ရန်ကုန်မြို့တော် စည်ပင်သာယာနယ်နိမိတ်အတွင်း ဆောက်လုပ်နေသည့်
အဆောက်အအုံများကို မြန်မာနိုင်ငံ အင်ဂျင်နီယာကောင်စီ၊မြန်မာနိုင်ငံ ဗိသုကာကောင်စီများတွင်မှတ်ပုံတင်ထားသော အင်ဂျင်နီယာ၊ဗိသုကာများဖြင့်သာ
ကြီးကြပ်ဆောက်လုပ်ခွင့်ပေးမည်ဖြစ်ကြောင်း ရန်ကုန်မြို့တော် စည်ပင်သာယာရေးကော်မတီ ၏သတင်းထုတ်ပြန်ချက်အရသိရသည်။
ရန်ကုန်မြို့တော်စည်ပင်သာယာနယ်နိမိတ်အတွင်း ဆောက်လုပ်သည့် အဆောက်အအုံများကို ကြီးကြပ်ကွက်ကဲဆောက်လုပ်ရန်အတွက် ရန်ကုန်မြို့တော်စည်ပင်သာယာရေးကော်မတီမှအင်ဂျင်နီယာလိုင်စင်များစိစစ်ထုတ်ပေးလျက်ရှိကြောင်းသိရသည်။
ယင်းထုတ်ပေးထားသည့်လိုင်စင်များသည် ၂ဝ၁၈ခုနှစ်၊မတ် ၃၁ ရက်က သက်တမ်းကုန်ဆုံးသွားခဲ့ပြီဖြစ်သည်။ထိုကြောင့် ၂ဝ၁၈ ခုနှစ် ဧပြီ ၁ရက်မှ စတင်
ကာ မြန်မာနိုင်ငံ အင်ဂျင်နီယာကောင်စီနှင့် ဗိသုကာများနှင့် သာရန်ကုန်မြို့တော်နယ်နိမိတ်အတွင်း ကြီးကြပ်ဆောက်လုပ်ခွင့်ပြုပေးသွားမည်ဖြစ်သည်။
ရန်ကုန်မြို့တော်စည်ပင်သာယာနယ်နိမိတ်အတွင်းတွင်အဆောက်အအုံများကို ကြီးကြပ်ဆောက်လုပ်ခွင့်ရရှိထားကြသည့် အင်ဂျင်နီယာများ၊ဗိသုကာများအနေဖြင့်ရန်ကုန်မြို့တော်စည်ပင်သာယာရေးကော်မတီတွင်မှတ်ပုံတင်ကြေး
ထပ်မံပေးဆောင်ရန် မလိုအပ်ဟု သိရသည်။
ထို့အပြင်ယင်းအင်ဂျင်နီယာများ၊ဗိသုကာများအနေနှင့် မိမိတို့ကြီးကြပ်ဆောက်လုပ်ခွင့် ရရှိထားသည့် အဆောက်အအုံအမျိုးအစားနှင့် အဆောက်အအုံ၏အမြင့်ကို သက်ဆိုင်ရာကောင်စီများ၏ သတ်မှတ်ချက်များအတိုင်းသာ
ဆောင်ရွက်ခွင့်ပြုပေးမည်ဖြစ်ကြောင်း ရန်ကုန်မြို့တော်စည်ပင်သာယာရေးကော်မတီမှ အသိပေးသတင်းထုတ်ပြန်ပေးခဲ့ကြောင်းသိရသည်။
ထို့အပြင် ယင်း ၂ဝ၁၈ ခုနှစ် ဧပြီ ၁ရက်မှ စ၍ မှတ်ပုံတင်ဆောင်ရွက်နေသည့် အင်ဂျင်နီယာ နှင့် ဗိသုကာများအနေနှင့် ရန်ကုန်မြို့တော် စည်ပင်သာယာရေးကော်မတီ၏ ဥပဒေ၊နည်းဥပဒေ၊လုပ်ထုံးလုပ်နည်းများနှင့်အညီဆောင်ရွက်ကြရမည်ဖြစ်သည်။
ရန်ကုန်မြို့တော် စည်ပင်သာယာရေးကော်မတီတွင် မှတ်ပုံတင်ကာ လိုင်စင်ရယူဆောင်ရွက်နေကြသည့် အင်ဂျင်နီယာဗိသုကာများအနေနှင့်လည်းသက်ဆိုင်ရာကောင်စီများနှင့်လိုအပ်သလိုဆက်သွယ်ဆောင်ရွက်ကြရန်အတွက်လည်း
ရန်ကုန်မြို့တော် စည်ပင်သာယာရေးကော်မတီ ၏ သတင်းထုတ်ပြန်ချက်တွင်ဖော်ပြပါရှိကြောင်းသိရသည်။
Credit :YCDC
