ဇေကမ္ဘာကုမ္ပဏီနှင့် တရုတ်နိုင်ငံအခြေစိုက် Zhejiang Luding Investment ကုမ္ပဏီတို့ ပူးပေါင်းကာ အမေရိကန်ဒေါ်လာ သန်း ၇ဝဝ ရင်းနှီးမြှုပ်နှံကာ Mingalardon Bazaar စီမံကိန်းကို ဆောက်လုပ်မည်ဟု ဇေကမ္ဘာကုမ္ပဏီ
ပိုင်ရှင် ဦးခင်ရွှေက ပြောသည်။
ထိုစီမံကိန်းသည် မြောက်ဥက္ကလာပမြို့နယ်၊ အောင်မင်္ဂလာအဝေးပြေးအနီးရှိ မင်္ဂလာဒုံမြို့နယ်အပိုင်အတွင်းရှိ ဇေကမ္ဘာ၏ မင်္ဂလာဒုံဥယျာဉ်အိမ်ရာ မြေနေရာပေါ်တွင် တည်ဆောက်မည်ဖြစ်သည်။
Zhejiang Luding Investment သည်တရုတ်နိုင်ငံတွင် ဈေးများကို အဓိက အကောင် အထည်ဖော်နေသည့် ကုမ္ပဏီဖြစ်သည်။
ယခုစီမံကိန်းကို ဧရိယာ ၁၂၄ ဧကပေါ် တွင် တည်ဆောက်မည်ဖြစ်ပြီး လက်လီ လက်ကားဈေးကြီးနှင့် ရုပ်ရှင်ရုံများ၊ လူနေ အိမ်ရာများအပြင် စီးပွားရေး အဆောက်အအုံ များပါဝင်ကြောင်း သိရသည်။
ယင်းနေရာတွင် တည်ဆောက်ရခြင်းမှာ အစိုးရက နှစ်ထပ်အဝေးပြေးလမ်း လုပ်ရန် ကြံရွယ်နေသော အမှတ် ၃ လမ်းမကြီးနံဘေးတွင် တည်ရှိခြင်းက အဓိကအကြောင်းရင်း ဖြစ်သည်ဟု ဦးခင်ရွှေက ဆိုသည်။
''နောက်ပိုင်းကျရင် မြို့ထဲမှာ ဈေဝယ်မယ် ဆိုရင် အဝေးပြေးလမ်းမပေါ် တက်လိုက်မယ် ဆိုရင် မင်္ဂလာဒုံဥယျာဉ်မြို့တော်ကို ရောက်မှာ ပဲ။ တကယ်တော့ ၃၈ လမ်းတို့၊ မဂိုလမ်းတို့မှာသွားဝယ်ရင် ကားပိတ်တဲ့ပြဿနာ အများကြီးရှိတယ်။ အဲဒါတွေအားလုံး တစ်နေရာတည်းမှာရနိုင်တဲ့ ပြီးပြည့်စုံတဲ့ ဈေးကြီးတစ်ခုဆောက်ဖို့ အဲဒီအဝေးပြေးလမ်းမကြီးကို မှီပြီးဆောက်ဖို့ စဉ်းစားမိတယ်။ တရုတ်တွေက လည်း အဲဒီလို စဉ်းစားမိတဲ့အတွက် အဲဒီလို ပူပေါင်းလိုက်တာပါ''ဟု ၄င်းက ပြောသည်။
ဇေကမ္ဘာကုမ္ပဏီနှင့် တရုတ်ကုမ္ပဏီတို့ သည် ယင်းစီမံကိန်းအတွက် နားလည်မှုစာချွန်လက်မှတ်ထိုးပြီးဖြစ်ကာ ဒီဇိုင်းအသေးစိတ်ကိုရေးဆွဲလျက်ရှိပြီး မြို့တော်စည်ပင်၊ ရန်ကုန်တိုင်းအစိုးရအဖွဲ့တို့ကို တင်ပြသွားမည်ဖြစ် သည်။ ထို့နောက် ရင်းနှီးမြှုပ်နှံမှုကော်မရှင်ထံသို့လည်း တင်ပြမည်ဖြစ်ကြောင်း သိရသည်။
''မြို့ထဲမှာ ကုန်တိုက်တွေ ရှိတယ်။ ဒါပေမဲ့အဲဒါတွေက တစ်မျိုးပဲ ရတယ်။ လူလတ်တန်းစားနဲ့ အောက်ခြေလူတန်းစားအတွက် ဝယ်ဖို့က မရှိဘူး။ အဲဒါမျိုးတွေ ပြန်ဖော်ပေးဖို့ လိုတယ်''ဟု ဦးခင်ရွှေက ပြောသည်။
သို့သော်လည်း ထိုနေရာတွင် ယခင်က လယ်မြေများဖြစ်ရာ လယ်သမားများနှင့် မြေယာအငြင်းပွားမှုများ ရှိနေဆဲဖြစ်သည်။
ဦးခင်ရွှေကမူ ၄င်းသည် မြို့ပြနှင့် အိုးအိမ် ဖွံ့ဖြိုးရေးဦးစီးဌာနထံမှ ဂရန်လျှောက်ထားရရှိခဲ့ခြင်းဖြစ်သဖြင့် လယ်သမားများသည် ထိုဌာနနှင့်သာ ရှင်းလင်းရမည်ဖြစ်သည်ဟု ဆိုသည်။
''လယ်သမား နစ်နာတယ်ဆိုရင် အိုးအိမ်က အဲဒီပိုက်ဆံကို လျော်ကြေးပေးလိုက်။ အိုးအိမ်ကတစ်ဆင့် နှစ် ၆ဝ ဂရန် ရပြီးသား ဖြစ်တဲ့အတွက်ကြောင့် ကိုယ့်စီမံကိန်းကို ဆက်လုပ်ဖို့ရှိတယ်''ဟု ၄င်းကဆိုသည်။
ဇေကမ္ဘာကုမ္ပဏီက ယင်းစီမံကိန်းကို တရုတ်ကုမ္ပဏီနှင့် ပူးပေါင်းဆောင်ရွက်ခြင်းသည် ငွေကြေးအပြင် နည်းပညာအထောက်အပံ့လိုအပ်သဖြင့် ဖြစ်ကြောင်းဆိုသည်။
''မြန်မာနိုင်ငံမှာ ချေးငွေအတိုးနှုန်းက ၁၂ ကနေ ၁၃ ရာခိုင်နှုန်းလောက် ရှိတာ။ တရုတ်က အတိုးနှုန်းက တစ်ရာခိုင်နှုန်းကနေ သုံးရာခိုင်နှုန်းလောက်ပဲ ရှိတယ်။ နောက် နည်းပညာကလည်း အရမ်းကျန်ခဲ့တော့တရုတ်နဲ့ လုပ်တာပါ။ တရုတ်က Risk (ဆုံးရှုံးနိုင်ခြေ)ယူနိုင်တယ်လေ။ ကျန်တဲ့ ကုမ္ပဏီကျွငျု မယူဘူး။ ဂျပန်နဲ့ ကိုရီးယားက အမေရိကန်မျက်နှာ ကြည့်နေရတယ်။ ဟိုက ဆန်ရှင်လုပ်တာနဲ့ ထွက်ပြေးပြီ။ တရုတ်ကတော့ ဘာမှ သူ့ခေါင်းထဲမထည့်ဘူး''ဟု ဦးခင်ရွှေက ပြောကြားသည်။
ဇေကမ္ဘာကုမ္ပဏီသည် လက်ရှိတွင် ထင်သာမြင်သာအနေဖြင့် စီမံကိန်းကြီးသုံးခုကို ပြည်ပကုမ္ပဏီများနှင့် ပူးပေါင်းကာ လုပ်ကိုင်နေပြီး မြရိပ်ညိုစီမံကိန်း၊ ယခုစီမံကိန်းနှင့် မွန်ပြည်နယ် ကျိုက်မရောတွင် အကောင်အထည်ဖော်မည့် ဘိလပ်မြေစက်ရုံ စီမံကိန်းတို့ဖြစ်သည်။
ယင်းတို့အနက် မြရိပ်ညိုစီမံကိန်းကို ထိုပတ်ဝန်းကျင်တွင်နေထိုင်သူများက ကန့်ကွက်သဖြင့် လက်ရှိတွင် ရပ်နားထားရသည်။
Credit: The Myanmar Times
