တောင်ကိုရီးယားနှင့် ဂျပန်နိုင်ငံတို့တွင် အခြေစိုက်ရုံးချုပ်များရှိသည့် Lotte group လုပ်ငန်းစုံကုမ္ပဏီကြီးသည် တရုတ်ပြည်ရှိ ဈေးဝယ်စင်တာ hypermarket အားလုံးကို ရောင်းထုတ်တော့မည်ဖြစ်ကြောင်း တောင်ကိုရီးယားအခြေစိုက် ယုံဟက်ပ် သတင်းအေဂျင်စီ၏ သတင်းတစ်ရပ်တွင် ဖော်ပြသည်။
တရုတ်ပြည်ရုံးခွဲဖြစ်သော Lotte China က တရားဝင်ထုတ်ပြန်ကြေညာလိုက်ပြီလည်းဖြစ်ပြီး လာမည့် ၃ လအတွင်း တရုတ်ပြည်တွင်းရှိ ဈေးဝယ်စင်တာအားလုံးကို ရောင်းချသွားမည် ဖြစ်သည်။
တောင်ကိုရီးယားတွင် အမေရိကန်ပြည်ထောင်စုက ဒုံးကျည်ကာကွယ်ရေးစနစ်ချထားရန် စီစဉ်မှုနှင့် စပ်လျဉ်းပြီး တောင်ကိုရီးယား-တရုတ် သံတမန်ရေးတင်းမာမှုများ ဖြစ်ပေါ်လာပြီးနောက်ပိုင်းတွင် ယခုကဲ့သို့ ဈေးဝယ်စင်တာများအားလုံး ရောင်းထုတ်ရန် စီစဉ်လာခြင်းလည်း ဖြစ်သည်။
Lotte ၏ ဈေးဝယ်စင်တာများကို ဝယ်ယူလိုသူများသည် ယခုအခါ စတင်ကြည့်ရှုလေ့လာလျက်ရှိနေကြပြီဖြစ်သည်။
ကုမ္ပဏီအများစုက သက်ဆိုင်ရာဈေးဝယ်စင်တာနှင့် ပတ်သက်သည့် စာရွက်စာတမ်းများကိုသာ ကြည့်ရှုကြသော်လည်း Liqun Group ကမူ ဈေးဝယ်စင်တာများသို့ ကွင်းဆင်းကြည့်ရှုလျက်ရှိကြကြောင်းလည်း ယုံဟက်ပ်သတင်းတွင် ဖော်ပြသည်။
Lotte Mart မှ အကြီးအကဲအချို့ကပြောရာတွင်မူ Liqun Group အပြင် အခြားကုမ္ပဏီ ၄ ခုခန့်လည်း ကွင်းဆင်း စုံစမ်းလာကြကြောင်း ပြောကြားကြသည်။
လာမည့်ဇွန်လတွင် တရုတ်ပြည်ရှိ ဈေးဝယ်စင်တာအားလုံးကို အပြီးသတ်ရောင်းချသွားရန် ရည်မှန်းထားသည်။
Lotte သည် တရုတ်ပြည် လက်လီစီးပွားရေးလုပ်ငန်းအတွက် ကိုရီးယားဝမ်ငွေ ၇၀၀ ဘီလီယံ (ကန်ဒေါ်လာ ၆၅၃ သန်း) ရင်းနှီးမြှုပ်နှံထားခဲ့ရာ အဆိုပါငွေများကို ယခုအခါ ပြန်လည်ရယူနိုင်ရန် ကြိုးစားလာခြင်း ဖြစ်သည်။
တရုတ်ပြည်တွင် Lotte Mart ၉၉ ခုရှိသည့်အနက် ၈၇ ခုကို ဈေးရောင်းမှု ရပ်ဆိုင်းထားလိုက်ပြီ ဖြစ်သည်။
Lotte Mart သည် ယခုဈေးဝယ်စင်တာများကို ပြန်လည်ရောင်းထုတ်ရခြင်းအတါက် ဝမ်ငွေ ၁ ဒသမ ၂ ဘီလီယံခန့် အရှုံးပေါ်ခဲ့သည်ဟုလည်း ယုံဟက်ပ်သတင်းတွင် ဖော်ပြသည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
