ကမ္ဘာ့ရေနံစိမ်းဈေးနှုန်းများ ကျဆင်းမှုနှင့်အတူ အာရပ်စော်ဘွားများပြည်ထောင်စုရှိ အိမ်ခြံမြေဈေးနှုန်းများမှာလည်း ၂၀၁၄ ခုနှစ်ကတည်းက အကျဘက်တွင် ရှိနေခဲ့သည်။
ထိုစဉ်ကတည်းက ကျဆင်းနေခဲ့သည်မှာ ၃ နှစ်ကျော်ကြာပြီဖြစ်သည့် ယနေ့တိုင်ဖြစ်ပြီး အနည်းဆုံး လာမည့် ၂၀၂၀ ပြည့်နှစ်အထိ ဆက်လက်ကျဆင်းနေဦးမည်ဟု ကမ္ဘာလုံးဆိုင်ရာ ညွှန်းကိန်းများ ထုတ်ပြန်ပေးနေသည့် S&P Dow Jones Indices မှ ညွှန်းကိန်းတစ်ရပ်တွင် ဖော်ပြသည်။
ဒူဘိုင်းအိမ်ခြံမြေဈေးနှုန်းများ ကျဆင်းရခြင်း၏ အဓိကအကြောင်းရင်းမှာ ဈေးကွက်တွင် အိမ်ခြံမြေများစုပုံနေကာ ဝယ်လိုအား အလွန်နည်းပါးနေခြင်းကြောင့်ဖြစ်သည်ဟု ဆိုသည်။
ဒူဘိုင်းအိမ်ခြံမြေဈေးနှုန်းကျဆင်းနေခြင်းမှာ ပင်လယ်ကွေ့ဒေသ ရင်းနှီးမြှုပ်နှံသူများစွာကို အထိနာစေခဲ့သည်။
၂၀၁၇ ခုနှစ် နှစ်လယ်ပိုင်းတွင် နေအိမ်ဈေးနှုန်းများမှာ ၁၅ ရာခိုင်နှုန်းကျော်အထိ ကျဆင်းခဲ့သည်။
၂၀၁၇ နှစ်ကုန်ပိုင်းတွင် လူနေအိမ်ခြံမြေဈေးနှုန်းများမှာ ၅ ရာခိုင်နှုန်းမှ ၁၀ ရာခိုင်နှုန်းအထိ ကျဆင်းခဲ့သည်။
ထို့အပြင် ကာတာနှင့် အိမ်နီးချင်းပင်လယ်ကွေ့နိုင်ငံများအကြား ဖြစ်ပွားခဲ့သည့် တင်းမာမှုမှာလည်း အိမ်ခြံမြေဈေးကွက်အပေါ် အကျိုးသက်ရောက်မှုများ ရှိခဲ့သည်။
သို့ရာတွင် လာမည့် ၂၀၂၀ ပြည့်နှစ်တွင် ဒူဘိုင်း၌ ၆ လခန့်အထိ ကျင်းပမည့် ပြပွဲ Expo 2020 နောက်ပိုင်းတွင် ပြန်လည်ကောင်းမွန်လာမည်ဟု ခန့်မှန်းထားသည်။
Dubai Expo 2020 ကို ၂၀၂၀ ပြည့်နှစ်၊ အောက်တိုဘာလ ၂၀ ရက်မှ ၂၀၂၁ ခုနှစ်၊ ဧပြီလ ၁၀ ရက်အထိ ၆ လကြာ ကျင်းပမည် ဖြစ်သည်။
ပြပွဲသို့ ကမ္ဘာ့နိုင်ငံပေါင်း ၁၃၀ ကျော်မှ တက်ရောက်ပြသကြမည်ဖြစ်ပြီး တစ်ရက်လျှင် လာရောက်လေ့လာလည်ပတ်သူပေါင်း ၃၀၀၀၀၀ ကျော်ရှိမည်ဟု ခန့်မှန်းထားသည်။
ပြပွဲကြောင့် အလုပ်အကိုင်သစ်ပေါင်း ၃၀၀၀၀၀ ခန့် ဖန်တီးပေးနိုင်မည့်အပြင် ဒူဘိုင်းတွင် နေအိမ်များဝယ်ယူလာကြရန် ဆွဲဆောင်နိုင်ဖွယ်ရှိသည်ဟုလည်း ခန့်မှန်းထားသည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
