၂၀၁၆-၂၀၁၇ ဘဏ္ဍာနှစ် ဆောက်လုပ်ရေးလုပ်ငန်းများမှ ကုန်သွယ်လုပ်ငန်းခွန် ကျပ် ၁၈၁ ဘီလီယံကျော် ကောက်ခံရရှိ

၂၀၁၆-၂၀၁၇ ဘဏ္ဍာရေးနှစ်အတွင်း တနိုင်ငံလုံးရှိ ဆောက်လုပ်ရေးလုပ်ငန်းများမှ ကုန်သွယ်လုပ်ငန်းခွန် ကောက်ခံရရှိမှုမှာ ကျပ် ၁၈၁ ဘီလီယံကျော်ဖြစ်ကြောင်း စီမံကိန်းနှင့်ဘဏ္ဍာရေးဝန်ကြီးဌာန ပြည်တွင်း အခွန်များဦးစီးဌာနမှ သိရသည်။

''ဆောက်လုပ်ရေးလုပ်ငန်းမှာ ကုန်သွယ်ခွန်နဲ့ ၀င်ငွေခွန်ဆိုပြီးတော့ရှိတာ။ ကုန်သွယ်ခွန်ကျတော့ ဆောက်လုပ်ရေးလုပ်ငန်းအတွက်ကို ခေါင်းစဉ်သတ်သတ် ဖော်ပြထားတဲ့အတွက် ဖော်ပြရတာအဆင် ပြေတယ်။ ၀င်ငွေခွန်ကျတော့ ဆောက်လုပ်ရေးလုပ်ငန်းတခုတည်း လုပ်နေတာဖြစ်ရင်ဖြစ်မယ်။ သူ့အပေါ်က မြတ်တဲ့ကိန်း ဂဏန်းတွေကို တွက်ရတာဖြစ်တဲ့အတွက်ကြောင့် ၀င်ငွေခွန်ကို ကုန်သွယ်လုပ်ငန်းခွန်လိုခွဲထားတဲ့ဟာ မရှိဘူးလေ''ဟု ပြည်တွင်းအခွန်များ ဦးစီးဌာန ဒုတိယညွှန်ကြားရေးမှူး ဒေါ်ဆွေဆွေနိုင်က ပြောသည်။

၂၀၁၆-၂၀၁၇ ခုနှစ် ဘဏ္ဍာရေးနှစ်အတွင်း ပြည်တွင်းအခွန်များဦးစီးဌာနသို့ ကုန်သွယ်လုပ်ငန်းခွန်အများဆုံးပေး ဆောင်သည့် ပြည်တွင်းဆောက်လုပ်ရေးလုပ်ငန်းကုမ္ပဏီမှာ Shwe Taung Development Co.Ltd ဖြစ်ပြီး၊ Min Dhama Co.Ltd, Eden Group Co.Ltd, New Star Light Construction Co.Ltd, Suntac Engineering and Construction Co.Ltd, T.Z.T.M Construction Co.Ltd, Taw Win Family Construction Co.Ltd, Asia World Co.Ltd, Dawn Construction Co.Ltd, Nawng Tung Co.Ltd တို့မှာ အခွန်ပေးဆောင်မှု အနည်းအများအရ အစဉ်လိုက်ရပ်တည်နေကြောင်း ပြည်တွင်းအခွန်များဦးစီးဌာနမှ သိရသည်။

''တချို့ကကျတော့ ဘယ်လိုထင်လဲဆိုတော့ ဒီကြေညာတဲ့ဟာက လုပ်ငန်းတွေကို စည်းကြပ်တဲ့ကိန်းဂဏန်းလို ထင်ကြတာပေါ့နော်။ စည်းကြပ်တာမဟုတ်ဘူး။ အမှန် အခွန်သွင်းထားတဲ့ဟာတွေပေါ့နော်။ လုပ်ငန်းကြီးပြီးတော့ ကြိုတင်ခွန်မထည့်တာတို့၊ အကြွေးကျန်တာတို့ဆိုရင် ကျွန်မတို့က ဒီစာရင်းထဲမှာ မထည့် ဘူး''ဟု ဒေါ်ဆွေဆွေနိုင်က ပြောသည်။

၂၀၁၆-၂၀၁၇ ခုနှစ် ဘဏ္ဍာရေးနှစ်အတွင်း ပြည်တွင်းအခွန်များဦးစီးဌာနသို့ ကုန်သွယ်လုပ်ငန်းခွန် အများဆုံးပေးဆောင်သည့် နိုင်ငံခြားဆောက်လုပ်ရေးလုပ်ငန်းကုမ္ပဏီမှာ Myanmar Branch Office Co.Ltd, Pan Asia Majestic Eagle Ltd, Qingjian International (Myanmar) Group Development Co.Ltd, the Tokyo Enterprise Co.Ltd, Hoang Anh Gia Lai Myanmar Co.Ltd တို့ဖြစ်ကြကြောင်း သိရသည်။

Credit: News Watch