ရန်ကုန်မြစ်ရဲ့အနောက်ဘက်တစ်ခုလုံးကို ဖွံ့ဖြိုးတိုးတက်အောင် လုပ်ဆောင်မှာဖြစ်တယ်လို့ ရန်ကုန်တိုင်းဝန်ကြီးချုပ်ရဲ့ ပြောကြားချက်အရ ၄င်းဒေသတွေမှာ အိမ်ခြံမြေဈေးကွက် ဦးမော့လာနိုင်ဖွယ်ရှိကြောင်း အိမ်ခြံမြေအကျိုးဆောင်တွေဆီက သိရပါတယ်။
ရန်ကုန်တိုင်းဝန်ကြီးချုပ် ဦးဖြိုးမင်းသိန်းက ' မြန်မာနိုင်ငံမှာ အိမ်ခြံမြေလုပ်ငန်းအတွက် ရင်းနှီးမြှုပ်နှံလိုသူတွေ များစွာရှိပါတယ်၊ အိမ်ခန်းလိုချင်သူတွေ ရာနဲ့ချီ၊ ထောင်နဲ့ချီ၊ သိန်းနဲ့ချီ ရှိပါတယ်၊ ဒီအခွင့်အရေးဟာ စီးပွားရေးလုပ်ငန်း ရင်းနှီးမြှုပ်နှံလိုသူတွေအတွက် အခွင့်ကောင်းပဲ ဖြစ်ပါတယ်၊ ဒီ (၂၀၁၈)ခုနှစ်ကနေစပြီး ရန်ကုန်တိုင်းအတွင်းမှာ ရန်ကုန်မြစ်ရဲ့အနောက်ဘက် ကမ်းဒေသတစ်ခုလုံး ဖွံ့ဖြိုးတိုးတက်အောင် ဆောင်ရွက်မယ့်နှစ် ဖြစ်ပါတယ်' လို့ ပြောပါတယ်။
စီမံကိန်း ဧရိယာတွေ ဖော်ဆောင်ရင် အရေးကြီးတာက မြေနေရာဖြစ်ပြီး မြေနေရာလိုအပ်ချက်တွေအပြင် စီမံကိန်းအပြီး ဒေသဖွံ့ဖြိုးတိုးတက်မှုရှိလာပါက အိမ်ခြံမြေဈေးကွက်အတွက်လည်း ကောင်းမွန်လာနိုင်ပါတယ်။
အရင်ကာလတွေက မြို့သစ်အပါအဝင်စီမံကိန်း ဧရိယာတွေဖော်ဆောင်ရင် အဲဒီနေရာတွေ ဈေးကွက်ဖြစ်ထွန်းလေ့ရှိတယ်လို့ ရန်ကုန်တိုင်းဒေသကြီး အိမ်ခြံမြေဝန်ဆောင်မှု လုပ်ငန်းရှင်များအသင်းက တာဝန်ရှိသူတစ်ဦးကလည်း ပြောပါတယ်။
Credit: The Kumudra
