မလေးရှားတွင် အလီဘာဘာ၏ စမတ်စီးတီးနည်းပညာကို အသုံးပြုမည်

တရုတ်အီးကောမာ့စ်ကုမ္ပဏီ အလီဘာဘာလုပ်ငန်းစုသည် စမတ်စီးတီး နည်းပညာကို ပြည်ပတွင် ပထမဆုံးအကြိမ် ဖော်ဆောင်ပေးတော့မည် ဖြစ်ကြောင်း သိရသည်။

ဒီဂျစ်တယ်စီးပွားရေးကို တိုးမြှင့်ရန် ကြံဆောင်နေသည့် မလေးရှားတွင် နိုင်ငံတစ်ဝန်းမြို့ကြီးများတွင် စမတ်စီးတီးနည်းပညာကို အသုံးပြုရန် အလီဘာဘာနှင့် သဘောတူညီမှု ချုပ်ဆိုထားပြီး ဖြစ်သည်။

ထို Malaysia City Brain ကို မြို့တော်ကွာလာလမ်ပူတွင် ပထမဆုံး အသုံးပြုမည်ဖြစ်ဖြစ်သည်။ ယင်းသည် ကနဦးတွင် ယာဉ်ကြောကို စောင့်ကြည့်မည်ဖြစ်သော်လည်း စွမ်းအင်ပိုမိုကောင်းမွန်စွာ စီမံအသုံးပြုနိုင်ရေး၊ လုံခြုံရေးနှင့် ပြည်သူ့ဖူလုံမှုတို့ ပိုမိုကောင်းမွန်စေရေးတို့အတွက် အာဏာပိုင်များကို သတင်းပေးပို့နိုင်မည်ဖြစ်သည်။

၎င်းနည်းပညာကို အကောင်အထည်ဖော်ရန် အလီဘာဘာလုပ်ငန်းစု လက်အောက်ခံကုမ္ပဏီ အလီဘာဘာကလောက်ဒ်က မလေးရှားဒီဂျစ်တယ် စီးပွားရေးကော်ပိုရေးရှင်းနဲ့ လက်တွဲဆောင်ရွက်မည် ဖြစ်ကြောင်း သိရသည်။

ဥပမာအားဖြင့် ဆိုရသော် Malaysia City Brain သည် မြို့ပြနေရာများတွင် အရေးပေါ်ဝန်ဆောင်မှုများအတွက် လမ်းကြောင်းနေရာအတိအကျ ရှာဖွေဖော်ထုတ်နိုင်မည်ဖြစ်ပြီး ယာဉ်ကြောမရှုပ်ထွေးအောင် စီမံပေးနိုင်မည်ဖြစ်သည်။ ထို့အပြင် အများပြည်သူပို့ဆောင်ရေးကို အသုံးပြုနေသော ခရီးသွားပြည်သူများ၏ လုံခြုံရေးအတွက်လည်း အထောက်အကူဖြစ်စေနိုင်မည်ဖြစ်သည်။

တရုတ်နိုင်ငံအရှေ့ပိုင်း ဟန်ကျိုးမြို့နှင့် စူးကျိုးမြို့အပါအ၀င် မြို့ကြီးခြောက်မြို့တွင် ထိုနည်းပညာကို အသုံးပြုနေနှင့်ပြီးဖြစ်သည်။မလေးရှားသည် အာရှတွင် မြို့ပြအဆန်ဆုံးနိုင်ငံတစ်နိုင်ငံ ဖြစ်ပြီး ကွာလာလမ်ပူသည် ဆိုးဆိုးရွားရွားယာဉ်ကြောပိတ်ဆို့ကျပ်တည်းမှုနှင့် ရင်ဆိုင်နေရသည်။

ကမ္ဘာ့ဘဏ်၏ ထုတ်ပြန်ချက်အရ ကွာလာလမ်ပူတွင် နေထိုင်သူများသည် ယာဉ်ကြောပိတ်ဆို့မှုအတွက် တစ်နှစ်လျှင် နာရီသန်း၅၀၀ ခန့် ကုန်ဆုံးနေရကြောင်း သိရသည်။


ခင်အေးချမ်း မှ iMyanmarHouse.com (အိုင်မြန်မာဟောက်စ်ဒေါ့ကွန်း) အတွက် အထူးဘာသာပြန် ရေးသားဖော်ပြသည်။
Credit: iMyanmarHouse.com