အစိုးရ၀န်ထမ်းအိမ်ရာ စီမံကိန်းများနှင့် ရန်ကုန်မြို့သစ် စီမံကိန်းများကြောင့် ၂၀၁၈ တွင် အိမ်ရာကဏ္ဍ၌ နိုင်ငံခြားရင်းနှီး မြှုပ်နှံမှုများ တိုးမြင့်လာမည်ဟု မြန်မာနိုင်ငံရင်းနှီးမြှုပ်နှံမှုကော်မ ရှင် အတွင်းရေးမှူးဦးအောင်နိုင် ဦးက ပြောသည်။
ကွန်ဒိုမီနီယံနည်းဥပဒေ(စု ပေါင်းပိုင် အဆောက်အအုံနည်း ဥပဒေ)တွင် နိုင်ငံခြားသားများကို ပိုင်ဆိုင်မှုအချို့ ခွင့်ပြုပေးခြင်း၊ ရန်ကုန်တိုင်းအစိုးရကလည်း အခြေခံအဆောက်အအုံပိုင်းနှင့်ပတ်သက်သော ရင်းနှီးမြှုပ်နှံမှုများ ဖိတ်ခေါ်နေခြင်းက အိမ်ရာကဏ္ဍ တွင် ပြီးခဲ့သည့်နှစ်ထက် နိုင်ငံခြားရင်းနှီးမြှုပ်နှံမှု တိုးတက်လာ နိုင်သည်ဟု ၎င်းကဆိုသည်။
အစိုးရသက်တမ်း ၂ နှစ်အ တွင်း ၀န်ထမ်းအိမ်ရာ ၄,၆၂၇ ခန်းတည်ဆောက်ပေးနိုင်ခဲ့ပြီး ကျန် သက်တမ်းသုံးနှစ်အတွင်း အခန်း၇,၀၀၀ ကျော် တည်ဆောက်မည်ဟု နိုင်ငံတော် သမ္မတဦးဝင်းမြင့်၏ နှစ်သစ်ကူးနှုတ်ခွန်းဆက်စကားတွင် ထည့်သွင်းပြောကြား ခဲ့သည်။
အိမ်ရာကဏ္ဍတွင် ၂၀၁၇-၁၈ ဘဏ္ဍာနှစ်၌ နိုင်ငံခြားရင်း နှီးမြှုပ်မှု ကန်ဒေါ်လာ ၁ ဒသမ ၂ ဘီလီယံကျော် ၀င်ရောက်ခဲ့ပြီး နိုင်ငံခြားရင်းနှီးမြှုပ်နှံမှု စုစုပေါင်း ၏ ၂၀ ရာခိုင်နှုန်းခန့်ရှိခဲ့သည်။ ၂၀၁၇-၁၈ ဘဏ္ဍာနှစ်တွင် မြန်မာနိုင်ငံသို့ ၀င်ရောက်ခဲ့သည့် စုစု ပေါင်း နိုင်ငံခြားရင်းနှီးမြှုပ်နှံမှု ပမာဏက ကန်ဒေါ်လာ ၆ ဘီလီ ယံကျော် ရှိသည်။
‘‘မနှစ်ကထက်စာရင် ဒီ ကဏ္ဍမှာ ရင်းနှီးမြှုပ်နှံမှုတွေက တိုးလာမယ်လို့ ကျွန်တော်တို့ခန့် မှန်းထားပါတယ်’’ ဟု မြန်မာနိုင်ငံ ရင်းနှီးမြှုပ်နှံမှုကော်မရှင် အတွင်း ရေးမှူး ဦးအောင်နိုင်ဦးက ပြော သည်။ ထို့အပြင် ဘဏ္ဍာနှစ်အကူး အပြောင်း ကြားကာလဘတ်ဂျက် ခြောက်လအတွင်း နိုင်ငံခြားရင်း နှီးမြှုပ်နှံမှု ကန်ဒေါ်လာ ၃ ဒသမ ၄ ဘီလီယံဝင်ရောက်မည်ဟု မြန်မာ နိုင်ငံရင်းနှီးမြှုပ်နှံမှု ကော်မရှင်က ခန့်မှန်းထားကြောင်း ၎င်းကဆို သည်။
ကျန်ရှိနေသည့် အစိုးရသက် တမ်းသုံးနှစ်အတွင်း ငွေထုပ်ကြီး ကြီးဖြင့် ရန်ကုန်မြို့တွင် လာ ရောက်ရင်းနှီးမြှုပ်နှံမည့် နိုင်ငံခြား သားစီးပွားရေးလုပ်ငန်းရှင်များကို ပြည်ပထွက်၍ ခေါ်ဆောင်မည် ဟု ဧပြီ ၂ ရက်က မြန်မာနိုင်ငံ ကုန်သည်များနှင့် စက်မှုလက်မှု လုပ်ငန်းရှင်များ အသင်းချုပ်ရုံး ၌ ပြုလုပ်သည့်ဒုတိယသမ္မတနှင့် စီးပွားရေးလုပ်ငန်းရှင်များ တွေ့ ဆုံပွဲတွင် ရန်ကုန်တိုင်းဒေသကြီး ၀န်ကြီးချုပ် ဦးဖြိုးမင်းသိန်းက ပြောသည်။
နိုင်ငံခြားရင်းနှီးမြှုပ်နှံမှု လုပ် ငန်းကြီးများ ရောက်ရှိလာပါက တွဲဖက်ပြီး စက်ရုံ၊ အလုပ်ရုံများ စွာလည်း ရှိနေခြင်းကြောင့် နိုင်ငံ ခြားရင်းနှီးမြှုပ်နှံမှု မြှင့်တင်နိုင်ရန် တိုင်းဒေသကြီးအစိုးရက ဆောင် ရွက်မည်ဟု ၎င်းကပြောသည်။
ထို့အပြင် နိုင်ငံခြားသားစီးပွားရေးလုပ်ငန်းရှင်များ ရန်ကုန် တိုင်းတွင် လာရောက်ရင်းနှီးမြှုပ် နှံရန် ဥပဒေ၊ လုပ်ထုံးလုပ်နည်းများအပါအ၀င် အစိုးရ၏ ဆောင် ရွက်ချက်များကို ရှင်းပြမည့် ရန်ကုန်ရင်းနှီးမြှုပ်နှံမှု ဖိုရမ် ၂၀၁၈ ကို တိုင်းအစိုးရက ဦးစီးကျင်းပ မည် ဖြစ်သည်။
Credit: 7Daydaily
