ယနေ့ ရန်ကုန်မြို့ ၊ မရမ်းကုန်းမြို့နယ်၊ မင်းဓမ္မလမ်း ရှိ Myanmar Convention Center (MCC) တွင် ပြုလုပ်ခဲ့သည့် ရန်ကုန်တိုင်းဝန်ကြီးချုပ် နှင့် ဆောင်လုပ်ရေးကဏ္ဍမှ လုပ်ငန်းရှင်များတွေ့ဆုံပွဲတွင် လုပ်ငန်းရှင်များစုပေါင်းတောင်းဆိုသည့် ဆောက်လုပ်ရေးလုပ်ငန်းများပြန်လည်ကောင်းမွန်လာရေးအတွက် အရေးကြီးသည့် အချက် (၆) ချက်အနက် ဘဏ်တိုးနှုန်းတစ်ခုမှ လွဲ၍ ကျန်အချက် (၅)ချက်ကို ၀န်ကြီးချုပ်မှ ညှိနှိုင်းဖြည့်ဆည်းပေးမည်ဟု သဘောတူခဲ့ကြောင်း သိရသည်။
ဆောက်လုပ်ရေးလုပ်ငန်းရှင်များစုပေါင်းတောင်းဆိုသည့် အချက် (၆)ချက်မှာ...
(က) အိမ်ခြံမြေ တိုက်ခန်း အရောင်းအ၀ယ်ခွန်များအား ၃၀% မှ ၅% သို့ ယာယီ(၂)နှစ်ခန့် လျှော့ချပေးနိုင်ရေး။ (နိုင်ငံတော်အခွန်ငွေရရှိသည့်ပမာဏ လျော့မသွားသည့်အပြင် ပိုများလာမည်ဖြစ်ပါသည်။)
(ခ) စီမံကိန်းများ အာမခံထား၍ စီမံကိန်း အကြီးအသေးပေါ်မူတည်၍ ၃နှစ်မှ ၁၀နှစ်အထိ ဘဏ်ချေးငွေ ရရှိရေး။
(ဂ) ဘဏ်ချေးငွေ အတိုးနှုန်းများအား ၁၃% မှ ၉% သို့ လျော့ချပေးနိုင်ရေး။
(ဃ) အိမ်ရာဝယ်ယူသူများအတွက် (၁၅)နှသ်မှ (၂၀)နှစ်အထိ ဘဏ်ချေးငွေဖြင့်ဝယ်ယူခွင့် ထိထိရောက်ရောက်ရရှိနိုင်ရေး။
( င ) တည်ဆောက်ရေးဆိုင်ရာ ခွင့်ပြုမိန့်များ ထုတ်ပေးမည့်ကာလသတ်မှတ်ချက် ကြေငြာပေးနိုင်ရေး။
ဥပမာ။ ။ (၈)ထပ်ခွဲနှင့်အောက်အား (၁)လအတွင်း၊ (၁၂)ထပ်အထိ (၂)လအတွင်း ၊ (၁၂)ထပ်နှင့်အထက်အား (၆)လအတွင်းစသည်ဖြင့် ကာလတစ်ခု သတ်မှတ်ပေးနိုင်ရေး
(စ) နိုင်ငံတော်ဘတ်ဂျက်ငွေဖြင့် ဆောင်ရွက်မည့် တည်ဆောက်ရေးလုပ်ငန်းအရေအတွက် များများအကောင်အထည်ဖော်ပေးနိုင်ရေး။
စသည့်အချက်များဖြစ်ပြီး အမှတ်စဉ် (ဂ)ဖြစ်သည့် ဘဏ်တိုးနှုန်းကို ၉% အထိလျှော့ချပေးရေး အချက်မှ လွဲ၍ ကျန် (၅)ချက်ကို ၀န်ကြီးချုပ်မှ သဘောတူခဲ့ခြင်းဖြစ်သည်။
“ ဒီအချက်တွေထဲက အချက်တော်တော်များများ ပါပဲ။ တစ်ချက်ပါပဲ၊ အဲတာ ဘဏ်တိုးနှုန်းပါပဲ။ အထက်ကဆွေးနွေးသွားခဲ့သလိုပါပဲ။ ဘဏ်တိုးနှုန်းဆိုတာ တော်တော်ကျယ်ပြန့်ပါတယ်။ အဓိက ကျွန်တော်တို့နိုင်ငံရဲ့ ငွေကြေးလည်ပတ်မှု Sizeပေါ့။ အဲဒီ့Size က ဘယ်လောက်အထိရှိလဲပေါ့။ စီးပွားရေးဆိုဒ်ကြီးရင် ငွေလည်ပတ်မှုများမယ်။ ဒါတွေအများကြီးတွက်ချက်ရမယ့် အခြေအနေဖြစ်ပါတယ်။” ဟု ဦးဖြိုးမင်းသိန်းက လုပ်ငန်းရှင်များတောင်းဆိုချက်များနှင့်ပတ်သက်၍ ပြန်လည်ရှင်းရှင်းဖြေကြားခဲ့သည်။
ထိုသို့ ၀န်ကြီးချုပ်နှင့် ဆောက်လုပ်ရေးလုပ်ငန်းရှင်များတွေ့ဆုံပွဲကို ဦဆောင်စီစဉ်ခဲ့သူတစ်ဦးဖြစ်သူ ဆောက်လုပ်ရေးလုပ်ငန်းရှင် ဦးမောင်ဝိတ်က “လုပ်ငန်းများရပ်ဆိုင်းတော့မယ့်အခြေအနေဖြစ်နေလို့ အခုလို အကူအညီတောင်းရတာပါ။
ဆောက်လုပ်ရေးလုပ်ငန်းလည်ပတ်ပုံက (၃)မျိုးပဲရှိပါတယ်။
ငွေကို (၃)ပုံ စုရပါတယ်။ မတည်ရင်းနှီးတစ်ပုံ ၊ အခန်းတွေ ကြိုတင်ရောင်းချခြင်းမှ ရငွေကတစ်ပုံ ၊ ဘဏ်ချေးငွေက တစ်ပုံ ဆိုပြီးတော့ပေါ့။
ဒါမှ မလောက်ရင် ရှယ်ယာခေါ်ရတယ်။
ဆောက်ပြီး ချိန်လည်းကြတော့ ရောင်းမထွက်တဲ့ အခါကြတော့ လုပ်ငန်းဆက်လက်လည်ပတ်ဖို့ အခက်အခဲတွေ ဖြစ်လာပါတယ်။
ဗဟို ဘဏ် နဲ့ ပုဂ္ဂလိက ဘဏ်တွေ ကြားက သတ်မှတ်ချက်တွေကြောင့် ဆောက်လုပ်ရေးလုပ်ငန်းတွေကို တိုက်ရိုက်လာထိပါတယ်။
အရင်ဆုံးထိတာ ဆောက်လုပ်ရေးက အခြေခံလုပ်သား၊ နောက် အင်ဂျင်နီယာ၊ အသိပညာရှင် အတတ်ပညာရှင် ဒီဇိုင်းကုမ္ပဏီတွေ တောက်လျောက် ဆင့်ကဲ ရိုက်ခတ်မှုဒဏ်ကို ခံစားကြရပါတယ်။
ဒါပေမယ့် စားဝတ်နေရေး ကျပ်တဉ်းသွားတဲ့ လုပ်ငန်းရှင်ကတော့ ရှားပါတယ်။ ဆောက်လုပ်ရေးလုပ်ငန်းဆိုတာ ပါဝင်ပတ်သက်သူများတာကြောင့် တစ်ခုဖြစ်လို့ရှိရင် ဆင့်ကဲ ရိုက်ခတ်မှုဖြစ်စဉ်များတာကြောင့် သက်ဆိုင်ရာအစိုးရများက ၀င်ရောက်ပါဝင်ကူညီပေးမှသာ ပြန်လည်ထူမတ်နိုင်တဲ့ သဘောမှာရှိပါတယ်။
၁၉၉၇ ခုနှစ်မှာထိုင်းကဆောက်လုပ်ရေးလုပ်ငန်းတွေပြိုလဲခဲ့တဲ့ ဂယက်ဟာ ၁၉၉၈ ခုနှစ် မှာမြန်မာဆောက်လုပ်ရေးလုပ်ငန်းတွေအထိ ရိုက်ခတ်ခဲ့ပါတယ်။ ဆောက်လုပ်ရေးကဏ္ဍ ရပ်တန့်သွားရင် အခြားစီးပွားရေးကဏ္ဍများကိုပါ ကူးစက် ရိုက်ခတ်သွားတတ်တယ်ဆိုတာ ပညာရှင်များ ၊အတွေ့အကြုံရှိသူများ ကောင်းစွာ သဘောပေါက်နားလည်ပါတယ်။
ဒါ့ကြောင့် ဒီအချက် (၆) ချက်ကို အရဲစွန့်ပြီးတင်ပြတာ ဖြစ်ပါတယ်။” ပြောသည်။
အဆိုပါတွေ့ဆုံပွဲတွင် မကြာခင်က ပြည်သူလူထုသို့ ထုတ်ပြန်ခဲ့သည့် ၂၀၁၈ ခုနှစ် ပြည်ထောင်စု၏ အခွန်အကောက် ဥပဒေကြမ်းပါ စာမျက်နှာ(၁၆) အပိုဒ် ၂၅ တွင် ဖော်ပြထားသောအချက်များ ( ပထမ (၆)လ ၀င်ငွေခွန်၃ %၊ ဒုတိယ(၆)လ ၀င်ငွေခွန် ၅%) သည် တိုင်းပြည်စီးပွားရေးတိုးတက်မှုကို များစွာအထောက်အကူဖြစ်စေသဖြင့် ၀မ်းမြောက်ဝမ်းသာ ကြိုဆိုပါကြောင်းနှင့် စောလျှင်စွာ အတည်ပြုကြေငြာပေးနိုင်ရေး ထောက်ခံပွဲ ပူးတွဲကျင်းပရာ အဆိုပါဥပဒေကြမ်းနှင့် ပတ်သက်၍လည်း ၀န်ကြီးချုပ်က “ ဒါက ဥပဒေကြမ်းအဆင့်ပဲရှိပါသေးတယ်။ ကျွန်တော်တို့ အစိုးရအနေနဲ့ အိမ်ခြံမြေလောက၊ ဆောက်လုပ်ရေးလောကတွေ ပြန်လည်ဖွံ့ဖြိုးလာဖို့ ရည်ရွယ်ချက်နဲ့ ရေးဆွဲပြီးပြည်ထောင်စုလွှတ်တော်ကို တင်ထားပြီးပါပြီ။ ဒါကို မြန်မြန်အတည်ပြု ထုတ်ပြန်နိုင်အောင် သက်ဆိုင်ရာ လွှတ်တော်ကိုယ်စားလှယ်တွေအနေနဲ့ ကြိုးပမ်းပေးကြပါလို့ တိုက်တွန်းချင်ပါတယ်” ဟု ဆက်လက်ပြောကြားသွားသည်။
ယင်းထောက်ခံပွဲသို့ ဆောက်လုပ်ရေးလုပ်ငန်းရှင်များ၊ အခြားစီးပွားရေး အသင်းအဖွဲ့များမှ တာဝန်ရှိသူများ၊ အသိပညာရှင် အတတ်ပညာရှင်များအပြင် ရန်ကုန်မြို့ဆောက်လုပ်ရေးလုပ်ငန်းများတွင် လုပ်ကိုင်နေသည့် အခြခံဝန်ထမ်းများအပါအ၀င် စုစုပေါင်း လူဦးရေ တစ်သောင်းကျော်တက်ရောက်ခဲ့ကြောင်းသိရသည်။
Credit: iMyanmarHouse.com
