ဟောင်ကောင်အခြေစိုက် နာမည်ကျော် အိမ်ခြံမြေ developer ဖြစ်သော Sun Hung Kai Properties (SHKP) သည် ကမ္ဘာပေါ်တွင် အိမ်ခြံမြေ ဈေးနှုန်းအမြင့်မားဆုံးဖြစ်သည့် ဟောင်ကောင်၏ ကိုင်တက်ခ်ဒေသ၌ စတုရန်းပေ ၂ သိန်းနီးပါးကျယ်ဝန်းသည့် လူနေမြေနေရာတစ်ခုကို ကန်ဒေါ်လာ ၃ ဘီလီယံကျော်ဖြင့် တင်ဒါဆွဲဝယ်ယူလိုက်ကြောင်း ရှန်ဟိုင်းအခြေစိုက် အိမ်ခြံမြေ သတင်းဝက်ဘ်ဆိုက်တစ်ခုတွင် ဖော်ပြသည်။
SHKP က အဆိုပါနေရာကို ဟောင်ကောင်ဒေါ်လာ ၂၅ ဒသမ ၁၆ ဘီလီယံ (ကန်ဒေါ်လာ ၃ ဒသမ ၂ ဘီလီယံ) ဖြင့် ဝယ်ယူလိုက်ကြောင်း ဟောင်ကောင်မြေယာအရာရှိရုံးက တရားဝင်ထုတ်ပြန်ထားသည်။
တည်နေရာမှာ ကိုလုံးအရှေ့ရှိ ဟောင်ကောင်လေဆိပ်ဟောင်းနေရာဖြစ်ပြီး ယခင်က ဟောင်ကောင်တွင် ဈေးအကြီးဆုံးအဖြစ် စံချိန်တင်ခဲ့သည့် အရောင်းအဝယ်ထက် ယခုဝယ်ယူမှုမှာ ၄၆ ရာခိုင်နှုန်းခန့် ပိုမိုများပြားလျက်ရှိသည်။
ပြီးခဲ့သော နိုဝင်ဘာလအတွင်း Sino Land ဦးဆောင်သည့် ကုမ္ပဏီများက ကိုလုန်းအရပ်ရှိ မြေနေရာတစ်ခုကို ဟောင်ကောင်ဒေါ်လာ ၁၇ ဒသမ ၂၈ ဘီလီယံဖြင့် ဝယ်ယူခဲ့မှုမှာ ဟောင်ကောင်တွင် တန်ဖိုးအကြီးမားဆုံး အိမ်ခြံမြေအရောင်းအဝယ်အဖြစ် စံချိန်တင်ထားသည်။
ဟောင်ကောင်တွင် အိမ်ခြံမြေဈေးနှုန်းများ မြင့်တက်လျက်ရှိသည်မှာ ၂ နှစ်ကျော်ကြာမြင့်ခဲ့ပြီးနောက် ယခုအခါ စတုရန်းပေ ၁၇၈၀၀၀ ( စတုရန်းမီတာ ၁၆၅၃၇) ကျယ်ဝန်းသော အဆိုပါနေရာ အရောင်းအဝယ်ပေါ်ပေါက်လာခြင်းလည်းဖြစ်သည်။
ဟောင်ကောင်အုပ်ချုပ်ရေးအဖွဲ့က ထုတ်ပြန်သော အိမ်ခြံမြေဈေးနှုန်းညွှန်းကိန်းများသည် ၂၀၁၆ ခုနှစ်မှ စတင်ကာ စံချိန်တင်မြင့်တက်ခဲ့ပြီး ယခုတိုင်ဆက်လက်မြင့်တက်နေခြင်း ဖြစ်သည်။
“ဝယ်ယူသွားတဲ့ဈေးနှုန်းဟာ မူလခန့်မှန်းထားတာထက် မြင့်မားနေတယ်။ ဒါက ဟောင်ကောင် deveoper တွေ မြေယာဆာလောင်မွတ်သိပ်နေတာ ကာလကြာမြင့်ခဲ့ပြီဆိုတာကို ပြသလိုက်တဲ့ လက္ခဏာတစ်ရပ်ပါပဲ” ဟု Knight Frank မှ ဒါရိုက်တာတစ်ဦးဖြစ်သူ သောမတ်စ်လမ်းက ပြောကြားသည်။
“ဒီဈေးနှုန်းက နောက်တစ်ချက်ဘာကိုညွှန်ပြနေလဲဆိုတော့ developer တွေဟာ ဟောင်ကောင်အိမ်ခြံမြေဈေးကွက်နဲ့ ကိုင်တက်ခ်ဒေသရဲ့ ဖွံ့ဖြိုးမှုအပေါ် ယုံကြည်မှုရှိတယ်၊ အကောင်းမြင်ထားတယ်ဆိုတာကို ပြနေပါတယ်” ဟုလည်း သောမတ်စ်လမ်းက ဆက်လက်ပြောကြားသည်။
မူလက အများခန့်မှန်းထားသည်မှာ ဟောင်ကောင်ဒေါ်လာ ၂၁ ဘီလီယံခန့်ဖြင့်သာ အရောင်းအဝယ်ဖြစ်မည်ဟု ခန့်မှန်းထားခဲ့ကြခြင်း ဖြစ်ရာ ယခုဈေးနှုန်းမှာ ခန့်မှန်းချက်ထက် ၂၀ ရာခိုင်နှုန်းခန့် များပြားနေသည်။
ယှဉ်ပြိုင်လေလံဆွဲရာတွင် ရှုံးနိမ့်သွားခဲ့ကြသည့် ကုမ္ပဏီများတွင် ဟောင်ကောင်အချမ်းသာဆုံးသူဌေးကြီး လီကာရှင်း၏ CK Asset Holdings၊ Henderson Land Development၊ K Wah International ၊ Lifestyle International ၊ Wheelock Properties၊ Chime Corporation၊ New World Development နှင့် China Overseas Land & Investment ကုမ္ပဏီများ ပါဝင်သည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
