ကြည့်မြင်တိုင် တစ်ဖက်ကမ်းတွင်အကောင်အထည်ဖော်မည့် ရန်ကုန်မြို့သစ်စီမံကိန်းကို ပထမအကြိမ် လွှတ်တော်၌ အကောင်အထည်ဖော်ဆောင် ရွက်ရန် ဆုံးဖြတ်ထားခြင်းကြောင့် တိုင်းအစိုးရ၏စီမံခန့်ခွဲမှုဖြင့် ဆက်လက်လုပ်ကိုင်မည်ဟု ဝန်ကြီးချုပ် ဦးဖြိုးမင်းသိန်းက ပြောကြား သည်။
ရန်ကုန်မြို့သစ် စီမံကိန်းနှင့် ပတ်သက်၍ လွှတ်တော်တွင် မဆွေးနွေးရခြင်းအကြောင်းရင်း ကို ဝန်ကြီးချုပ်က လက်ရှိလွှတ် တော်သည် ဒုတိယအကြိမ် လွှတ် တော်သက်တမ်းဖြစ်ကြောင်း၊ ပထမလွှတ်တော်၌ ဆုံးဖြတ်ထား သည်ကို လက်ဆင့်ကမ်းခြင်းဖြစ် ပြီး ကြိုက်နှစ်သက်မှုမရှိပါက လွှတ်တော်တွင် ပြန်လည်ပြင်ဆင် ဆွေးနွေးနိုင်ကြောင်း ဖေဖော်ဝါရီ ၁ ရက်က ရန်ကုန်မြို့၌ ပြုလုပ်သော ဒုတိယသမ္မတနှင့် စီးပွားရေးလုပ်ငန်းရှင်များတွေ့ဆုံပွဲတွင် ပြောသည်။
‘‘ ဒီနေရာမှာ ကျွန်တော်တို့ ဘက်က မကြိုက်တာရှိရင် လွှတ် တော်မှာ ပြန်လည်ပြင်ဆင်ဖို့ ဆွေး နွေးဖို့ရှိပါတယ်။ ကျွန်တော်တို့ရဲ့ ဆက်ခံသယ်ဆောင်သွားရမယ့် လုပ်ငန်းတွေထဲမှာလည်း ကြည့် မြင်တိုင်မြို့သစ်ကို တည်ဆောက် သွားရမယ်’’ဟု ဦးဖြိုးမင်းသိန်းက ပြောသည်။
ပြီးခဲ့သည့်လွှတ်တော်တွင် သုံးကြိမ်ခန့် ဆွေးနွေးခဲ့ပြီး ပြည် ထောင်စုလွှတ်တော်က အတည် ပြုခဲ့သော ရန်ကုန်မြို့သစ်စီမံကိန်း အတွက်လက်ရှိအချိန်၌ မြေသိမ်း အမိန့်လည်း ရရှိထားပြီဟု ၎င်းက ဆိုသည်။
‘‘မြို့သစ်စီမံကိန်းစတင်ဖို့ ကျွန်တော်တို့ဆောင်ရွက်နေပြီ’’ ဟု ဝန်ကြီးချုပ်က
ပြောသည်။
စီမံကိန်းနှင့်ပတ်သက်၍ ယခင်က ပုဂ္ဂလိကကဏ္ဍမှ ကုမ္ပဏီသုံးခုကို ရွေးချယ်ခဲ့သော်လည်း အာဏာစက်မရှိခြင်းကြောင့် ရန် ကုန်တိုင်းအစိုးရကြီးကြပ်မှုဖြင့် စီမံကိန်းကို ပြောင်းလဲအကောင်အထည်ဖော်ရခြင်းဟုဆိုသည်။
ယင်းစီမံကိန်းနှင့်ပတ်သက် ၍ ပြီးခဲ့သည့်နှစ်များတွင် တိုင်း လွှတ်တော်ကိုယ်စားလှယ်များက ဝေဖန်မှုများရှိခဲ့သည်။ အစိုးရအ နေဖြင့် စီးပွားရေးလုပ်ကိုင်မည် ဆိုပါက စနစ်တကျဆောင်ရွက် ပြီး ရင်းနှီးမြှုပ်နှံမှုများကို စိစစ်ဆောင်ရွက်ရန် ရန်ကုန်တိုင်း လွှတ်တော်ကိုယ်စားလှယ်အချို့ ကဝေဖန်ခဲ့သည်။
ထို့အပြင် လှည်းကူးမြို့ရှိ ဧက ၁,၄၀၀ ကျော်ပေါ်တွင် တည် ဆောက်မည့် Eco Green City အိမ်ရာစီမံကိန်းကို တိုင်းဒေသကြီးလွှတ်တော်သို့ အသေးစိတ်မ
တင် ပြသဖြင့် အစိုးရကို လွှတ်တော် ကိုယ်စားလှယ်အချို့က ဝေဖန် ခဲ့သည်။
ရန်ကုန်မြို့သစ်စီမံကိန်းတွင် ကျူးကျော်များနေထိုင်ရန် အိမ်ရာစီမံကိန်းများ၊ စီးပွားရေးဆိုင်ရာ အဆောက်အအုံများတည် ဆောက်မည်ဟု ဝန်ကြီးချုပ်က ပြောသည်။ ရန်ကုန်မြို့သစ်တည်ဆောက်ခြင်းကြောင့် ကျူးကျော် ပြဿနာ၊ အလုပ်လက်မဲ့ ပြဿနာ၊ လျှပ်စစ်မီးပြဿနာ၊ လမ်းပိတ်ဆို့မှုပြဿနာနှင့် မြေဈေးကြီး မှုပြဿနာတို့ကို ဖြေရှင်းနိုင်မည် ဟု ရန်ကုန်တိုင်းလျှပ်စစ်၊ စက်မှုလက်မှုနှင့် လမ်းပန်းဆက်သွယ် ရေးဝန်ကြီး ဒေါ်နီလာကျော်က ပြောကြားသည်။
Credit: 7Daydaily
