ဗိုလ်ဗထူးတန်ဖိုးမျှတအိမ်ရာစီမံကိန်း(ဒုတိယအဆင့်)မှ နေအိမ်တိုက်ခန်းများကို ဦးရာလူစနစ်ဖြင့် မည်သူမဆို ဝယ်ယူနိုင်ကြပြီဖြစ်ရာ နေအိမ်တိုက်ခန်း များကို ဆက်လက်ရောင်းချပေးလျက်ရှိကြောင်း ရန်ကုန်မြို့တော်စည်ပင် သာယာရေးကော်မတီမှ သိရသည်။
တန်ဖိုးငွေကျပ်ဘီလီယံ ၃ဝ ခန့် အကုန်အကျခံဆောက်လုပ်ထားသည့် ဗိုလ်ဗထူးတန်ဖိုးမျှတအိမ်ရာစီမံကိန်း(ဒုတိယအဆင့်)မှာ ဗိုလ်ဗထူးတန်ဖိုးမျှတ အိမ်ရာစီမံကိန်း(ပထမအဆင့်)အနီး၌ ဆောက်လုပ်ထားခြင်းဖြစ်ပြီး ဒဂုံမြို့သစ် (မြောက်ပိုင်း)မြို့နယ်ရှိ ဗိုလ်မှူးဗထူးလမ်းနှင့် ဘုရင့်နောင်လမ်းထောင့်ဆုံရာ နေရာ၌ တည်ရှိသည်။
ဗိုလ်ဗထူးတန်ဖိုးမျှတအိမ်ရာစီမံကိန်း(ဒုတိယအဆင့်) ၌ နေအိမ်တိုက်ခန်း စတုရန်းပေ ၉၂၇ အကျယ်အဝန်းရှိ အထပ်မြင့်ရှစ်ထပ်တိုက် အဆောက်အအုံ ၁၉ လုံးနှင့် နေအိမ်တိုက်ခန်းစတုရန်းပေ ၆၁၄ အကျယ်အဝန်းရှိ အထပ်မြင့် ရှစ်ထပ်တိုက် အဆောက်အအုံရှစ်လုံးတို့ကို ဆောက်လုပ်ထားကာ စုစုပေါင်း အဆောက်အအုံ ၂၇ လုံးဆောက်လုပ်ထားကြောင်းနှင့် အိမ်ခန်းပေါင်း ၈၆၄ ခန်း ပါဝင်ဆောက်လုပ်ထားကြောင်းသိရသည်။
ယခုအခါ အဆိုပါစီမံကိန်းမှမဲဖောက်ရောင်းချပေးထားသော နေအိမ် တိုက်ခန်းဝယ်ယူလိုသည့် လျှောက်လွှာပေါင်း ၅ဝဝဝ ကျော် လက်ခံရရှိခဲ့ကြောင်း နှင့် အဆိုပါနေအိမ်တိုက်ခန်းများကို ပြီးခဲ့သည့်နှစ် အောက်တိုဘာ ၁၇ ရက် မှ ဒီဇင်ဘာ ၁၇ ရက်အထိ နှစ်လတာကာလအတွင်း ပထမအရစ်ငွေပေးသွင်းရန် သတ်မှတ်ခဲ့ရာ နေအိမ်တိုက်ခန်းပေါင်း ၄၅၂ ခန်းသာ ငွေပေးသွင်းခဲ့ကြောင်း သိရသည်။ ကျန်ရှိနေအိမ်တိုက်ခန်း ၄၁၂ ခန်းမှာ မဲစနစ်ဖြင့် လျှောက်ထားခဲ့ ကြသော်လည်း လက်ရှိလာရောက်ငွေပေးသွင်းခြင်း မရှိသောကြောင့် ဝယ်ယူခွင့် ရရှိသူစာရင်းမှ တရားဝင်ပယ်ဖျက်လိုက်ပြီဖြစ်ပြီး အဆိုပါနေအိမ်တိုက်ခန်းများ ကို မတ် ၂၈ ရက်မှစတင်၍ မည်သူမဆိုလွတ်လပ်စွာဝယ်ယူနိုင်ပြီ ဖြစ် ကြောင်း ရန်ကုန်မြို့တော်စည်ပင်သာယာရေးကော်မတီ အင်ဂျင်နီယာဌာန (အဆောက်အအုံ)မှ အသိပေးကြေညာခဲ့ကြောင်း သိရသည်။
လက်ရှိအနေအထားအရ စတုရန်းပေ ၆၁၄ အကျယ်အဝန်းရှိ နေအိမ် တိုက်ခန်းများဆောက်လုပ်နေမှုမှာ ရာခိုင်နှုန်း ၈ဝ ဆောက်လုပ်ပြီးစီးနေပြီဖြစ်ပြီး မကြာမီဆောက်လုပ်ပြီးစီးတော့မည်ဖြစ်သောကြောင့် ကျန်ပေးသွင်းရမည့် အရစ်များကိုလည်း ဆက်လက်ပေးသွင်းနိုင်ကြပြီဖြစ်ကြောင်း၊ စတုရန်းပေ ၉၂၇ အကျယ်အဝန်းရှိ နေအိမ်တိုက်ခန်းများကိုလည်း ဆက်လက်ဆောက်လုပ် လျက်ရှိပြီး နေအိမ်တိုက်ခန်းအနည်းငယ်သာရောင်းချရန် ကျန်ရှိသောကြောင့် အဆိုပါနေအိမ်တိုက်ခန်းများကိုလည်း မည်သူမဆိုလွတ်လပ်စွာဝယ်ယူနိုင်ကြကြောင်းနှင့် နေအိမ်တိုက်ခန်းများကို အင်တိုက်အားတိုက်ဆောက်လုပ်လျက် ရှိကြောင်း သိရသည်။
အဆိုပါနေအိမ်တိုက်ခန်းများ၏ရောင်းဈေးအနေဖြင့် စတုရန်းပေ ၆၁၄ အကျယ်အဝန်းရှိ အခန်းအား ငွေကျပ် ၂၈၅ သိန်းဖြင့်လည်းကောင်း၊ စတုရန်းပေ ၉၂၇ အကျယ်အဝန်းရှိ အခန်းအားငွေကျပ် ၃၇၇ သိန်းဖြင့်လည်းကောင်း စီစဉ်ရောင်းချပေးထားပြီး အခန်းဝယ်ယူခွင့်ရရှိသူများသည် အခန်းတန်ဖိုး၏ ၃ဝ ရာခိုင်နှုန်းကို ဝယ်ယူပြီးနှစ်လအတွင်းအပြီးသတ် ငွေပေးသွင်းရန် သတ်မှတ်ထားကြောင်း၊ စတုရန်းပေ ၆၁၄ အကျယ်အဝန်းရှိ အခန်းအတွက် ပထမအရစ် ငွေကျပ် ၈၅ ဒသမ ၅ သိန်းကိုလည်းကောင်း၊ စတုရန်းပေ ၉၂၇ အကျယ်အဝန်းရှိ အခန်းအတွက် ပထမအရစ်ငွေကျပ် ၁၁၃ ဒသမ ၁ သိန်းကို လည်းကောင်း အရစ်ကျစနစ်ဖြင့် ဝယ်ယူနိုင်ကြကြောင်းနှင့် ဧရာဝတီဘဏ်နှင့် ချိတ်ဆက်၍ အခန်းတန်ဖိုးအတွက် ၁ဝ နှစ် အရစ်ကျဝယ်ယူနိုင်ကြောင်း၊ ထို့အပြင် အဆိုပါ စတုရန်းပေ ၆၁၄ အကျယ်အဝန်းရှိ နေအိမ်တိုက်ခန်းနှင့် စတုရန်းပေ ၉၂၇ အကျယ်အဝန်းရှိ နေအိမ်တိုက်ခန်းများကို ဝယ်ယူလိုပါ က ရန်ကုန်မြို့တော်စည်ပင်သာယာရေးကော်မတီရှိ ဆက်သွယ်ရန်ဖုန်းနံပါတ် ဝ၁-၃၇၈၁၅၇၊ ဝ၉-၄ဝ၂၂၅၁၄၁၁၊ ဝ၉-၄ဝ၂၂၅၁၄ဝဝ နှင့် ဝ၉-၄ဝ၂၂၅၁၄၂၂ တို့သို့ မည်သူမဆို ဆက်သွယ်စုံစမ်းဝယ်ယူနိုင်ကြကြောင်း သိရသည်။
ဗိုလ်ဗထူးတန်ဖိုးမျှတအိမ်ရာစီမံကိန်း(ဒုတိယအဆင့်)မှ နေအိမ်တိုက်ခန်း များကို ဝယ်ယူနေထိုင်ကြသောပြည်သူများအနေဖြင့် ခေတ်မီစွာနေထိုင်နိုင် ကြတော့မည်ဖြစ်ပြီး ကလေးများအတွက် ကစားကွင်းများနှင့် အပန်းဖြေ ဥယျာဉ်များ ထည့်သွင်းဆောက်လုပ်ထားသောကြောင့် နိုင်ငံတကာအဆင့်မီ အိမ်ရာစီမံကိန်းဖြစ်ကြောင်း သိရသည်။
Credit: The Mirror
