တရုတ် developer (မြေယာဝယ်ယူ၍ အဆောက်အအုံဆောက်လုပ်ရောင်းချရေး ကုမ္ပဏီ) LongRunn က တောင်ကိုရီးယားတွင် လောင်ကစားရုံမြို့တစ်မြို့
တည်ဆောက်ရန် အင်ချွန်းအထူးစီးပွားရေးဇုံအတွင်း ပြီးခဲ့သည့်လနှောင်းပိုင်းက လက်မှတ်ရေးထိုးခဲ့ပြီးဖြစ်သည်။
ယောင်ဂျန်ကျွန်းတွင် စတုရန်းမီတာ ၇၆,၀၀၀ ကျယ်ပြန့်မည့် Diamond City သည် မကာအိုနှင့် လာ့စ်ဗီးဂတ်စ်တို့ကဲ့သို့ အပြိုင်ဖြစ်လာမည်ဖြစ်ကြောင်း
အင်ချွန်းအကောက်ခွန်မဲ့စီးပွားရေးဇုံအထူးတာဝန်ပေးအပ်ခြင်းခံရသူ ကင်မ်ဂျင်ယောင်က ပြောကြားခဲ့သည်။
အင်ချွန်းအပြည်ပြည်ဆိုင်ရာလေဆိပ်နှင့် တစ်ကျွန်းတည်းတည်ရှိသော ၎င်းဒိုင်းမွန်းစီးတီးစီမံကိန်းတွင် ကြယ်ခုနစ်ပွင့်အဆင့်ရှိ ဟိုတယ်၊ ရှော့ပင်းမောလ်များ၊ ရုံးခန်းအထပ်မြင့်အဆောက်အအုံများ၊ ကျောင်းများနှင့် ခေတ်မီပန်းခြံများ ပါဝင်မည်ဖြစ်သည်။ ထို့အပြင် ကေပေါ့ပ်ဗဟိုချက်တစ်ခုနှင့် အလှအပခွဲစိတ်ပြုပြင်မှုဆိုင်ရာ ဆေးရုံတစ်ရုံလည်း ရှိလာမည်ဖြစ်ကြောင်း သိရသည်။
စင်္ကာပူတွင် လက်မှတ်ရေးထိုးခဲ့သော သဘောတူညီမှုအချက်အလက်များအရ LongRunn သည် ယင်းကာစီနိုမြို့အတွက် ကိုရီးယားဝမ် ၄ ဒသမ ၅ ထရီလျံ
(အမေရိကန်ဒေါ်လာ ၄ ဒသမ ၂ ဘီလျံ) သုံးစွဲမည်ဖြစ်သည်။ မြေနေရာသည် အမေရိကန်ဒေါ်လာ သန်း ၈၀ တန်သည်။
ထိုသို့စင်္ကာပူတွင် လက်မှတ်ရေးထိုးခဲ့သည့် ၂၀၁၄ ခုနှစ်ကတည်းက ကိုရီးယားအစိုးရသည် LongRunn နှင့် ဆွေးနွေးမှုများ ပြုလုပ်လာခဲ့သည်။
အင်ချွန်းသည် မကြာသေးမီနှစ်များအတွင်း လောင်းကစားရုံများ စုဝေးတည်ရှိရာ နေရာတစ်ခု လျင်မြန်စွာ ဖြစ်တည်လာသည်။ အင်ချွန်းသည် နိုင်ငံခြားသားလောင်းကစားသမားများအတွက် ဧပြီကတည်းက ဖွင့်လှစ်ထားသည့် လောင်းကစားရုံနှင့် ဟိုတယ် စုပေါင်းတည်ရှိရာနေရာကြီးဖြစ်သော သုခမြို့တော်ခေါ် Paradise City တည်ရှိရာလည်း ဖြစ်သည်။
Paradise City သည် ဂျပန်၏ Sega Sammy Holdings နှင့် တောင်ကိုရီးယား၏ Paradise Co Ltd. တို့အကြား ဖက်စပ်လုပ်ငန်းတစ်ခု ဖြစ်သည်။
အမေရိကန်အခြေစိုက် လောင်းကစားရုံကုမ္ပဏီ Caesars နှင့် Mohegan Sun တို့ကလည်း တောင်ကိုရီးယားတွင် အလားတူစီမံကိန်းများ တည်ဆောက်ရန်
အစီအစဉ်များ ကြေညာထားသည်။ တောင်ကိုရီးယားအစိုးရနှင့် ပူးပေါင်းဆောင်ရွက်မှုအဖြစ် Caesars က လူနေအဆောက်အအုံ၊ ကုန်သွယ်ရေးအဆောက်အအုံ၊ ပညာရေးအဆောက်အအုံ၊ ဟိုတယ်တို့ပါဝင်မည့် ကာစီနိုအပန်းဖြေစခန်း Midan City ကို တည်ဆောက်မည်ဖြစ်ကြောင်း သိရသည်။
ခင်အေးချမ်း မှ iMyanmarHouse.com (အိုင်မြန်မာဟောက်စ်ဒေါ့ကွန်း) အတွက် အထူးဘာသာပြန် ရေးသားဖော်ပြသည်။
Credit: iMyanmarHouse.com
