အာရပ်စော်ဘွားများပြည်ထောင်စု၊ ဒူဘိုင်းတွင် ကမ္ဘာ့အမြင့်ဆုံး ဟိုတယ်ကြီး ဖွင့်လှစ်လိုက်ပြီဖြစ်ရာ တိမ်များဆီသို့ ထိုးတက်နေပြီး အောက်ခြေရှိ မြို့ ကြီးကို အပေါ်စီးမှ ငုံ့မိုးကြည့်ရှုနေသည့်အလား မှတ်ထင်ရလေသည်။
ဟိုတယ်အမည်ကို ဂျီဗိုရာဟိုတယ်ဟု အမည်ပေးထားပြီး အာရပ်စော်ဘွားများပြည်ထောင်စု၏ ဘဏ္ဍာရေးဗဟိုချက်ဟု ဆိုအပ်သော ဒူဘိုင်း၏ ကမ္ဘာလှည့်ခရီးသွားလုပ်ငန်းအတွက် ရှေ့ ဆုံးမှ အထောက်အကူဖြစ်စေတော့မည် ဖြစ်သည်။
ဟိုတယ်၏ အမြင့်မှာ ၃၅၆ မီတာ ( ၁၁၆၈ ပေ) အထိ မြင့်မားသည်။
ယခင်က ကမ္ဘာ့အမြင့်မားဆုံးဟိုတယ်ကြီးအဖြစ် စံချိန်တင်ထားခဲ့သော ဂျေဒဗလျူ မားရိယော့ မားကွစ်ဟိုတယ်မှာလည်း ဒူဘိုင်းတွင်ပင် တည်ရှိပြီး ယခုဟိုတယ်သစ်ကြီးနှင့် မီတာအနည်းငယ်သာ ဝေးကွာသည်။
ဂျီဗိုရာဟိုတယ်တွင် ချွေးထုတ်ခန်း၊ ရေကူးကန်နှင့် ထည်ဝါခမ်းနားသည့် စားသောက်ဆိုင် ၅ ခု ပါဝင်သည်။အာ့ထ် ဒက်ကို ဗိသုကာဟန်ဖြင့် ဆောက်လုပ်ထားပြီး အခန်းပေါင်း ၅၂၈ ခန်း ပါဝင်သည်။
အခန်းအမျိုးအစား ၃ မျိုးခွဲခြားထားရာ ၄၆ စတုရန်းမီတာရှိ Deluxe Room ၊ ၆၂ စတုရန်းမီတာရှိ အိပ်ခန်းတစ်ခန်းပါ Deluxe နှင့် ၈၅ စတုရန်းမီတာရှိ အိပ်ခန်း ၂ ခန်းပါ Suite တို့ ဖြစ်ကြသည်။
ကြယ်လေးပွင့်အဆင့်ရှိ ဟိုတယ်ဖြစ်ပြီး ကော်ဖီနှင့် ကိတ်မုန့်ဆိုင်၊ business center တစ်ခုနှင့် ဒါရိုက်တာဘုတ်အဖွဲ့ အစည်းအဝေး ခန်းမတစ်ခုတို့လည်း ပါဝင်သည်။
ဟိုတယ်၏ အပေါ်ဆုံး ခေါင်မိုးထပ်တွင် Highest View အမည်ရှိ စားသောက်ဆိုင်တည်ရှိပြီး ဒူဘိုင်းမြို့ ကြီး၏ မြင်ကွင်းကျယ်ကို ညစာစားရင်းကြည့်ရှုခံစားနိုင်မည် ဖြစ်သည်။
အဆောက်အအုံအရဆိုလျှင်မူ ဂျီဗိုရာသည် ကမ္ဘာ့အမြင့်မားဆုံးဟိုတယ်ဟု မဆိုနိုင်သေးချေ။ဟောင်ကောင်ရှိ ၄၈၈ မီတာမြင့်မားသည့် နိုင်ငံတကာ ကူးသန်းရောင်းဝယ်ရေးစင်တာ၏ ၁၀၂ ထပ်မှ ၁၁၈ ထပ်အထိ နေရာယူကာ ဖွင့်လှစ်ထားသော The Ritz-Carlton ဟိုတယ်မှာ အမြင့်မားဆုံးဟု အချို့ က ဆိုကြသည်။
သို့ရာတွင် ဂျီဗိုရာဟိုတယ်ကိုသာ ကမ္ဘာ့အမြင့်မားဆုံးအဖြစ် ကမ္ဘာ့ဂင်းနက်စ်စံချိန်မှတ်တမ်းအဖွဲ့က အသိအမှတ်ပြုထားသည်။
“ဂျီဗိုရာဟိုတယ်ရဲ့  တံခါးတွေကို စတင်ဖွင့်လှစ်ဖို့ ကျွန်တော်တို့ အရမ်းစိတ်လှုပ်ရှားနေပါတယ်။ ဒါက စိတ်ဓာတ်ပြင်းပြစွာနဲ့ အကောင်အထည်ဖော်ခဲ့တဲ့စီမံကိန်းတစ်ခုဖြစ်ပြီး အခုအချိန်မှာ ကျွန်တော်တို့ရဲ့ အမြင်တွေကို ကမ္ဘာကြီးဆီဝေမျှဖို့ အသင့်ဖြစ်နေပါပြီ” ဟု ဂျီဗိုရာဟိုတယ်၏ အထွေထွေမန်နေဂျာ ဂျိုင်ရတ်ဂ်ျ ဂေါ်ရှားက ပြောကြားသည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
