ရန်ကုန်တိုင်းဒေသကြီး ဒဂုံမြို့သစ် ဆိပ်ကမ်းမြို့နယ်ရှိ မြေဧက ၁၈၃ ဧကပေါ်တွင် နိုင်ငံ့ဝန်ထမ်းအိမ်ရာနှင့် အငှားအိမ်ရာကို မတ်လမှစတင်ကာ တည်ဆောက်နေပြီဖြစ်ကြောင်း မြန်မာနိုင်ငံ ဆောက်လုပ်ရေးလုပ်ငန်းရှင်များအသင်း တွဲဖက်အတွင်းရေးမှူး ဦးတင်အောင်မြင့်က ပြောကြားသည်။
အဆိုပါ နိုင်ငံ့ဝန်ထမ်းအိမ်ရာနှင့်အငှားအိမ်ရာ တည်ဆောက်ရန် လက်ရှိတွင် မြေပြုပြင်သည့်လုပ်ငန်းများကို စတင်ဆောင်ရွက်လျက်ရှိပြီး နှစ်အလိုက် သတ်မှတ်ချက်ဖြင့် တိုက်ခန်းများကို အကောင်အထည်ဖော် တည်ဆောက်သွားမည်ဖြစ်ကြောင်း ၎င်းက ဆက်လက်ပြောကြားသည်။
“အခုလက်ရှိ မြေပြုပြင်နေတယ်၊ သဲဖို့တာတို့ လုပ်နေပြီ။ နိုင်ငံ့ဝန်ထမ်းအိမ်ရာနဲ့ အငှားအိမ်ရာတွေကို စတင်တည်ဆောက်ရာမှာ စနစ်တကျဖြစ်ဖို့ MasterPlan နဲ့ တင်ဒါခေါ်ပြီး ဆောက်တယ်။ အငှားအိမ်ရာကို အရင်ဆောက်မယ်၊ အခန်းပေါင်း ဘယ်လောက်ဆောက်မလဲဆိုတာ တိုင်းအစိုးရရဲ့စီမံခန့်ပေါ် မူတည်တယ်”ဟု ၎င်းက ဆိုသည်။
နိုင်ငံ့ဝန်ထမ်းအိမ်ရာနှင့်အငှား အိမ်ရာစီမံကိန်းကို စီမံကိန်းနှင့်ဘဏ္ဍာရေးဝန်ကြီးဌာန ဘတ်ဂျက်ဖြင့် တည်ဆောက်သွားမည်ဖြစ်ပြီး အိမ်ရာစီမံကိန်းတွင် ၁၂ ခန်းတွဲ၊ ငါးထပ်အဆောက်အအုံများကို တည်ဆောက်သွားမည်ဖြစ်ကြောင်း မြန်မာနိုင်ငံဆောက်လုပ်ရေး လုပ်ငန်းရှင်များအသင်းထံမှ သိရသည်။
အငှားအိမ်ရာကို နိုင်ငံ့ဝန်ထမ်းများအပြင် အိမ်ပိုင်မရှိသည့်သူများကိုလည်း ဈေးနှုန်းချိုသာစွာဖြင့် ငှားရမ်းမည်ဖြစ်ပြီး ပင်စင်ယူမည့် ဝန်ထမ်းများဝယ်ယူနိုင်ရန် တည်ဆောက်မည့် နိုင်ငံ့ဝန်ထမ်းအိမ်ရာ စီမံကိန်းကို ဝယ်ယူမည့်သူများအနေဖြင့် တိုက်ခန်းတန်ဖိုး၏ ၂၀ ရာခိုင်နှုန်းကို ပေးသွင်းကာ ကျန်ရှိသည့် ၇၀ ရာခိုင်နှုန်းကို ၁၅ နှစ် အရစ်ကျပေးသွင်းရန် စီစဉ်ထားကြောင်း မြို့ပြနှင့်အိမ်ရာဖွံ့ဖြိုးရေးဦးစီးဌာနထံမှ သိရသည်။
နိုင်ငံ့ဝန်ထမ်းအိမ်ရာနှင့် အငှားအိမ်ရာကို တိုင်းဒေသကြီးအစိုးရအဖွဲ့ အစီအစဉ်ဖြင့် မြန်မာနိုင်ငံ ဆောက်လုပ်ရေးလုပ်ငန်းရှင်များအသင်းနှင့် မြို့ပြနှင့်အိမ်ရာဖွံ့ဖြိုးရေးဦးစီးဌာနတို့ ပူးပေါင်း ဆောက်လုပ်ခြင်းဖြစ်ပြီး တည်ဆောက်မည့် မြေနေရာအနီးတွင် ကျောင်း၊ ဆေးခန်း၊ ဈေးများကို ထည့်သွင်းဆောက်လုပ်မည်ဖြစ်သည်။
Credit: The Voice
