ထိုင်းနိုင်ငံ ၊ ဘန်ကောက်မြို့ရှိ PLUM 89 အမည်ရှိ ကွန်ဒိုအခန်းများအားရောင်းချရန် မြန်မာနိုင်ငံ၏ နံပါတ်တစ်အိမ်ခြံမြေရောင်းဝယ်ငှား ဝဘ်ဆိုက်ဖြစ်သော iMyanmarHouse.com (အိုင်မြန်မာဟောက်စ်ဒေါ့ကွန်း) မှ ကြီးမှူး၍ ၂ဝ၁၈ ခုနှစ် ၊ မတ်လ ၁၇ ရက် နှင့် ၁၈ ရက် နေ့များတွင် ရန်ကုန်မြို့ရှိ နိုဗိုတယ်ဟိုတယ်တွင် အရောင်းပြပွဲတစ်ရပ်ကို အောင်မြင်စွာ ပြုလုပ်နိုင်ခဲ့သည်။
အဆိုပါအရောင်းပြပွဲအတွင်း မြန်မာကျပ်ငွေ သိန်း ၃၅၀ ကျော်မှ သိန်း ၅၀၀ အတွင်းရှိ ကွန်ဒိုအခန်းများအား ပရိဘောဂ လက်ဆောင်များ ၊ ယိုးဒယားသို့ အလည်အပတ်ခရီးစဉ်များ စသည့် ပရိုမိုးရှင်းများ ပေး၍ ရောင်းချခဲ့ခြင်းဖြစ်သည်။
“ ဒီ PLUM 89 Condo ဟာ ထိုင်းနိုင်ငံ ဘန်ကောက်မှာရှိပြီးတော့ မြန်မာနိုင်ငံသားများ ဝယ်ယူခွင့်ရှိပါတယ်။ ဈေးနီး ၊ ကျောင်းနီး ၊ ဆေးရုံနီးပြီးတော့ ဘန်ကောက်မြို့ရဲ့ ဒွန်မောင်းလေဆိပ်အနီးမှာ တည်ရှိပါတယ်။ ၁ဝဝ% ဆောက်လုပ်ပြီးစီးနေပြီးတော့ အခုချက်ချင်းဝယ်ယူပြီးတာနဲ့ အခုနေထိုင်လို့ရနေပါပြီ။ အရောင်းပြပွဲ အတွင်းမှာလည်း အထူးအခွင့်အရေးတွေ အထူးငွေချေစနစ်တွေနဲ့ ရောင်းချခဲ့ပါတယ်။ ဘန်ကောက်ကို ဆေးကုဖို့ ၊ ကျောင်းတက်ဖို့ ၊ ဈေးဝယ်ဖို့သွားသူတွေ ၊ ရင်းနှီးမြှုပ်နှံချင်သူတွေ ရည်ရွယ်ပြီး ကျင်းပပေးတာပါ။ ” ဟု iMyanmarHouse.com (အိုင်မြန်မာဟောက်ဒေါ့ကွန်း) ၏ မန်နေးဂျင်းဒါရိုက်တာဖြစ်သူ ဦးနေမင်းသူ မှ ပြောကြားသွားခဲ့သည်။
iMyanmarHouse.com သည် မြန်မာနိုင်ငံ၏ နံပါတ်တစ် အိမ်ခြံမြေ ရောင်းဝယ်ငှားဝဘ်ဆိုက် ဖြစ်ပြီး အိမ်ခြံမြေဒေတာအများဆုံး ၊ အိမ်ခြံမြေ သတင်းအစုံလင်ဆုံး ဝဘ်ဆိုက်အဖြစ် မြန်မာအိမ်ခြံမြေဈေးကွက် ဦးဆောင်လျှက်ရှိပါသည်။
မြန်မာနိုင်ငံအဝှမ်းရှိ အိမ်ခြံမြေများကို ရန်ကုန်မြို့  ၊ ပုသိမ်မြို့ ၊ စစ်တွေမြို့ ၊ တောင်ကြီးမြို့  ၊ မန္တလေးမြို့ ကြီးများနှင့် စင်္ကာပူနိုင်ငံများတွင် အရောင်းပြပွဲကြီးများ ကျင်းပပြုလုပ်၍ ရောင်းချပေးနေပါသည်။
ယခုအခါ နောက်ထပ်ခြေလှမ်းအဖြစ် နိုင်ငံရပ်ခြားရှိ အိမ်ခြံမြေများကိုလည်း မြန်မာနိုင်ငံသားများ ပိုင်ဆိုင်နိုင်ရန် အရောင်းပြပွဲကျင်းပပြုလုပ်ပေးခြင်း ဖြစ်ကြောင်းသိရသည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
