ပြင်ဦးလွင်မြို့ နန်းမြိုင် ဟိုတယ်ရှိ ကိုလိုနီခေတ် လက်ရာ အဆောက်အအုံများ နှစ် (၁၀၀) ပြည့် အထိမ်းအမှတ်ပွဲကို မတ်လမှ ဧပြီလကုန်အထိ နှစ်လကြာ ကျင်းပမည်ဟု နန်းမြိုင်ဟိုတယ် ငှားရမ်းလုပ်ကိုင်ခွင့်ရရှိထားသည့် Orchid ကုမ္ပဏီအုပ်ချုပ်ရေးမှူး ဒါရိုက်တာ ဦးဌေးအောင်က ပြောသည်။
နန်းမြိုင်ဟိုတယ်အတွင်းရှိ အဆောက်အအုံများသည် ကိုလိုနီ ခေတ် ၁၉၁၈ တွင် တည်ဆောက်ခဲ့ ပြီး လက်ရှိ၌ နှစ် (၁၀၀) ပြည့်ပြီဖြစ်၍ အထိမ်းအမှတ်ပွဲ ပြုလုပ် ရန် စီစဉ်ခြင်းဖြစ်သည်။
‘‘ဟိုတယ်ထဲမှာရှိတဲ့ အ ဆောက်အအုံတွေက နှစ် (၁၀၀) သက်တမ်းရှိနေပြီ။ ကိုလိုနီခေတ် ကတည်းက ထင်ရှားခဲ့တဲ့ အ ဆောက်အအုံတွေ။ ယနေ့ခေတ် ပြည်သူတွေသာမကဘဲ နိုင်ငံတကာဧည့်သည်တွေပါ တန်ဖိုးထားတတ်ဖို့ ရည်ရွယ်တဲ့ သဘောလေး ပါ’’ ဟု ဦးဌေးအောင်က ပြော သည်။
ဟိုတယ်နှင့် ခရီးသွားလာ ရေးဝန်ကြီးဌာနပိုင် နန်းမြိုင်ဟို တယ်ကို Orchid ကုမ္ပဏီက ၂၀၁၃ ကစတင်ကာ တစ်နှစ်ကျပ် သိန်း ၆,၀၀၀ ဖြင့် ၁၅ နှစ်ကြာ ငှားရမ်းလုပ်ကိုင်ခွင့် ရရှိထား သည်။ နန်းမြိုင်ဟိုတယ်တွင် အဆောက်အအုံလေးလုံးရှိပြီး တည်းခိုနေထိုင်နိုင်သည့် ဟိုတယ်ခန်း ၃၂ ခန်းရှိသည်။
နန်းမြိုင်ဟိုတယ်အဆောက် အအုံများ နှစ် (၁၀၀) ပြည့် အ ထိမ်းအမှတ်ပွဲတွင် တေးဂီတဖျော် ဖြေပွဲများ၊ မြန်မာ့ရှေးဟောင်း ရုပ် ရှင်ဇာတ်ကားများ ပြသခြင်း၊ အ ငြိမ့်၊ မြေဝိုင်းဇာတ်၊ ဆိုင်းဝိုင်း၊ ရုပ်သေးပွဲလမ်းသဘင်များ၊ စာပေ ဟောပြောပွဲများ၊ ကလေးစာပေ၊ ကျပန်းစကားပြောပွဲများ၊ ရိုးရာ အားကစားပြိုင်ပွဲများ၊ မီးထွန်းပွဲနှင့် ဝင်္ကပါ လျှောက်လမ်းများ စ သည်ဖြင့် ထည့်သွင်းကျင်းပမည် ဖြစ်ကြောင်း ဦးဌေးအောင်က ပြောကြားသည်။
ပြင်ဦးလွင်မြို့တွင် ကိုလိုနီ ခေတ်လက်ရာ ရှေးဟောင်းအ ဆောက်အအုံ အများအပြား ကျန် ရှိနေသေးပြီး ထင်ရှားသည့် အ ဆောက်အအုံများမှာ နန်းမြိုင်၊ ချယ်ရီမြိုင်၊ သီရိမြိုင်၊ မဲဇာမြိုင်၊ ဂန္ဓာမာမြိုင်၊ ဟေမာမြိုင်၊ နှင်းဆီ မြိုင်၊ သစ္စာမြိုင်၊ ယုဇနမြိုင်၊ ဟင်္သာမြိုင်၊ သဇင်မြိုင်၊ မြိုင်ကြီး၊ မြိုင်ဟေမာ၊ နန္ဒဝန်၊ ခိုင်ရွှေဝါအ ဆောက်အအုံများ ဖြစ်သည်။ အ ဆိုပါ အဆောက်အအုံများအနက် အချို့ကို ဟိုတယ်အဖြစ် ဖွင့်လှစ်လုပ်ကိုင်နေပြီး အချို့ကို ဌာနဆိုင်ရာရုံးများအဖြစ် အသုံးပြု နေသည်။
Credit: 7Daydaily
