သီလဝါတွင် မြန်မာနိုင်ငံ ၏ အကြီးမားဆုံး ဆိပ်ကမ်းတစ်ခု တည်ဆောက်ရန် IFC (နိုင်ငံတကာ ဘဏ္ဍာရေးကော်ပိုရေးရှင်း) က ကန်ဒေါ်လာ ၁၅ သန်း ချေးပေးမည်ဖြစ်ကြောင်း မတ်လ ၂၇ ရက်တွင် သတင်းထုတ်ပြန်သည်။
မြန်မာ - ဂျပန် ဖက်စပ် ကုမ္ပဏီ Lluvia က အဆိုပါဆိပ် ကမ်းတည်ဆောက်ရန် ကန်ဒေါ် လာ ၆၅ သန်း ကုန်ကျမည်ဖြစ်ပြီး အဆိုပါ ချေးငွေသည် စီမံကိန်း ကုန်ကျစရိတ်၏ အစိတ်အပိုင်း အချို့ကို ထောက်ပံ့ရန် ဖြစ်သည် ဟု IFC က သတင်းထုတ်ပြန် သည်။
‘‘ပထမဦးဆုံး ကုန်စည်ထိန်း ချုပ်ရေးအတွက် စီမံပေးတာပါ။ နိုင်ငံရဲ့ စီးပွားရေး တိုးတက်ဖို့ သယ်ယူပို့ဆောင်ရေး၊ ကုန်စည် သိုလှောင်ရေးနဲ့ ဆိပ်ကမ်းကဏ္ဍ တွေမှာ ပုဂ္ဂလိကပါဝင်နိုင်အောင် ကူညီတာပါ’’ဟု IFC မြန်မာနိုင်ငံ အကြီးအကဲ ဗီခရမ်ကူးမားက ပြောသည်။
သီလဝါဆိပ်ကမ်းအကောင် အထည်ဖော်ပြီးပါက ကုန်စည် တန်ချိန် တစ်သန်း ဝန်ဆောင်မှုပေးနိုင်မည်ဖြစ်ပြီး သယ်ယူပို့ ဆောင်ရေး၊ သိုလှောင်စရိတ်များ နှင့် ကုန်သွယ်မှုကို ထောက်ပံ့ပေး မည်ဟု IFC က ဆိုထားသည်။ ထို့အပြင် အဆိုပါ စီမံကိန်းသည် အာဆီယံနိုင်ငံများအတွင်း မြန်မာ နိုင်ငံ၏ ကုန်စည်သယ်ဆောင်မှု လုပ်ငန်းစဉ်တစ်ခုလုံးကို ထောက်ပံ့ပေးမည်ဖြစ်ပြီး ဈေးကွက်အ သစ်နှင့် အလုပ်အကိုင်အသစ်များ ရရှိလာနိုင်ကြောင်း ၎င်းတို့က ထုတ်ပြန်ထားသည်။
‘‘အခြေခံအဆောက်အအုံ လိုအပ်ချက်အတွက် နှစ်ရှည်ချေး ငွေကို IFC က ချေးပေးတာပါ’’ ဟု Lluvia ကုမ္ပဏီ အုပ်ချုပ်မှု ဒါရိုက်တာ ဦးကိုကြီးက ပြော ကြားသည်။
Lluvia ကုမ္ပဏီသည် ပြည် တွင်းမှ Capital Diamond Star Group ကုမ္ပဏီနှင့် ဂျပန် Mitsubi-shi ကုမ္ပဏီတို့ အကျိုးတူဆောင် ရွက်ခြင်းဖြစ်သည်။
IFC သည် ကမ္ဘာ့ဘဏ်၏ လက်အောက်ခံ အဖွဲ့အစည်းတစ်ခုဖြစ်ပြီး မြန်မာနိုင်ငံအတွင်း အစိုးရ မဟုတ်သည့် ပုဂ္ဂလိက ကုမ္ပဏီများကို ချေးငွေတိုက်ရိုက်ပေးနေသည့် အဖွဲ့အစည်းဖြစ်သည်။
သီလဝါ ဆိပ်ကမ်းသည် သီလဝါအထူးစီးပွားရေးဇုန် စီမံ ကိန်း၏ အစိတ်အပိုင်းတစ်ခုဖြစ် ပြီး သီလဝါအထူးစီးပွားရေးဇုန်မှထွက်ကုန်များကို ပင်လယ်ရေ ကြောင်းမှ သယ်ပို့ရန် အရေးကြီး သည့် ဆိပ်ကမ်းတစ်ခုဖြစ်လာမည် ဖြစ်သည်။
Credit: 7Daydaily
