မြေယာလုပ်ငန်းမှတ်ပုံတင်များကို တိုင်းဒေသကြီး ပြည်နယ်များ၌ လုပ်ဆောင် သည့်အခါ စည်ပင်သာယာရေးကော်မတီ၏ လုပ်ဆောင်ချက်များလွယ်ကူချော မွေ့ရန်လိုအပ်နေကြောင်း ဒုတိယသမ္မတ(၁) ဦးမြင့်ဆွေက ဖေဖော်ဝါရီလ ၁ ရက်က ကျင်းပသည့် နိုင်ငံတော်ဒုတိယသမ္မတ (၁) နှင့် မြန်မာ့စီးပွားရေးလုပ်ငန်းရှင်များ ပုံမှန်တွေ့ဆုံဆွေးနွေးပွဲ ၁၄ ကြိမ်မြောက် အခမ်းအနားတွင် ပြောသည်။
“ကမ္ဘာ့ဘဏ်က ထုတ်ပြန်တဲ့ Doing Business မှာမြန်မာနိုင်ငံအနေနဲ့ စီးပွားရေး လုပ်ကိုင်ရလွယ်ကူတဲ့ အဆင့် ၁၇၁ ဖြစ်ပါတယ်။ ကျွန်တော်တို့နိုင်ငံမှာ အလုပ်လာလုပ်ဖို့ဆို တာက ကမ္ဘာ့ဘဏ်က ထုတ်ပြန်လိုက်တဲ့ Doing Business ကို ကြည့်ပြီးတော့မှ ဒီနိုင်ငံမှာ လုပ်ကိုင်ဆောင်ရွက်ရတာ လွယ်တယ်မလွယ်ဘူးဆိုပြီး ဆောင်ရွက်ကြတာဖြစ်ပါတယ်။ ဒါကြောင့်မို့ ကျွန်တော်တို့နိုင်ငံမှာ Doing Business မှာ အဆင့်တက်ဖို့အတွက် များနေတဲ့ နည်းစနစ်တွေ တတ်နိုင်သမျှ ဖြေလျော့မှုတွေကို တခြားနိုင်ငံမှာလုပ်နိုင်ရင်ကိုယ့်နိုင်ငံမှာ လုပ်လို့မရဘူးလားဆိုပြီး တွေးကြည့်တယ်။ ဖြေလျော့မှုတွေလိုအပ်တဲ့အထဲမှာ မြေယာ လုပ်ငန်းမှတ်ပုံတင်တို့ကို တိုင်းဒေသကြီး ပြည်နယ်တွေမှာ လုပ်တဲ့အခါမှာ စည်ပင်သာယာက လုပ်ကိုင်ပေးမှုက လွယ်ကူချောမွေ့မှုမှာ အများကြီးလို အပ်နေတာဖြစ်ပါတယ်။ ဒါကြောင့် Doing Business မှာ အဆင့်တက်ဖို့လုပ်ဆောင်မယ့် အဖွဲ့ထဲမှာ စည်ပင်သာယာကော်မတီ ကို ထည့်သွင်းလိုက်တာဖြစ်ပါတယ်။ ဒါမှတစ်နိုင်ငံလုံးက စည်ပင်သာယာအဖွဲ့တွေသိရှိပြီး တော့မှလုပ်ပေးနိုင်တဲ့ဟာကို မြန်မြန်ထက်ထက်သာ လုပ်ပေးလို့ရှိရင် ကျွန်တော်တို့ရဲ့ Doing Business က တက်လာမှာဖြစ်ပါတယ်” ဟု ဒုတိယ သမ္မတက ပြောသည်။
ယခင်က Doing Business ၌ မြန်မာနိုင်ငံ၏ အဆင့်တက်ရေးအတွက် သက်ဆိုင် ရာဝန်ကြီးဌာနများမှ ညွှန်မှူး၊ ညွှန်ချုပ်တို့အားတာဝန်ပေးဆောင်ရွက်နေရာမှ ယခုအချိန်တွင် အဆိုပါလုပ်ငန်းစဉ်ကို သိသိသာသာ ဆောင်ရွက်နိုင်ရန် ညွှန်ကြားရေးမှူးချုပ်၊ ဦးဆောင်ညွှန် ကြားရေးမှူး၊ တိုင်းဒေသကြီး ပြည်နယ်များရှိ မြို့နယ်များမှ စည်ပင်သာယာရေးကော်မတီ အတွင်းရေးမှူးများကို ခေါင်းဆောင်အဖြစ် ပါဝင်ဆောင်ရွက်ခွင့်ပေးထားကြောင်း သိရသည်။
Credit: Pyi Myanmar
