ထိုင်း-မြန်မာနယ်စပ်မှတစ်ဆင့် ပြည်တွင်းသို့ ရွှေတုံးများတင်သွင်းနိုင်ရန် မြန်မာနှင့် ထိုင်းနိုင်ငံဘက်မှ ရွှေကုန်သည်များဆွေးနွေးနေပြီး စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန၏ ဈေးကွက်စောင့်ကြည့်ရေးအဖွဲ့ ဖွဲ့ပြီးပါက စတင်၍ တင်သွင်းမည်ဖြစ်ကြောင်း ရန်ကုန်တိုင်းဒေသကြီး ရွှေလုပ်ငန်းရှင်များအသင်းထံမှ သိရသည်။
လက်ရှိတွင် တစ်နိုင်တစ်ပိုင် ရွှေလုပ်ကွက်များ ပိတ်ထားသဖြင့် ရွှေအထွက်နှုန်းမှာ လျော့ကျနေပြီး ပြည်တွင်းဈေးကွက်အတွက် မလုံလောက်သောကြောင့် ရွှေတုံးတန်ချိန် ရာဂဏန်းနီးပါးကို ဝယ်ယူမည်ဖြစ်ကြောင်း ယင်းအသင်း၏ ဥက္ကဋ္ဌဦးမျိုးမြင့်က ပြောကြားသည်။
“တရုတ်ဘက်ကလည်း သွင်းဖို့ပြောကြတယ်။ ဒါပေမဲ့ မြန်မာဘက်က ကုန်သည်တွေက ထိုင်းကရွှေတုံးကို ပိုပြီးဝယ်ချင်ကြတယ်။ အရည်အသွေးကျတော့ ထိုင်းဘက်ကပိုကောင်းတယ်။ တင်သွင်းတင်ပို့ဖို့ကို ဒီလထဲမှာပဲ ကုန်သည်တွေအချင်းချင်း ညှိနှိုင်းထားကြတာပါ” ဟု ၎င်းကဆိုသည်။
ရန်ကုန်ရွှေဈေးကွက်တွင် နေ့စဉ်ရွှေအရောင်းအဝယ်မှာ ပိဿာချိန် ၅၀ မှ ၂၀၀ ကြားရှိပြီး လတ်တလောတွင် ရွှေဈေးတက်နေသော်လည်း အရောင်းအဝယ်ကောင်းမွန်နေကြောင်း၊ ရွှေလုပ်ငန်းရှင်အများစုမှာ ရွှေဈေးကျဆင်းချိန်တွင် ပြည်ပမှ ရွှေသွင်းလိုပြီး ဈေးတက်ချိန်မှ တင်ပို့လိုကြောင်း ယင်းလုပ်ငန်းရှင်များထံမှ သိရသည်။
“ရွှေက လုပ်ကွက်အသစ်တွေပေးမယ်၊ လုပ်ကွက်အဟောင်းတွေလည်း ပြန်ပေးမယ်ဆိုရင် သွင်းဖို့ကမလိုဘူး။ ပို့ဖို့ဈေးကွက်ကလည်းရှိတယ်ဆိုတော့ ဖက်စပ်လုပ်ငန်းတွေရောက်လာရင် ပိုပြီးတော့ ရွှေဈေးကွက်က ကောင်းသွားမှာ။ တင်သွင်းခွင့်ပေးလိုက်ပြီး လိုသလောက်ရနေတော့ အရင်တုန်းကလို ရွှေဈေးက အရမ်းတက်နေမှာ မဟုတ်တော့ဘူး”ဟု ရွှေလုပ်ငန်းရှင် ဦးသန်းဝင်းက ပြောကြားသည်။
ရွှေတင်သွင်းခြင်းသည် ယခုအချိန်မှ တရားဝင်ဖြစ်လာခဲ့ပြီး ယခင်ကမူ အော်ဒါရွှေထည်များအတွက် တရုတ်ရှိ နယ်စပ်ဂိတ်များမှတစ်ဆင့် ရွှေများတင်သွင်းခြင်းများရှိခဲ့ကြောင်း ရွှေလုပ်ငန်းရှင်များထံမှ သိရသည်။
စီးပွားရေးနှင့် ကူးသန်းရောင်းဝယ်ရေးဝန်ကြီးဌာနက ရွှေတင်ပို့တင်သွင်းခွင့်ကို ယခုနှစ်အစက ခွင့်ပြုမိန့်ပေးခဲ့သော်လည်း ဈေးကွက်အတွင်း တရားမဝင်ရောင်းဝယ်မှုများမရှိစေရန် ဈေးကွက်စောင့်ကြည့်ရေး အဖွဲ့ဖွဲ့ရန် စီစဉ်နေပြီး ယခုလကုန်တွင် ဖွဲ့နိုင်ရန် မျှော်မှန်းထားကြောင်း ယင်းဝန်ကြီးဌာနထံမှ သိရသည်။
Credit: The Voice
