၂ဝ၁၈ ခုနှစ်တွင် ကွန်ဒိုတိုက်ခန်းဝယ်ယူနှုန်းမြင့်တက်လာ

ရန်ကုန်မြို့အတွင်း အဆင့်မြင့်ကွန်ဒိုမီနီယမ်တိုက်ခန်း ၆ဝဝဝ ကျော်ရှိလာပြီး သုံးနှစ်အတွင်း အခန်းပေါင်း ၁ဝဝဝဝ ကျော် ထပ်မံထွက်ရှိမည်ဟု မျှော်မှန်းထားကာရောင်းအားအနေဖြင့် ၂ဝ၁၆ ခုနှစ်နောက်ပိုင်းနှင့် နှိုင်းယှဉ်ပါက ပြန်လည်မြင့်တက်လာကြောင်း ကနေဒါ အခြေဆိုက်နိုင်ငံတကာ အိမ်ခြံမြေ ဝန်ဆောင်မှု လုပ်ငန်းတစ်ခု ဖြစ်သော Colliers International(Myanmar)၏၂ဝ၁၈ ခုနှစ် ပထမ သုံးလပတ်ဈေးကွက်အစီရင်ခံစာ တွင် သုံးသပ်ထားသည်။

၂ဝ၁၈ ခုနှစ်သုံးလအတွင်း ကွန်ဒိုတိုက်ခန်းသစ်အနည်းငယ်သာထွက်ရှိသော်လည်း ဝယ်ယူမှုနှုန်းမြင့်တက်ခဲ့ခြင်းကြောင့် ကွန်ဒိုတည်ဆောက်သူများအတွက် ဈေးကွက်ယုံကြည်မှု အထိုက်အလျောက် တိုးတက်စေခဲ့သည်။

ဈေးနှုန်းသင့်ပြီး အရည်အသွေးကောင်းမွန်ကာ ကားပါကင် နေရာအခက်အခဲမရှိသော ကွန်ဒိုတိုက်ခန်းများဝယ်လိုအားကောင်းလာသည်။

ယခင်သုံးလနှင့် နှိုင်းယှဉ်ပါက ၂ဝ၁၈ ပထမသုံးလပတ်တွင် ကွန်ဒိုတိုက်ခန်းသစ်သုံးရာခိုင်နှုန်းထွက်ရှိခဲ့ပြီး အခန်းဝယ်ယူမှုတွင်ယခင်သုံးလကထက် ၂ဒသမ ၂ရာခိုင်နှုန်းမြင့်တက်ခဲ့သော်လည်းဈေးနှုန်းမှာမူ အကျပိုင်းတွင် ဆက်လက်တည်ရှိနေဆဲဖြစ်သည်။

ဈေးကွက်ကျဆင်းမှုရှိနေသော်လည်း ဆောက်လက်စ ကွန်ဒိုတိုက်ခန်းများရှိနေသောကြောင့် ၂ဝ၁၈ ခုနှစ်တွင် ၂ဝ၂ဝ ပြည့်နှစ်အထိ တိုက်ခန်းသစ် ၁ဝ၃ဝဝ ဝန်းကျင်ထွက်ရှိမည်မျှော်မှန်းထားကာစီမံကိန်း ၃၈ ခုမှာ ယခုနှစ်အတွင်း ပြီးစီးမည် ဟုခန့်မှန်းထားသည်။ကွန်ဒိုတိုက်ခန်းများတွင် အဓိက ပြဿနာတစ်ရပ်ဖြစ်နေသည့်ကားပါကင်အခက်အခဲကိုလည်း တည်ဆောက်သူများဖြေရှင်းမှ သာဝယ်လိုအားတိုးတက်မှုကို အထောက်အကူပြုမည်ဖြစ်သည်။

ပြီးခဲ့သည့် ၂ဝ၁၆ ခုနှစ်အတွင်းက လာမည့် ငါးနှစ်အတွင်း ကွန်ဒိုတိုက်ခန်းတစ်နှစ်လျှင် ပျမ်းမျှ ၂၁ဝဝ ခန့်ထွက်ရှိလာမည် ဟု Colliers မှ ခန့်မှန်းခဲ့သော်လည်း စီမံကိန်းနှောင့်နှေးမှုကြောင့် ၂ဝ၁၆ ခုနှစ် တွင်အခန်းပေါင်း ၁၆ဝဝ ဝန်းကျင်၊၂ဝ၁၇ခုနှစ်အတွင်း အခန်းပေါင်း ၉ဝဝ ဝန်းကျင်သာ အသစ်ထွက်ပေါ်နိုင်ခဲ့သည်။

Colliers ၏တွက်ချက်မှုများအရ မြန်မာနိုင်ငံရှိ နိုင်ငံတကာအဆင့်မီကွန်ဒိုတိုက်ခန်းများအနက် အလယ်အလတ်အဆင့် ၁၃ရာခိုင်နှုန်း၊အလယ်အလတ်ထက်အဆင့်မြင့်အဆင့် ၂၅ ရာခိုင်နှုန်း၊ အရည်အသွေးမြင့်အဆင့် ၄၉ ရာခိုင်နှုန်း၊ဇိမ်ခံအရည်အသွေးအဆင့် ၁၃ရာခိုင်နှုန်းရှိကြောင်းသိရသည်။


Credit : Daily Eleven