ရွှေဈေးကွက်အတွင်း အရောင်းအဝယ် မြန်ဆန်စေရေးအတွက် ယခုနှစ်အတွင်း ရွှေအိတ်ချိန်း (Gold Exchange) တစ်ခု တည်ထောင်မည်ဖြစ်ကြောင်း ရန်ကုန်တိုင်းဒေသကြီး ရွှေလုပ်ငန်းရှင်များအသင်း ဥက္ကဋ္ဌဦးမျိုးမြင့်က ပြောကြားသည်။
အဆိုပါ ရွှေအိတ်ချိန်းစတင်နိုင်ရန်အတွက် နည်းပညာဆိုင်ရာ ဆော့ဖ်ဝဲရေးဆွဲခြင်းကို စတင်နေပြီး ဆော့ဖ်ဝဲပြီးစီးပါက ရွှေအရောင်းအဝယ် လုပ်ကိုင်နေသူများအားလုံးကို ပေးသွားမည်ဖြစ်ကြာင်း၊ နိုင်ငံတကာရွှေလုပ်ငန်းများ ဝင်ရောက်လာပါက ယင်းစနစ်ကြောင့် ပိုပြီးအဆင်ပြေနိုင်ကြောင်း ၎င်းက ဆိုသည်။
“အခုဆို လယ်ဂျာစာအုပ်တွေနဲ့ပဲ လုပ်နေရတာ။ ဈေးနှုန်းအတက်အကျ ဖြစ်နေတဲ့အတွက် စာရင်းရှင်းခါနီးဆိုရင် စကားများတာတွေဖြစ်တယ်။ ဆော့ဖ်ဝဲနဲ့ဆိုရင် ဖုန်းနဲ့ဝယ်မယ်ဆိုရင်တောင် သူ့ဟာနဲ့သူ အရောင်းအဝယ်မြန်သွားမယ်”ဟု ၎င်းက ရှင်းပြသည်။
ပြည်တွင်းရွှေဈေးသည် နိုင်ငံတကာ ဈေးနှုန်းကိုလိုက်၍ တစ်နေ့လျှင် နှစ်ကြိမ်၊ သုံးကြိမ်နီးပါး ဈေးအတက်အကျဖြစ်နေသည့်အတွက် အရောင်းအဝယ်လုပ်သည့် အချိန်တွင် ဖြစ်ပေါ်နေသည့်ဈေးကို အတည်တကျယူသင့်ပြီး အိတ်ချိန်းပေါ် ပေါက်လာပါက ရှယ်ယာများ အရောင်းအဝယ်လုပ်သကဲ့သို့ ရွှေဈေးကွက်မှာ မြန်ဆန်လာနိုင်ကြောင်း ရွှေလုပ်ငန်းရှင်များက ပြောဆိုကြသည်။
“တချို့ကျတော့ ညနေသူတို့ငွေပေးတဲ့အချိန် ဈေးတက်ရင် နေ့လယ်က ပြောထားတဲ့ဈေးကိုပဲ ပေးချင်တာ။ ဈေးကျသွားရင် ကျဈေးကို လိုက်ကြည့်နေတော့ တရားရုံးတွေအထိ ရောက်ကုန်တာ။ ဒီဟာတွေက ကုန်သည်တွေကြားမှာ ခဏခဏဖြစ်လာတော့ ဈေးကို တရားဝင်နှုန်းတစ်ခုဖြစ်ဖို့ လိုလာတယ်”ဟု ရွှေကုန်သည် ဦးအောင်မြင့်က ပြောကြားသည်။
အိမ်နီးချင်းနိုင်ငံများတွင်လည်း အဆိုပါ Gold Exchange ကဲ့သို့ နည်းပညာရှိသည့်အတွက် ရွှေဈေး အတက်အကျအလိုက် ရောင်းနိုင်ဝယ်နိုင်သောကြောင့် ကုန်သည်များနှင့် ရွှေစုသူများမှာ အဆင်ပြေလျက်ရှိကြောင်း ၎င်းက ဆိုသည်။
Credit: The Voice
