ကမ္ဘာကျော်ဟစ်ပ်ဟော့အဆိုတော် ဂျေးဇက်နှင့် ပေါ့ပ်ကြယ်ပွင့် ဘီယွန်းဆေးတို့ ဇနီးမောင်နှံ ငှားရမ်းနေထိုင်ခဲ့သော နယူးယောက် နေအိမ်ကြီး ကန်ဒေါ်လာ ၁၆ သန်းဖြင့် အရောင်းဈေးကွက်ဝင်လာကြောင်း နယူးယောက်အခြေစိုက် အိမ်ခြံမြေသတင်းဝက်ဘ်ဆိုက် တစ်ခုတွင် ဖော်ပြသည်။
ကမ္ဘာကျော်ကြယ်ပွင့်များစွာ နေထိုင်ခဲ့ဖူးသည့်နေအိမ်ဖြစ်ပြီး “Gatsby ခေတ် စံအိမ်” ဟုလည်း ခေါ်ကြသည်။
နေအိမ်တည်နေရာမှာ အမေရိကန်ပြည်ထောင်စု၊ နယူးယောက်မြို့၊ ဟမ့်ပ်တန်အရပ်၊ ဝိန်းစကော့ စတုန်းဟိုက်ဝေးလမ်း၊ အမှတ် ၃၀ တွင် ဖြစ်သည်။
အဆိုပါ နေအိမ်ကြီးတွင် ငှားရမ်းနေထိုင်ခဲ့ဖူးသူများအနက် ဂျေးဇက်နှင့် ဘီယွန်းဆေးတို့ စုံတွဲမှာ နာမည်အကျော်ဆုံးဖြစ်သည်ဟု သတ်မှတ်ခြင်းခံရသည်။
အိပ်ခန်း ၈ ခန်း၊ ရေချိုးခန်း ၁၁ ခန်းပါဝင်ပြီး ကန်ဒေါ်လာ ၁၅ ဒသမ ၉၉ သန်း ဈေးခေါ်ထားသည်။
ဘီယွန်းဆေးတို့ ဇနီးမောင်နှံက အဆိုပါနေအိမ်ကို ၂၀၁၂ ခုနှစ်အတွင်း တစ်လလျှင် ကန်ဒေါ်လာ ၄၀၀၀၀၀ ဖြင့် ငှားရမ်းနေထိုင်ခဲ့ခြင်း ဖြစ်ပြီး ယင်းနေအိမ်တွင် ဂီတဗွီဒီယိုတစ်ခုပင် ရိုက်ကူးခဲ့သေးသည်။
ဂျနီဖာလိုပက်ဇ်နှင့် မက်ဒေါနားတို့သည်လည်း ယခုနေအိမ်ကို ငှားရမ်းနေထိုင်ခဲ့ဖူးသည်ဟု ဆိုသည်။
Goose Creek ဟုလည်း အမည်ပေးထားပြီး နောက်ဆုံးအရောင်းဈေးကွက်သို့ ရောက်ခဲ့သည်မှာ ၂၀၁၄ ခုနှစ်အတွင်းဖြစ်ကာ ထိုစဉ်က ကန်ဒေါ်လာ ၁၀ ဒသမ ၅ သန်းဖြင့် ဈေးခေါ်ခဲ့သည်။
ခြံဝန်းမှာ ၅ ဒသမ ၅ ဧကခန့်ရှိပြီး နေအိမ်မှာ ၁၉၀၀၀ စတုရန်းပေ ကျယ်ဝန်းသည်။
ထိုင်ခုံ ၁၁၀ ဆန့် ရုပ်ရှင်ရုံခန်းနှင့် ကပ်လျက်တွင် အရက်ဘားတစ်ခု တည်ရှိသည်။
နေအိမ်အတွင်း ရေကူးကန်၊ အားကစားလေ့ကျင့်ခန်းမ၊ နေအိမ်ပြင်ပတွင် ရေပူကန်၊ တင်းနစ်ကွင်းတို့ ပါဝင်သည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
