ရန်ကုန်စတော့အိတ် ချိန်း သက်တမ်း ၂ နှစ်ရှိပြီဖြစ် သော်လည်း လက်ရှိအချိန်ထိ ထွန်း သစ်စ ဈေးကွက်အဖြစ် သင့်တင့် မျှတသော ဈေးကွက်မရှိသေး၍ အာဆီယံနိုင်ငံများကို လိုက်မီရန် များစွာလိုအပ်ကြောင်း ရန်ကုန် စတော့အိတ်ချိန်း အုပ်ချုပ်မှုဒါ ရိုက်တာ ဦးယဉ်ဇော်မျိုးက ပြော ကြားသည်။
ရန်ကုန်စတော့အိတ်ချိန်း တွင် ၂ နှစ်အတွင်း ကျပ် ၉၃ ဘီလီယံနှင့်ရှယ်ယာ ၅ ဒသမ ၂ သန်း ကျော် ရောင်းချခဲ့ပြီး ထိုပမာဏ သည် ထွန်းသစ်စ စတော့ဈေး ကွက်တစ်ခုအတွက် မျှတသည့် ဈေးကွက် မဟုတ်သေးကြောင်း မတ်လ ၂၅ ရက်က ရန်ကုန်စတော့ အိတ်ချိန်းဇုန်၌ ပြုလုပ်သည့် ရန်ကုန်စတော့အိတ်ချိန်း ၂ နှစ် မြောက်အခမ်းအနားတွင် ၎င်းက ပြောကြားသည်။
‘‘ပြီးပြည့်စုံတဲ့ဈေးကွက်ဆို တာ အချိန်ယူရပါတယ်။ ဒီမှာက တစ်ဦးချင်း ရင်းနှီးမြှုပ်နှံသူသာရှိ ပြီး အဖွဲ့အစည်းအလိုက် ရင်းနှီး မြှုပ်နှံသူ မရှိသလောက်နည်းပါး တယ်’’ ဟု ဦးယဉ်ဇော်မျိုးက ပြော သည်။
ရန်ကုန်စတော့အိတ်ချိန်း တွင်စာရင်းဝင်ကုမ္ပဏီများ ပိုမိုဝင်ရောက်လာရေး အထူးအဖွဲ့ ဖွဲ့စည်းပြီး အများပိုင်ကုမ္ပဏီများ ကို ဦးဆောင်ဆောင်ရွက်မည်ဖြစ် ကြောင်း ငွေချေးသက်သေခံလက်မှတ် လုပ်ငန်းကြီးကြပ်ရေးကော်မရှင် ဥက္ကဋ္ဌ၊ စီမံကိန်းနှင့် ဘဏ္ဍာ ရေးဝန်ကြီးဌာန ဒုတိယဝန်ကြီး ဦးမောင်မောင်ဝင်းကပြောသည်။ ထိုအဖွဲ့သည် အများပိုင်ကုမ္ပဏီများ စတော့အိတ်ချိန်းဝင်ရောက် လာရေး လွယ်ကူရှင်းလင်းသည့် လုပ်ငန်းစဉ်များ၊ နားလည်သဘောပေါက်မှုများရှိစေရန် လိုက်လံ ဆွေးနွေးမည်ဟု ၎င်းက ပြောသည်။
လက်ရှိရန်ကုန်စတော့အိတ် ချိန်းတွင် အများပိုင်ကုမ္ပဏီငါးခုရှိ ပြီး ချေးငွေသက်သေခံလက်မှတ် လုပ်ငန်းကုမ္ပဏီခြောက်ခုက ၎င်း တို့၏ ရှယ်ယာများကို ရောင်းချ နေသည်။ ရန်ကုန် စတော့အိတ်ချိန်းတွင် ပထမဆုံးအများပိုင် ကုမ္ပဏီဖြစ်သည့် FMI ကုမ္ပဏီက ၂၀၁၆ မတ်လ ၂၅ ရက် ၌ ရှယ်ယာများစတင်ရောင်းချခဲ့သည်။
ရန်ကုန်စတော့အိတ်ချိန်း စာရင်းဝင်ကုမ္ပဏီငါးခုတွင် ရှယ် ယာရှင် သုံးသိန်းကျော်ရှိပြီး Trading Account (ရှယ်ယာဝယ် ရောင်းလုပ်သည့် ဘဏ်စာရင်း) ဖွင့်ထားသူ ၃၃,၀၀၀ ကျော်ရှိ သည်။ ယင်းတို့အနက် ရှယ်ယာ ဝယ်ရောင်းလုပ်သူ နေ့စဉ် ၃၀၀ နှင့် ၅၀၀ ကြားသာရှိကြောင်း ရန်ကုန်စတော့အိတ်ချိန်း အကြီးတန်းအမှုဆောင်မန်နေဂျာ ဦးသက်ထွန်းဦးက ပြောသည်။
ထို့ကြောင့် ရှယ်ယာအ ရောင်းအဝယ်များလာစေရန် ရှယ်ယာရောင်းချချိန်ကို တစ်နေ့လျှင် နှစ်ကြိမ်အစား လေးကြိမ်တိုးမြှင့် ရန် စီစဉ်နေသည်။ လက်ရှိတွင် စတော့ရှယ်ယာ ရောင်းချသည့် အချိန်သည် နံနက် ၁၁ နာရီနှင့် မွန်းလွဲ ၁ နာရီဖြစ်ပြီး ယခုတိုးချဲ့ မည့်အချိန်သည် နံနက် ၁၀ နာရီ၊ ၁၁ နာရီ၊ မွန်းတည့် ၁၂ နာရီနှင့် မွန်းလွဲ ၁ နာရီတို့ဖြစ်သည်။
၂၀၁၁ က စတင်ခဲ့သည့် ကမ္ဘောဒီးယား စတော့အိတ်ချိန်း တွင် အများပိုင်ကုမ္ပဏီ ငါးခုရှိပြီး ၂၀၁၆ ၌ (ကျပ် ၁၃၇ ဘီလီယံ) ကန်ဒေါ်လာ ၁၀၃ သန်းဖိုး ရင်းနှီးမြှုပ်နှံခဲ့သည်။
Credit: 7Daydaily
