ဖက်စပ်နိုင်ငံခြား ရင်းနှီးမြှုပ်နှံမှုများ အပါအဝင် ပြည်တွင်းပြည်ပ ရင်းနှီးမြှုပ်နှံမှုလုပ်ငန်း ၁၁ ခုအထိကို ယခု ၂၀၁၈ ခုနှစ်အစပိုင်း ဖေဖော်ဝါရီလ ပထမအပတ်အထိ ခွင့်ပြုထားကြောင်း ရင်းနှီးမြှုပ်နှံမှုနှင့် ကုမ္ပဏီများညွှန်ကြားမှု ဦးစီးဌာနထံမှ သိရသည်။
အဆိုပါခွင့်ပြုပေးခဲ့သော ရင်းနှီးမြှုပ်နှံမှုလုပ်ငန်းများတွင် မွေးမြူရေးဆိုင်ရာလုပ်ငန်း၊ ဆောက်လုပ်ရေးလုပ်ငန်း၊ CMP လုပ်ငန်း၊ ဟိုတယ်တည်ဆောက်ခြင်းနှင့် ဝန်ဆောင်မှုလုပ်ငန်းများအပြင် ကမ်းလွန်ရေနံတွင်းများအတွက် လိုအပ်သောထောက်ပံ့မှုများ လုပ်ဆောင်နိုင်ရန်အတွက် ဆိပ်ကမ်းနှင့်သိုလှောင်ရုံများ တည်ဆောက်ခြင်းလုပ်ငန်း ပါဝင်ကြောင်း ယင်းဌာနထံမှ သိရသည်။
“၂၀၁၇-၁၈ ဘဏ္ဍာနှစ်အတွက် နိုင်ငံခြားရင်းနှီးမြှုပ်နှံမှု ပမာဏကို အမေရိကန်ဒေါ်လာ ခြောက်ဘီလီယံကျော်လောက် ဝင်လာနိုင်မယ်လို့ မှန်းထားတယ်။ လက်ရှိအခြေအနေနဲ့ဆို ပြည့်မီနိုင်တယ်”ဟု ယင်းဌာနမှ အကြီးတန်းအရာရှိတစ်ဦးက ပြောကြားသည်။
ပြီးခဲ့သည့် ၂၀၁၇ ခုနှစ် နှစ်ကုန်ပိုင်းအထိ နိုင်ငံခြားရင်းနှီးမြှုပ်နှံမှု ဝင်ရောက်သည့် လုပ်ငန်းပေါင်း ၁၅၀ ကျော်ရှိပြီး စုစုပေါင်းပမာဏမှာ အမေရိကန်ဒေါ်လာ ၄ ဒသမ ၅ ဘီလီယံကျော် ဝင်ရောက်ခဲ့ကြောင်း၊ အများဆုံးဝင်ရောက်သည့် ကဏ္ဍမှာ စက်မှုကုန်ထုတ်လုပ်ငန်းများဖြစ်ပြီး ရင်းနှီးမြှုပ်နှံမှု အနည်းဆုံးလုပ်ငန်းမှာ စိုက်ပျိုးရေးကဏ္ဍဖြစ်ကြောင်း ၎င်းက ဆိုသည်။
ပြည်တွင်းသို့ ရင်းနှီးမြှုပ်နှံမှုအများဆုံး ဝင်ရောက်သည့်နိုင်ငံမှာ စင်ကာပူနိုင်ငံဖြစ်ပြီး တရုတ်နိုင်ငံမှာ ဒုတိယရင်းနှီးမြှုပ်နှံမှု အများဆုံးဖြစ်ကာ ထိုင်းနှင့်ယူအေအီးတို့မှလည်း ရင်းနှီးမြှုပ်နှံမှု အသင့်အတင့် ဝင်ရောက်သည်။
လတ်တလောအနေအထားတွင် ပြည်ပရင်းနှီးမြှုပ်နှံမှုများသာမက ပြည်တွင်း ရင်းနှီးမြှုပ်နှံသူများလည်း တိုးပွားလာပြီး ယခု ၂၀၁၇-၁၈ ဘဏ္ဍာနှစ် ခုနစ်လအထိတွင် အမေရိကန်ဒေါ်လာ ၅၆၁ သန်း အပါအဝင် ကျပ်ထရီလီယံ ၁၄၉၀ ရှိကြောင်း ရင်းနှီးမြှုပ်နှံမှုနှင့်ကုမ္ပဏီများ ညွှန်ကြားမှုဦးစီးဌာနထံမှ သိရသည်။
Credit: The Voice
