မန္တလေးအိမ်ခြံမြေတွေ ဒီရက်ပိုင်း အောက်ဈေးနဲ့ အရောင်းအဝယ်ဖြစ်လာတာက ဈေးကွက်ပြန်လည်လှုပ်ရှားသက်ဝင်လာလိမ့်မယ်လို့ အိမ်ခြံမြေအကျိုးဆောင် လုပ်ငန်းအချို့က မျှော်မှန်းပါတယ်။ ဖိုးလမင်းအိမ်ခြံမြေ အကျိုးဆောင်လုပ်ငန်းပိုင်ရှင် ဦးဝဏ္ဏစိုးက ' အလားအလာကောင်းဖို့ မျှော်လင့်ပါတယ်၊ ခုလဲ အရောင်းအဝယ်လေးတွေ ဖြောက်တောက်ဖြောက်တောက်တော့ စဖြစ်နေပြီ ' လို့ ပြောပါတယ်။ မန္တလေးအိမ်ခြံမြေ အရောင်းအဝယ်ဈေးကွက်မှာ ဒီရက်ပိုင်း မြေကွက်အချို့အရောင်းအဝယ် ပြန်ဖြစ်စပြုနေတယ်ဆိုပေမဲ့လည်း အောက်ဈေးနဲ့သာ အရောင်းအဝယ်ဖြစ်တာလို့ အကျိုးဆောင်အချို့ဆီက သိရပါတယ်။
မန္တလေးမြို့သစ်ရပ်ကွက်တွေဘက်မှာ အိမ်ခြံမြေရောင်းဝယ်ငှား လုပ်ကိုင်သူ အကျိုးဆောင် လုပ်ငန်းပိုင်ရှင်တစ်ဦးက ' ဈေးတန်းတော့ အောက်ဈေးနဲ့ပဲဖြစ်တယ်၊ ဝယ်ရောင်း ဈေးကစားတဲ့ ဈေးကွက်မဟုတ်ဘူး၊ အမှန်တကယ် မြေအသုံးချဖို့ပဲ ဝယ်တယ်၊ ဝယ်ပြီးတော့ လှောင်ထားမယ်၊ တစ်ဆင့် ပြန်လည်ရောင်းချမယ်
ဆိုတဲ့ ရည်ရွယ်ချက်နဲ့တော့ မဟုတ်ဘူး ' လို့ဆိုပါတယ်။ လက်ရှိအစိုးရတက်လာပြီး နောက်ပိုင်းမှာ မန္တလေးအိမ်ခြံမြေ အရောင်းအဝယ်ဈေးကွက်ဟာ ကောင်းမွန်တဲ့ အပြောင်းအလဲတွေ ဖြစ်ပေါ်လာမယ်လို့ အကျိုးဆောင် လုပ်ငန်း လုပ်ကိုင်သူတွေက မျှော်မှန်းခဲ့ကြပေမဲ့လည်း မန္တလေးအိမ်ခြံမြေဈေးကွက်မှာ လက်တွေ့တော့ ထူးထူးခြားခြား ပြောင်းလဲလာတာ မရှိသေးပါဘူး။
ဒီလို အိမ်ခြံမြေအရောင်းအဝယ်ဈေးကွက်နှစ်အတန်ကြာ ကျဆင်းနေစေတဲ့ အကြောင်းအရင်းတွေအနက် အိမ်ခြံမြေရာဖြတ် တန်ဖိုး စံနှုန်းသတ်မှတ်ချက်နဲ့ အခွန်နှုန်းများပြားမှုက အဓိက ပါဝင်တယ်လို့ အကျိုးဆောင်အချို့က ယူဆ ပြောဆိုပါတယ်။ လက်ရှိအစိုးရလက်ထက်မှာ မြေယာနဲ့ ပက်သက်တဲ့ မူဝါဒအသစ်တွေ ချမှတ် လုပ်ဆောင်လာမှာ တခြားရင်းနှီးမြှုပ်နှံလုပ်ကိုင်လို့ရမယ့် အလုပ်အကိုင်အခွင့်အလမ်းသစ်တွေ ပေါ်ပေါက်လာမယ်လို့ မျှော်လင့်ထားတာ စတာ တွေကြောင့် အိမ်ခြံမြေလုပ်ငန်းအပေါ်မှာ ရင်းနှီးမြှုပ်နှံမှုတွေ ပိုမိုဝင်ရောက်လာပြီး ဈေးကွက်ဖွံ့ဖြိုးလာမယ်လို့ အကျိုးဆောင်တွေ မျှော်မှန်းခဲ့ကြပါတယ်။
+++ ကျဆင်းနေ +++
ဒါပေမဲ့ လက်တွေ့မှာတော့ မန္တလေးမြို့တွင်းမြို့ပြင် အနီးပတ်ဝန်းကျင်ရှိ အိမ်ခြံမြေအရောင်းအဝယ် ဈေးကွက်အားလုံး ကျဆင်းသွားပြီး အခုအချိန်မှာတော့ မြေတန်ဖိုးတွေပါ ကျဆင်းနေတယ်လို့ အကျိုးဆောင်တချို့က ပြောပါတယ်။ အမြတ်အစွန်းအများအပြားရဖို့ သေချာတဲ့ ရင်းနှီးမြှုပ်နှံမှုလုပ်ငန်းအဖြစ်
ဒေသခံစီးပွားရေး စီးပွားရေးလုပ်ငန်းရှင်တွေ၊ တစ်ပိုင်တစ်နိုင် လုပ်ငန်းသမားတွေ ဝင်ရောက်ရင်းနှီးမြှုပ်နှံခဲ့ကြတဲ့ လုပ်ငန်းတစ်ခု အခုလို ကျဆင်းစေတာဟာ အိမ်ခြံမြေအပေါ် အခွန်ကောက်ခံရာမှာ သတ်မှတ်တဲ့ မန္တလေးအိမ်ခြံမြေရာဖြတ်တန်ဖိုးစံနှုန်း သတ်မှတ်ချက်မှာ အရောင်းအဝယ်ဈေးကွက်နဲ့ မကိုက်ညီတဲ့ ဧကအလိုက်စံနှုန်းသတ်မှတ်မှု၊ မြေပြင်ပေါက်ဈေးထက် စံနှုန်းသတ်မှတ်ချက်များပြားမှုတွေအပြင် ပြည်ထောင်စု အခွန်အကောက်ဥပဒေအရ တန်ဖိုးအလိုက် အခွန်ကောက်ခံရာမှာ အခွန်နှုန်းများပြားနေမှုကြောင့်လို့ အကျိုးဆောင်အချို့က ဆိုပါတယ်။ ဧကအလိုက်စံနှုန်းသတ်မှတ်တဲ့စနစ်ဟာ အရောင်းအဝယ် ဈေးကွက်သဘောနဲ့ ကိုက်ညီမှုမရှိဘဲဖြစ်နေလို့ အခုနှစ် စံနှုန်းထုတ်ပြန်ရာမှာ နေရာအနေအထားအလိုက် တစ်စတုရန်းပေးနှုန်းနဲ့ သတ်မှတ်ပေးဖို့ အကျိုးဆောင်လုပ်ငန်းရှင်တွေဘက်က တောင်းဆိုခဲ့ပေမဲ့လည်း ရာဖြတ်တန်ဖိုး သတ်မှတ်ချက်မှာ ဧကအလိုက် စံနှုန်းသတ်မှတ်ထုတ်ပြန်တယ်လို့ သိရပါတယ်။
သတ်မှတ်ထုတ်ပြန်လိုက်တဲ့ အိမ်ခြံမြေရာဖြတ်တန်ဖိုး သတ်မှတ်ချက်ဟာ ကာလပေါက်ဈေးထက် (၁၀)ရာခိုင်နှုန်းကနေ (၃၀)ရာခိုင်နှုန်းအထိ များပြားတယ်လို့ ဝဖန်မှုတွေ ထွက်ပေါ်လာခဲ့ပါတယ်။ မြေပြင်ပေါက်ဈေးထက် စံနှုန်းသတ်မှတ်ချက်များပြားမှုတွေအပြင် ပြည်ထောင်စု အခွန်အကောက်ဥပဒေအရ တန်ဖိုးအလိုက် အခွန်ကောက်ခံရာမှာ အခွန်နှုန်းများပြားနေတယ်လို့ အကျိုးဆောင်အချို့က ဆိုပါတယ်။ ပြည်ထောင်စု အခွန်ကောက်ဥပဒေအရ အိမ်ခြံမြေရောင်းဝယ်ရာမှာ ကျပ်သိန်း (၃၀၀)နဲ့ အောက်ကို (၁၅)ရာခိုင်နှုန်း၊ ကျပ် (၃၀၁)သိန်းမှ ကျပ်သိန်း (၁၀၀၁)ထိ (၂၀)ရာခိုင်နှုန်း၊ ကျပ် (၃၀၀၁)သိန်းအထက် အခွန် (၃၀)ရာခိုင်နှုန်း အခွန်ပေးဆောင်ရမှာ ဖြစ်ပါတယ်။
ဦးဝဏ္ဏစိုးက ' အခွန်ကောက်ဥပဒေတွေလျှော့ပေးမယ်ဆိုရင် ဝါကျွန်ကာလ ပွင့်လင်းရာသီ (၁၀)လပိုင်းလောက်တော့ ဈေးကွက်ပြန်လည် လှုပ်ရှားသက်ဝင်ဖို့ ထင်မြင်ယူဆမိပါတယ် ' လို့ပြောပါတယ်။
Credit: The Kumudra
