ပစ္စည်းခွန်၊ မြေယာခွန်၊ ကျူးကျော်ခွန်စသည့် အခွန်အခများပါဝင်သည့် ၂၀၁၈ ရန်ကုန်တိုင်းဒေသကြီး၏ အခွန်အခဥပဒေကြမ်းကို မတ်လ ၃၀ ရက်က ရန်ကုန်တိုင်းလွှတ်တော်တွင် အတည်ပြုခဲ့သည်။
ယင်းဥပဒေကြမ်းနှင့်ပတ်သက်၍ လွှတ်တော်ကိုယ်စားလှယ် ကိုးဦး၏ ပြင်ဆင်ဖြည့်စွက်အကြံပြုဆွေးနွေးချက်များအပေါ် ရန်ကုန်တိုင်းစီမံကိန်းနှင့် ဘဏ္ဍာရေးဝန်ကြီး ဦးမြင့်သောင်းက မတ်လ ၃၀ ရက် လွှတ်တော်အစည်းအဝေး၌ ပြန်လည်ဆွေးနွေးကာ ဥပဒေ ကြမ်း လွှတ်တော်ဆုံးဖြတ်ချက် ရယူ၍ အတည်ပြုခဲ့သည်။
ယင်းဥပဒေကြမ်းတွင် အခန်း ခုနစ်ခန်း၊ ပုဒ်မ ၃၃ ခုနှင့် နောက်ဆက်တွဲဖော်ပြချက် (က) မှ (ဋ) အထိ ပါဝင်ပြီး ပစ္စည်းခွန်နှုန်းထားသတ်မှတ်ချက်များ၊ မြေယာအခွန်၊ အင်းအိုင်အခွန်များစသည့် အခွန်အခများ ထည့်သွင်းရေးဆွဲထားသည်။
အဆိုပါဥပဒေကြမ်းကို ၀န်ကြီး ဦးမြင့်သောင်းက မတ်လ ၂၁ ရက်တွင် ရန်ကုန်တိုင်းလွှတ်တော် သို့ တင်သွင်းခဲ့ပြီး မတ်လ ၂၉ ရက်က ဘဏ္ဍာရေး၊ စီမံကိန်းနှင့် စီးပွားရေးကော်မတီဥက္ကဋ္ဌ ဒေါ်စန္ဒာမင်း အပါအ၀င် လွှတ်တော်ကိုယ်စားလှယ်များဖြစ်ကြသည့် ဦးသိန်းမြင့်၊ ဦးရန်အောင်မင်း၊ ဒေါ်ကြည်ပြာ၊ ဦးဇော်ဝင်းနိုင်၊ ဦးကျော်ဇေယျ၊ ဒေါ်မြလှစံ၊ ဦးကျော်ကျော်ထွန်းနှင့် ဦးနေဘုန်းလတ်တို့က ဆွေးနွေးခဲ့သည်။
ပစ္စည်းခွန် ၁၃ ရာခိုင်နှုန်း သတ်မှတ်ထားခြင်းကြောင့် များ ပြားနေခြင်း၊ မြေယာခွန်နှုန်းထား များ ခေတ်ကာလနှင့် မကိုက်ညီခြင်း၊ ဥပဒေကြမ်းပါ သက်ဆိုင်ရာဌာနများ၏ တာဝန်နှင့် လုပ်ကိုင် ခွင့်များ၊ ကင်းလွတ်ခွင့်နှင့် သက် သာခွင့်များ၊ စီးပွားဖြစ် အမှိုက် သိမ်းခများ၊ လေကျူး၊ မိလ္လာကျူး၊ မီးစက်ကျူး၊ အမြဲတမ်းကျူး၊ မြို့ စွန်များရှိ ဆိုင်းဘုတ်ကြော်ငြာလုပ်ငန်းခွန်များလျှော့ချပေးရန်၊ အခွန်ထမ်းပြည်သူများအား ထိုက်သင့် သော ချီးမြှင့်မှုများပြုလုပ်ရန်နှင့် အများပြည်သူသုံးသန့်စင်ခန်းနှုန်း များ အခမဲ့သတ်မှတ်ရန် စသည့်အချက်အလက်များကို ကိုယ်စားလှယ်များက ဆွေးနွေးခဲ့ကြသည်။
ယင်းဆွေးနွေးချက်များနှင့် ပတ်သက်၍ ဦးမြင့်သောင်းက ပြန်လည်ဆွေးနွေးရာတွင် မြေယာခွန်နှုန်းထားကို အခြေခံဥပဒေ၏ ဇယား (၁) အရ ပြည်ထောင်စုမှ ညှိနှိုင်း သတ်မှတ်ထားသည့်အ တွက် ပြည်ထောင်စုနှင့် ညှိနှိုင်း သတ်မှတ်ပြင်ဆင်ပြီးမှသာ ရန်ကုန်တိုင်းဒေသကြီးလွှတ်တော်တွင် ဆွေးနွေးအတည်ပြုချက်ရယူမည် ဖြစ်ကြောင်း ပြောသည်။
ပစ္စည်းခွန် ၁၃ ရာခိုင်နှုန်းများ ပြားနေခြင်းကြောင့် ပြန်လည်ပြင် ဆင်ရန်ရှိ၊ မရှိ ဒေါ်စန္ဒာမင်း၏ တင်ပြချက်များအပေါ် ယင်းနှုန်းထားများ ပြန်လည်ပြင်ဆင်ရန် Survey များပြုလုပ်ပြီးမှသာ လျှော့ပေါ့မည်ဖြစ်ပြီး လက်ရှိတွင် အဆိုပါနှုန်းထားအတိုင်း ထားရှိမည်ဖြစ်ကြောင်း ၀န်ကြီးက ပြောသည်။
‘‘မိလ္လာကန် ကျူးတွေကိုလည်း လက်ရှိနှုန်းထားအတိုင်း ထားရှိသွားမှာ ဖြစ်ပါတယ်။ မီး စက်ကျူးကိုတော့ ဒီနှစ်ကစပြီး ဖျက်သိမ်းသွားမှာ ဖြစ်ပါတယ်။ မီး စက်များ ထားရှိမှုကို နောင်မှာ ခွင့်ပြုမှာမဟုတ်တော့ပါဘူး။ ဆိုင်ငှားခများကိုလည်း Survey ကောက်ခံပြီး ပြန်လည်ပြင်ဆင်ဖို့ ရှိပါတယ်။ တိရစ္ဆာန်ဆေးကုနှုန်းထားများကိုလည်း Survey ကောက်ခံပြီး ပြင်ဆင်သွားမှာ ဖြစ်ပါတယ်။ အမြဲတမ်းကျူးကျော်ကြေးကို အမြဲတမ်းရော၊ ယာယီရော မသုံးဘဲ ကျူးကျော်ကြေးပဲ သုံးသွားမှာ ဖြစ်ပါတယ်’’ဟု ဦးမြင့်သောင်းက ဆိုသည်။
ဆက်လက်၍ ယင်းဥပဒေ ကြမ်းတွင် ဆိုင်းဘုတ်ခွန်ကို ဈေးကွက် အခြေအနေအရ ဆိုင်း ဘုတ်များအားလုံး ကြော်ငြာနေ ခြင်းကြောင့် လက်ရှိ နှုန်းထားများအတိုင်း ကောက်ခံမည်ဖြစ် ကြောင်း၊ ကျူးကျော်ခွန်အစား နေရောင်ကာခွန်အဖြစ်
ပြင်ဆင်ပြောင်းလဲအသုံးပြုမည်ဖြစ်ကြောင်း ၀န်ကြီးက ပြောသည်။
ထို့ပြင် ယာဉ်ငှားခနှုန်းထား များ ပယ်ဖျက်မည်ဖြစ်ပြီး စားသုံးဆီနမူနာစစ်ဆေးခကို လက်ရှိနှုန်းထားအတိုင်း ကျင့်သုံးမည် ဖြစ်သည်။
ဆိပ်ကမ်းအခွန်များကိုလည်းပြန်လည်ညှိနှိုင်းချက်များအရ စက် လှေအသေး ဆိုက်ကပ်ခ ကျပ် ၁,၅၀၀ ၊ စက်လှေအကြီး ကျပ် ၂,၅၀၀ ၊ သင်္ဘောအကြီး ကျပ် ၅,၀၀၀ ၊ သင်္ဘောအကြီးတွဲပါရှိပါက ကျပ် ၇,၀၀၀ ၊ ကမ်းရိုးတန်းသင်္ဘောများအား ကျပ် ၈,၀၀၀ ၊ ကုန်တင် ကုန်ချများကိုလည်း ၂၀ ကျပ်မှ ကျပ် ၄၀၀ အထိ ကုန်စည်အလိုက် ပြောင်းလဲသတ်မှတ်ထားပြီး ယစ်မျိုးခွန်နှုန်းထားများကို ပြည်ထောင်စုနှင့် ညှိနှိုင်းပြီးမှသာ ပြန်လည်ပြင်ဆင်ဆောင်ရွက်မည် ဖြစ်ကြောင်း ၀န်ကြီးက ပြောကြား သည်။
၂၀၁၈ ရန်ကုန်တိုင်းဒေသကြီး၏ အခွန်အခ ဥပဒေကြမ်းကို အခန်းအလိုက်ကြေညာကာ လွှတ်တော်ဆုံးဖြတ်ချက်ရယူအတည်ပြုခဲ့သည်။
Credit: 7Daydaily
