ဆောက်လုပ်ရေးဝန်ကြီး ဌာန မြို့ပြနှင့် အိမ်ရာဖွံ့ဖြိုးရေး ဦးစီးဌာနက အိမ်ရာစီမံကိန်းကြီး (Mega Project)လေးခုကို လုပ် ကိုင်မည်ဖြစ်ကြောင်း မေလ ၂၂ ရက်တွင် သတင်းထုတ်ပြန်သည်။
အဆိုပါဦးစီးဌာနက ပြည်သူ များအလုပ်အကိုင်အခွင့်အလမ်း ရရှိရေး၊ သန့်ရှင်းသာယာ၍ သဘာဝပတ်ဝန်းကျင်နှင့် လိုက်လျောညီ ထွေရှိမည့် လူနေမှုဘဝကို ရရှိခံ စားနိုင်ရေးနှင့် တိုင်းပြည်ကုန် ထုတ်လုပ်မှုကဏ္ဍ မြင့်မားတိုး တက်စေရေးရည်ရွယ်၍ အကောင်အထည်ဖော်ခြင်းဖြစ်သည်ဟု ထုတ်ပြန်ထားသည်။
အဆိုပါစီမံကိန်းများသည် မန္တလေးတိုင်း ပြင်ဦးလွင်မြို့နယ်ရှိ New Mandalay Resort City ၊ ရန်ကုန်တိုင်း လှည်းကူးမြို့နယ်ရှိ Eco Green City၊ လှည်းကူးမြို့ နယ် ညောင်နှစ်ပင်ရှိ Korea Myanmar Industry Complex နှင့် ဒဂုံဆိပ်ကမ်းမြို့နယ်ရှိ Smart District တို့ဖြစ်သည်။
ပြင်ဦးလွင်မြို့နယ်တွင် အကောင်အထည်ဖော်မည့် New Mandalay Resort City သည် မြေဧကတစ်သောင်းခန့်ရှိပြီး စီမံကိန်းကို အပိုင်းသုံးပိုင်းဖြင့် ဆောင်ရွက်မည်ဖြစ်သည်။
လက်ရှိတွင် မြေယာဖော်ထုတ်မည့် ကုမ္ပဏီ ခြောက်ခုကို ပမာဏရွေးချယ်ထား သည်ဟု ဦးစီးဌာနက ဆိုထား သည်။
Eco Green City သည် မြေ ၁,၄၅၃ ဧကတွင် ဆောင်ရွက်မည်ဖြစ်ပြီး ပြည်တွင်းမှ Alliance Stars Group of Companies တို့ ပူး ပေါင်းဆောင်ရွက်ခြင်းဖြစ်သည်။
လှည်းကူးမြို့နယ် ညောင်နှစ်ပင်တွင် အကောင်အထည်ဖော် မည့် Korea Myanmar Industry Complex သည် ကိုရီးယားနိုင်ငံ LH ကော်ပိုရေးရှင်းနှင့် ဆောင် ရွက်မည်ဖြစ်ပြီး ကိုရီးယားကုမ္ပဏီ က ၆၀ ရာခိုင်နှုန်း၊ ဦးစီးဌာနက ၄၀ ရာခိုင်နှုန်းရှယ်ယာပိုင်ဆိုင်မည် ဖြစ်သည်။ စီမံကိန်းသည် ၂၀၁၈- ၂၃ အထိဖြစ်ပြီး စုစုပေါင်းရင်းနှီးငွေ ကန်ဒေါ်လာသန်း ၁၀၀ ကျော်ဖြစ်သည်။
ဒဂုံဆိပ်ကမ်း မြို့နယ်ရှိ Smart District သည် မြေဧက ၁,၁၀၀ တွင် ရွှေတောင်ကုမ္ပဏီနှင့် ဦးစီးဌာန ပူးပေါင်းဆောင်ရွက် ခြင်းဖြစ်ပြီး ရင်းနှီးမြှုပ်နှံမှု ကျပ်
ဘီလီယံ ၂၅၀ ဖြစ်သည်။
Credit: 7Daydaily
