ကမ္ဘာကျော် ဟောလိဝုဒ်ကြယ်ပွင့် ဟယ်ရီဆင်ဖို့ဒ်နှင့် လက်ရှိဇနီး ကာလစ္စတာ ဖလော့ခ်ဟာ့ထ်တို့သည် လော့စ်အိန်ဂျလိရှိ နေအိမ်တစ်လုံးကို ကန်ဒေါ်လာ ၁၃ သန်းနီးပါးဖြင့် ဝယ်ယူလိုက်ကြောင်း နယူးယောက်အခြေစိုက် အိမ်ခြံမြေသတင်းဝက်ဘ်ဆိုက်တစ်ခုတွင် ဖော်ပြသည်။
ဟယ်ရီဆင်ဖို့ဒ်သည် ဇနီးဟောင်း မယ်လစ်ဆာ မာသီဆန်နှင့် ၂၀၀၄ ခုနှစ်တွင် ကွာရှင်းခဲ့သည်။ ယခုတတိယမြောက်ဇနီး ကာလစ္စတာနှင့် ၂၀၀၂ ခုနှစ်တွင် ချစ်ကြိုက်ခဲ့ပြီး ၂၀၁၀ ပြည့်နှစ်၊ ဇွန်လတွင် လက်ထပ်ခဲ့ကြသည်။
ကာလစ္စတာသည် “Brothers and Sisters” ရုပ်သံ ဇာတ်လမ်းတွဲတွင် ပါဝင်သရုပ်ဆောင်ခဲ့သည့် ရုပ်ရှင်မင်းသမီးတစ်ဦးလည်းဖြစ်သည်။
ဟယ်ရီဆင်ဖို့ဒ်တို့ ဇနီးမောင်နှံသည် စတုရန်းပေ ၁၄၀၀၀ ခန့်ကျယ်ဝန်းသော ယခုနေအိမ်ကို ကန်ဒေါ်လာ ၁၂ ဒသမ ၆၅ သန်းဖြင့် ဝယ်ယူခဲ့ခြင်း ဖြစ်ကြောင်း Real Estalker ၏ သတင်းတစ်ရပ်တွင်လည်း ဖော်ပြသည်။
မကြာသေးမီ နှစ်များအတွင်းကမှ ဆောက်လုပ်ခဲ့သည့် နေအိမ်သစ်တစ်လုံးဖြစ်ပြီး ၂၀၁၀ ပြည့်နှစ် အစောပိုင်းက အရောင်းဈေးကွက်သို့ ပထမဆုံးရောက်ရှိခဲ့ဖူးပြီး ထိုစဉ်ကခေါ်ဈေးမှာ ကန်ဒေါ်လာ ၁၅ သန်းကျော်ဖြစ်သည်။
နေအိမ်အတွင်း အိပ်ခန်း ၇ ခန်း၊ ရေချိုးခန်း ၉ ခန်းပါဝင်ပြီး လာရောက်လည်ပတ်မည့် ဆွေမျိုးသားချင်းဧည့်သည်များ တည်းခိုနိုင်ရန် အခန်းများစွာ ပါဝင်သေးသည်။
ဟယ်ရီဆင်ဖို့ဒ်တွင် သားသမီး ၄ ဦးနှင့် မြေး ၃ ဦး ရှိသည်။
ဟယ်ရီဆင်ဖို့ဒ်သည် ၁၉၄၂ ခုနှစ်၊ ဇူလိုင်လ ၁၃ ရက်တွင် အမေရိကန်ပြည်ထောင်စု၊ အီလီနွိုက်စ်ပြည်နယ်၊ ချီကာဂိုမြို့တွင် မွေးဖွားခဲ့သည်။
ရုပ်ရှင်ဇာတ်ကားများစွာတွင် ပါဝင်သရုပ်ဆောင်ခဲ့သည့်အနက် ၎င်းအား အထွတ်အထိပ်သို့ ရောက်ရှိစေခဲ့သည်မှာ Star Wars ဇာတ်လမ်းတွဲများနှင့် အင်ဒီယာနာဂျုံးစ်ဇာတ်လမ်းတွဲများ ဖြစ်သည်။
အနုပညာသက်တမ်း နှစ်ပေါင်း ၆၀ ခန့်အတွင်း နာမည်ကျော် ရုပ်ရှင်ဇာတ်ကားများစွာ ရိုက်ကူးခဲ့သည့်အနက် အခြားနာမည်ကျော် ဇာတ်ကားများမှာ Apocalypse Now (၁၉၇၉)၊ The Fugitive (၁၉၉၃)၊ American Graffiti (၁၉၇၃)၊ The Conversation (၁၉၇၄)၊ Star Wars (၁၉၇၇) နှင့် Raiders of the Lost Ark (၁၉၈၁) တို့ ဖြစ်ကြသည်။
၂၀၁၆ ခုနှစ် စာရင်းများအရ ဟယ်ရီဆင်ဖို့ဒ်၏ ဇာတ်ကားအားလုံးမှ စုစုပေါင်းဝင်ငွေ အမေရိကန်တစ်နိုင်ငံတည်းတွင်ပင် ကန်ဒေါ်လာ ၄ ဒသမ ၇ ဘီလီယံခန့်ရရှိခဲ့ပြီး တစ်ကမ္ဘာလုံးအတိုင်းအတာအားဖြင့် ကန်ဒေါ်လာ ၆ ဘီလီယံကျော်ရှိသည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
