ရန်ကုန် မြို့တွင်း ဆက်စပ်မြို့နယ်များနှင့် ဆင်ခြေဖုံးမြို့နယ်များတွင် အိမ်ပိုင်ရှင်များအနေနှင့် သုံးလစာချုပ်ဖြင့် တိုက်ခန်းငှားရမ်းမှု များပြားလာကြောင်း ရန်ကုန်မြို့ အိမ်ခြံမြေ အကျိုးဆောင်များထံမှ စုံစမ်းသိရှိရသည်။
ယခုလက်ရှိ မြို့တွင်းဆက်စပ်မြို့နယ်များနှင့် ဆင်ခြေဖုံးမြို့နယ်များဖြစ်သည့် သာကေတ၊ ဒေါပုံ၊ တာမွေ၊ သင်္ဃန်းကျွန်း၊ ဒဂုံမြို့သစ်တောင်ပိုင်း၊ ဒဂုံမြို့သစ် မြောက်ပိုင်းနှင့် အင်းစိန်မြို့နယ်တို့တွင် တိုက်ခန်းများကို သုံးလစာချုပ်ဖြင့် ငှားရမ်းမှု များလာကြောင်း အိမ်ခြံမြေ အကျိုးဆောင်များထံမှ သိရသည်။
“မြို့နယ်တွေမှာ ကျပ်တစ်သိန်း၊ တစ်သိန်းနှစ်သောင်းဝန်းကျင် တိုက်ခန်းတွေက ငှားရမ်းတာ များလာတယ်။ ကျပ်တစ်သိန်းတိုက်ခန်းတွေက ဟော၊ အခန်း မဖွဲ့တာ များတယ်။ ခြောက်လ စာချုပ်ကျတော့ ငှားရမ်းသူက တိုက်ခန်းရော ဈေးနှုန်းရော သဘောကျမှ ပွဲဖြစ်တယ်။ အခု သုံးလစာချုပ်ကျတော့ ပွဲခလည်း တစ်ဝက်လောက်ပဲပေးရတော့ ငှားရမ်းတာတွေ တော်တော်များလာတယ်”ဟု မိုးမိုး အိမ် ခြံ မြေ အကျိုးဆောင်လုပ်ငန်းမှ ဒေါ်မိုးမိုးက ဆိုသည်။
မြို့တွင်းဆက်စပ်မြို့နယ်များနှင့် ဆင်ခြေဖုံးမြို့နယ်များတွင် ကျပ်တစ်သိန်းမှ ကျပ်တစ်သိန်းခွဲဝန်းကျင် တိုက်ခန်းများကို သုံးလစာချုပ်ဖြင့် ငှားရမ်းမှု များလာပြီး သုံးလစာချုပ်ဖြင့် ငှားရမ်းပါက ပွဲစားခလည်း အနည်းငယ်သက်သာကြောင်း အိမ်ငှားရမ်းနေထိုင်သူများထံမှ သိရသည်။
“တိုက်ခန်းငှားရတာက ၆ လစာချုပ်ဆို ပွဲစားခ တစ်လစာ ပေးရတယ်။ သုံးလ စာချုပ်က ပွဲစားခ တစ်ဝက်လောက်ပဲ ပေးရတဲ့အပြင် စပေါ်လည်း မပေးရ၊ တိုက်ခန်း သုံးလစာပဲ ပေးရတော့ ဝန်ထမ်းတွေအတွက် အဆင်ပြေပါတယ်။ အခုဆို သုံးလစာချုပ်နဲ့ တာမွေမှာ တစ်လတစ်သိန်းခွဲနဲ့ ငှားနေတယ်”ဟု တာမွေမြို့နယ်တွင်နေထိုင်သူ ကုမ္ပဏီဝန်ထမ်း မနေခြည်က ဆိုသည်။
အိမ် ခြံ မြေ အကျိုးဆောင်များအနေနှင့် ရန်ကုန်မြို့ရှိ အိမ်ခြံမြေ အရောင်းအဝယ်မှာ ယခုလက်ရှိတွင် စီးပွားရေး လုပ်ကိုင်သူများနှင့် အမှန်တကယ် နေထိုင်မည့်သူများ ဝယ်ယူမှု အနည်းငယ်သာ ရှိသောကြောင့် အငှားဈေးကွက်ကိုသာ အဓိကထား လုပ်ကိုင်နေရကြောင်း မြန်မာနိုင်ငံ အိမ်ခြံမြေ ဝန်ဆောင်မှုအသင်းထံမှ သိရသည်။
ရန်ကုန်မြို့တွင်းမြို့နယ်များတွင် တိုက်ခန်းများကို နှစ်သိန်းမှ ငါးသိန်းဝန်းကျင်ထိ ဈေးနှုန်းဖြင့် ငှားရမ်းလျက်ရှိပြီး မြို့တွင်း ဆက်စပ်မြို့နယ်များနှင့် ဆင်ခြေဖုံးမြို့နယ်များတွင် ငွေကျပ် ၅ သောင်းမှစကာ ကျပ်နှစ်သိန်းအထိ ဈေးနှုန်းဖြင့် ငှားရမ်းလျက်ရှိသည်။
Credit: The voice
