခြောက်မြို့အနက် အရောင်းအဝယ်မြင့်တက်နှုန်း အမြင့်ဆုံးဖြစ်သည်။

တိုင်ပေတွင် ဆုန်ရှန်၊ ကျုံးကျန်း၊ ရှင်းယီနှင့် သာအန်းခရိုင်များ၌ မေလမြင့်တက်နှုန်း ရာခိုင်နှုန်း ၅၀ ဖြင့် အရောင်းအဝယ်အများဆုံးဖြစ်ခဲ့ကြောင်း National Realty ၏ သုတေသနခေါင်းဆောင် ချန်ချင်းယွမ်က ပြောကြားခဲ့သည်။

ထိုင်ဝမ်တွင် ယခုနှစ် ပထမငါးလတာအတွင်း အိမ်ခြံမြေအရောင်းအဝယ်စုစုပေါင်း ၈၄,၆၃၁ ခု ရှိခဲ့ကာ ယမန်နှစ် ပထမငါးလတာကထက် ၈ ဒသမ ၁ ရာခိုင်နှုန်း မြင့်တက်ခဲ့ကြောင်း သိရသည်။

ခင်အေးချမ်း မှ iMyanmarHouse.com (အိုင်မြန်မာဟောက်စ်ဒေါ့ကွန်း) အတွက် အထူးဘာသာပြန် ရေးသားဖော်ပြသည်။
Credit: iMyanmarHouse.com