တရုတ်ပြည်၏ တော်လှန်ရေးခေါင်းဆောင် ဆွန်ယက်ဆင်၏ ဇာတိမြေမှာ တရုတ်ပြည်တွင် အိမ်ခြံမြေဝယ်လိုအားအများဆုံး ထိပ်တန်းနေရာများတွင် တစ်ခုအပါအဝင် ဖြစ်လာလျက်ရှိသည်။
တရုတ်ပြည်တောင်ပိုင်းတွင် Greater Bay Area အမည်ရှိ စီမံကိန်းကြီးတစ်ရပ် ဖော်ဆောင်လျက်ရှိရာ ဆွန်ယက်ဆင်၏ ဇာတိမြို့  ချောင်ရှန်းရှိ အိမ်ခြံမြေဈေးနှုန်းများ တဟုန်ထိုးမြင့်တက်လာနေသည်။
ချောင်ရှန်းမြို့ ၊ Cuiheng အရပ်ရှိ Leading New Wave အိမ်ရာစီမံကိန်း အရောင်းပြပွဲကို ပြီးခဲ့သည့် ရက်သတ္တပတ်က ကျင်းပခဲ့ရာ ဝယ်ယူလိုသူများ ကြိတ်ကြိတ်တိုးစည်ကားခဲ့သည်။
ထိုစဉ်က ပထမအသုတ်အဖြစ် နေအိမ်ခန်းပေါင်း ၁၀၀ ရောင်းချခဲ့ရာ တစ်နေ့အတွင်း အကုန်ရောင်းထွက်သွားခဲ့သည်။
တစ်စတုရန်းမီိတာလျှင် ယွမ်ငွေ ၁၇၀၀၀ (တစ်စတုရန်းပေလျှင် ကန်ဒေါ်လာ ၂၅၀) ဈေးနှုန်းဖြင့် ရောင်းချခဲ့ခြင်းဖြစ်ပြီး လွန်ခဲ့သော ၃ နှစ်က ဈေးနှုန်းထက် ၃ ဆခန့် ပိုမိုမြင့်တက်သွားခြင်းလည်း ဖြစ်သည်။
ယခုအခါ အဆိုပါ စီမံကိန်းကိုဒုတိယအသုတ် ရောင်းချပေးခဲ့ခြင်း ဖြစ်သည်။
ဆွန်ယက်ဆင်ကို ခေတ်သစ်တရုတ်ပြည်၏ဖခင်ကြီးအဖြစ် တရုတ်ပြည်သူတို့က သတ်မှတ်ထားကြသည်။
သူ၏ ဇာတိမြေ ချောင်ရှန်းသည် တရုတ်အစိုးရက အကောင်အထည်ဖော်နေသော Greater Bay Area စီမံကိန်းတွင် ပါဝင်သော မြို့ ကြီး ၁၁ မြို့ အနက်တစ်မြို့  အပါအဝင် ဖြစ်သည်။
Greater Bay Area စီမံကိန်းမှာ ယင်းဒေသတစ်ခွင်ကို ဟောင်ကောင်၊မက္ကာအို၊ ရှန်းဇန်၊ ကွမ်ကျိုး၊ ဖိုရှန်၊ တုန်ကွမ်၊ ဟွေ့ကျိုး၊ ချုဟိုင်း၊ ကျိယန်မင်းအစရှိသည့် စီးပွားရေးအချက်အခြာဒေသများနှင့် ချိတ်ဆက်ပေးရန် ရည်ရွယ်သည်။
ကွမ်တုံပြည်နယ်အုပ်ချုပ်ရေးအဖွဲ့က ယင်းဒေသတွင်းကို New York Bay Area, the San Francisco Bay Area နှင့် the Tokyo Bay Area တို့ကဲ့သို့ ဖော်ဆောင်ရန် ရည်မှန်းထားပြီး ယွမ်ငွေ ၁ ဒသမ ၄၆ ထရီလီယံ (ကန်ဒေါ်လာ ၂၃၁ ဘီလီယံ) သုံးစွဲကာ တံတားများ၊ အဝေးပြေးလမ်းများနှင့် မီးရထားလမ်းများ ဖောက်လုပ်သွားမည်ဟု ကတိပြုထားသည်။
၂၀၃၀ ပြည့်နှစ်သို့ ရောက်လျှင် Greater Bay Area ၏ ဂျီဒီပီမှာ ကန်ဒေါ်လာ ၄ ဒသမ ၆ ထရီလီယံအထိ ရောက်ရှိဖွယ်ရှိသည်ဟု ခန့်မှန်းထားသည်။
ယင်းပမာဏမှာ ကမ္ဘာတစ်ဝန်း Bay Area များတွင် အမြင့်မားဆုံးဖြစ်ပြီး ယနေ့ပမာဏထက် ၃ ဆပိုမိုမြင့်မားသွားခြင်းလည်း ဖြစ်သည်။
ချောင်ရှန်းမြို့ကလေးသို့ ဆက်သွယ်မည့် ၈ လမ်းသွား တံတားကြီးဆောက်လုပ်နေမှုမှာလည်း ၂၀၂၃ ခုနှစ်တွင် အပြီးသတ်နိုင်ရန် မျှော်မှန်းထားသည်။
အဆိုပါတံတားကြီးက ချောင်ရှန်းနှင့် နည်းပညာမြို့တော် ရှန်းဇန်အကြားခရီးချိန်ကို လျှော့ချပေးမည်ဖြစ်ပြီး လက်ရှိ ၂ နာရီသွားရသည့်ခရီးကို နာရီဝက်မျှဖြင့် ရောက်ရှိစေမည်လည်း ဖြစ်သည်။
“ယခင်က နှစ်ပေါင်းများစွာငြိမ်သက်နေခဲ့တဲ့ အိမ်ခြံမြေဈေးနှုန်းတွေဟာ ရှန်းဇန်-ချောင်ဟန်တံတားဆောက်မယ့်သတင်း အတည်ပြုလိုက်ချိန်မှာ ဈေးတွေထိုးတက်လာတယ်” ဟု ချောင်ဟန်အခြေစိုက် အိမ်ခြံမြေကုမ္ပဏီ Kaishun Real Estate မှ အရောင်းမန်နေဂျာ မိုက်ကယ် ချန်းကျိမင်က ပြောကြားသည်။
“လွန်ခဲ့တဲ့ ၂ နှစ်အတွင်း မြို့ထဲမှာ စီမံကိန်းသစ်ပေါင်း ၁၀၀ လောက်တွေ့လာရတယ်။ Greater Bay Area စီမံကိန်းက မြို့ရဲ့ အိမ်ခြံမြေဈေးနှုန်းကို မကြုံဖူးတဲ့ပမာဏအထိ ရောက်ရှိစေတော့မှာ ဖြစ်ပါတယ်” ဟု ချန်းကျိမင်က ဆက်လက်ပြောကြားသည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
