ရန်ကုန်-ဒလ တံတားစီမံကိန်း ဧရိယာအတွင်းကျရောက်နေသော မလွတ်ကင်းသည့် အဆောက်အအုံ ၇၀ အတွက် နစ်နာကြေးပေးရန် ကျန်ရှိနေသေးကြောင်း ကမာကဆစ်ရပ်ကွက် အုပ်ချုပ်ရေးမှူး ဦးဝင်းအောင်က ဖေဖော်ဝါရီ ၂၀ ရက်က News Watch သို့ ပြောသည်။
''အဆောက်အအုံအားလုံး ၁၂၀ လောက်ရှိတယ်။ အဆောက်အအုံတွေက ပရဟိတအသင်းအဖွဲ့တွေပါတယ်။ လုပ်ငန်းရှင်တွေရဲ့ အလုပ်ရုံတွေပါတယ်။ ကွမ်းယာဆိုင်လေးတွေပါတယ်။ ဈေးဆိုင်လေးတွေပါတယ်။ တချို့ကျတော့ ကျူးကျော်နေအိမ်လေးတွေပါတယ်။ ကမ်းနားဘက်အခြမ်းဆိုရင် သမ္ဗန်ဆိပ်နှစ်ခုပါတယ်။ သူတို့ကို နောက်ဆုံးရွှေ့ရမယ့် date မပေးထားသေးဘူး။ သူတို့က ၁၂၀ လောက်မှာ ၇၀ ကျော်က ကရုဏာကြေးမပေးရသေးဘူး။ မပေးရသေးတဲ့အတွက် သူတို့ရွှေ့ပြောင်းပေးဖို့အတွက် ညွှန်ကြားချက်မထွက်သေးဘူး။ နောက်ဆုံးရက် ညွှန်ကြားချက်မထွက်သေးဘူး။ ကရုဏာကြေးမရသေးတဲ့သူ တွေအတွက် ဘတ်ဂျက်တင်ထားတယ်။ ရက်အတိအကျတော့ပြောလို့မရသေးဘူး။ ဘတ်ဂျက်ကျတဲ့အပေါ်မှာ မူတည်ပြီးတော့ လုပ်ရမှာ။ ကရုဏာကြေးက တံတားဦးစီးကပေးတာ''ဟု ၎င်းကပြောသည်။
ထိုသို့နစ်နာကြေးပေးရာတွင် အဆောက်အအုံအမျိုးအစားအလိုက် တွက်ချက်ပေးခြင်းဖြစ်ပြီး တရားဝင်လိုင်စင်၊ ဂရန်၊ ပါမစ်ရှိကြသူများအနေဖြင့် ခံစားခွင့်ပိုမိုရရှိကြောင်း သိရသည်။
''သူ့အဆောက်အအုံ အမျိုးအစား ပေါ်မူတည်တာပေါ့။ ၅၀,၀၀၀ ရှိတယ်။ ၃၀,၀၀၀ ရှိတယ်။ တသိန်းခွဲရှိတယ်။ ငါးသိန်းတန်ရှိတယ်။ ဆယ်သိန်းတန်ရှိတယ်။ ကွမ်းယာဆိုင်က နှစ်မျိုးရှိတယ်။ မြို့နယ်စည်ပင်မှာ တရားဝင်လုပ်ငန်းလိုင်စင်နဲ့ဖွင့်တာရှိတယ်။ လိုင်စင်မဲ့ ကိုယ့်သဘောနဲ့ ကိုယ်ဖွင့်တဲ့ဆိုင်ရှိတယ်။ လိုင်စင်ရှိတဲ့သူ ကတော့ ခံစားခွင့်ပိုများတာပေါ့။ တရားဝင် အခွန်ပေးပြီး ရောင်းတာက သုံးသိန်းရတယ်။ ကိုယ့်သဘောနဲ့ကိုယ်ရောင်းတဲ့ဆိုင်လေးတွေကတော့ ၅၀,၀၀၀ ပဲရတယ်''ဟု ၎င်းက ပြောသည်။
အဆိုပါတံတားစီမံကိန်း ဧရိယာအတွင်း မလွတ်ကင်း၍ လက်ဖက်ရည်ဆိုင်အား ဖျက်ပေးလိုက်ရသော လက်ဖက်ရည်ဆိုင်ပိုင်ရှင် ဦးမောဂါးက ''ကျွန်တော့ဆိုင် က ၁၅ ပေ ပါသွားတယ်။ ပိုတာက စည်ပင်မြေကြီးပဲလေ။ ကျွန်တော်တို့မြေပေါ်မှာ ၁၅ ပေပါတယ်။ ၈ ပေက အငှား၊ ၇ ပေက လျော်ကြေးပေးတာပေါ့။ နစ်နာကြေးပေးတဲ့သဘောပေါ့။ အားလုံးပေါင်း ၁၅၆ သိန်းရတယ်။ ဖျက်ပေးလိုက်တာကတော့ ဇန်န၀ါရီ ၃၁ ရက်က။ ကျန်တဲ့သူတွေလည်း ဖျက်တာတော့ ဖျက်နေကြပြီ။ ကျွန်တော့ဆိုင်ကတော့ ကျဉ်းသွားတယ်။ တံတားဆိုတော့လည်း လုပ်ပေးရတာပေါ့။ ဒီလိုပဲ လုပ်စားရမှာပဲ''ဟု ပြောသည်။
လက်ရှိအချိန်တွင် တံတားစီမံကိန်းအတွက် မြေပြင်ရှင်းလင်းခြင်းလုပ်ငန်းများ ကို စတင်နေပြီဖြစ်ပြီး စီမံကိန်းဧရိယာ၏ တဖက်တချက်တွင် လူသွားလမ်းလုပ်ပေးရန်အတွက် မြေဖို့ခြင်းလုပ်ငန်းများဆောင် ရွက်လျက်ရှိသည်။
ဆောက်လုပ်ရေးအဖွဲ့အနေဖြင့်လည်း ခြံစည်းရိုးကာသည့်လုပ်ငန်းကို ယခုတပတ်အတွင်း စတင်လုပ်ကိုင်မည် ဖြစ်ပြီး၊ တံတားစီမံကိန်းဧရိယာမှာ ဒလမြို့နယ်ပိုင်းအနေဖြင့် ကမာကဆစ်ရပ်ကွက်၊ သမ္ဗန်ဆိပ်မှ နာရီစင်ထိပ်အထိဖြစ်ကြောင်း သိရသည်။
ကိုရီးယား-မြန်မာချစ်ကြည်ရေး အထိမ်းအမှတ် ယင်းတံတားစီမံကိန်းကို ကိုရီးယားနိုင်ငံ စီးပွားရေးဖွံ့ဖြိုးမှု ပူးပေါင်းဆောင်ရွက်ရေးရန်ပုံငွေ (EDCF Loan) ချေးငွေဖြင့် တည်ဆောက်ခြင်းဖြစ်ပြီး ခန့်မှန်းကုန်ကျစရိတ် ကန်ဒေါ်လာ ၁၆၈ ဒသမ ၁၇၄ သန်းကုန်ကျမည်ဖြစ်ကြောင်း တံတားအမျိုးအစားသည် သံမဏိကြိုးဆိုင်းဖြစ်ပြီး ပင်မတံတားအရှည် ၁၉၃၆ ပေရှိကြောင်း သိရသည်။
Credit: News Watch
