ပြင်ဦးလွင်မြို့နယ်အတွင်း အကောင်အထည်ဖော်ဆောင်နေသော ရတနာပုံဆိုက်ဘာစီးတီးတွင် ရင်းနှီးမြှုပ်နှံလိုသည့် ပြည်တွင်းပြည်ပရင်းနှီးမြှုပ်နှံမှုကုမ္ပဏီ ၁၄ ခု လာရောက်လျှောက်ထားပြီးဖြစ်ကြောင်း မန္တလေးတိုင်း မြို့ပြနှင့်အိမ်ရာ ဖွံ့ဖြိုးရေးဦးစီးဌာနမှ အကြီးတန်းအရာရှိက ပြောကြားသည်။
ရတနာပုံဆိုက်ဘာစီးတီးတွင် ရင်းနှီးမြှုပ်နှံလိုသည့် ကုမ္ပဏီများကို စိတ်ဝင်စားမှုအဆိုပြုလွှာ (EOI) များ တင်သွင်းရန် ဖေဖော်ဝါရီလဆန်းပိုင်းက ဖိတ်ခေါ်ခဲ့ကြောင်း၊ လျှောက်ထားသည့်ကုမ္ပဏီ ၁၄ ခုအနက် ပြည်တွင်းကုမ္ပဏီအမည်ခံ၍ လျှောက်ထားသည့် တောင်ကိုရီးယားနှင့် တရုတ်ကုမ္ပဏီများပါဝင်ကြောင်း ၎င်းက ပြောဆိုသည်။
ဧကတစ်သောင်းခန့် ကျယ်ဝန်းသည့် အဆိုပါစီမံကိန်းကို အပိုင်းသုံးပိုင်းခွဲ၍ ဆောင်ရွက်မည်ဖြစ်ရာ အပိုင်း ၁ နှင့် အပိုင်း ၃ ကို ပြည်ထောင်စုအစိုးရအဖွဲ့က အကောင်အထည်ဖော်ဆောင်၍ အပိုင်း ၂ ကို မန္တလေးတိုင်းအစိုးရအဖွဲ့က ဆောင်ရွက်မည်ဖြစ်သည်။
ယခုဖိတ်ခေါ်ထားသည့် အဆိုပြုလွှာများသည် ပြည်ထောင်စုအစိုးရအဖွဲ့က ဆောင်ရွက်မည့်အပိုင်းများတွင် ရင်းနှီးမြှုပ်နှံရန်ဖိတ်ခေါ်နေခြင်း ဖြစ်သည်။
စီမံကိန်း၏ အပိုင်း ၁ နှင့် အပိုင်း ၃ နေရာသည် ဧက ၇၀၀၀ ခန့်ကျယ်ဝန်းပြီး အိုင်တီနည်းပညာ၊ စိုက်ပျိုးရေးစီမံကိန်း၊ စီးပွားရေးလုပ်ငန်းများ၊ ကျန်းမာရေး၊ ပညာရေးဝန်ဆောင်မှုလုပ်ငန်းများနှင့် ဟိုတယ်နှင့် ခရီးသွားလုပ်ငန်းအခြေပြုမြို့အဖြစ် အကောင်အထည်ဖော်ဆောင်ရွက်မည်ဖြစ်ကြောင်း၊ ရင်းနှီးမြှုပ်နှံလိုသူများအနေနှင့် စိတ်ဝင်စားမှုအဆိုပြုလွာ (EOI) ကို မတ်လ ၃၁ ရက် နောက်ဆုံးထားတင်သွင်းနိုင်ကြောင်း မန္တလေးတိုင်းမြို့ပြနှင့် အိမ်ရာဖွံ့ဖြိုးရေးဦးစီးဌာန၏ ထုတ်ပြန်ချက်များအရသိရသည်။
ရတနာပုံဆိုက်ဘာစီးတီးသည် ပြင်ဦးလွင်မြို့ မန္တလေး - လားရှိုးလမ်းမကြီး ဘေး ၂၁ မိုင်အနီးတွင် တည်ရှိကာ လူမှုစီးပွားဖွံ့ဖြိုးရေး၊ မြို့ပြဖွံ့ဖြိုးရေးနှင့် သဘာဝပတ်ဝန်းကျင်ထိန်းသိမ်းရေးအခြေခံသည့် Green, Clean and Smart City အဖြစ်အပိုင်းလိုက် အကောင်အထည်ဖော်ဆောင်ရန် မန္တလေးတိုင်းအစိုးရအဖွဲ့က စီစဉ်ထားသည်။
Credit: The Voice
