တစ်နေ့က ငယ်သူငယ်ချင်း တစ်ဦး စာရေးသူထံ ရောက်လာပြီး -
''ယခုနေတဲ့ အဆောက်အအုံနဲ့ တိုက်ခန်းတွေက ဆွေးနေတယ်။ အချို့က ပြောတော့ ပြင်ဆင်ခွင့် လျှောက်ထားလို့ ရတယ်ဆိုတာ ဟုတ်သလား၊ ဘယ်လို ဆောင်ရွက်ရတယ်ဆိုတဲ့ ကိစ္စတွေ သိထားချင်လို့ သူငယ်ချင်းဆီလာခဲ့တာ'' ဟု ပြောပါသည်။
''သူငယ်ချင်း ပြောစကားအရ ဆိုရင် အဆောက်အအုံ တစ်ခုလုံး ဟောင်းနွမ်း၊ ဆွေးနေတယ်လို့ သဘောရတယ်''
''ဟုတ်တယ်၊ လွန်ခဲ့တဲ့ အနှစ် ၃ဝ လောက်က ဆောက်ထားတဲ့ ကန်ထရိုက်တိုက်ခန်းတွေ ဖြစ်တယ်''
''အထပ်ဘယ်နှထပ်ရှိလဲ''
''ခြောက်ထပ်ရှိမယ် ထင်တယ်။ ခေါင်မိုးထပ်မှာလည်း လူနေခန်းထပ်ပြီး ဖွဲ့စည်းထားတာ ရှိတယ်''
''ကန်ထရိုက်တာ တစ်ခြမ်း၊ မြေရှင် တစ်ခြမ်း ရင်ခွဲဆောက်ထားတယ်ဆိုတော့ အခန်းအရေအတွက်က ....''
''အဲဒီ ပုံစံမဟုတ်ဘူး သူငယ်ချင်း။ တစ်လွှာချင်း၊ ဘေးလှေခါး အတက်နဲ့ ခြောက်လွှာ၊ အပေါ်ဆုံး အခန်းပါဆိုတော့ ခုနစ်ခန်းပေါ့''ဟု စာရေးသူ၏ စကားမဆုံးမီတွင် သူငယ်ချင်းဖြစ်သူ က ရှင်းပြခြင်းဖြစ် သည်။
''အိမ်တိုင်တွေက ကွန်ကရစ်တိုင်တွေပဲလား''
''မဟုတ်ဘူး။ သစ်ရိုင်းတွေနဲ့ ဆောက်ထားတာဆိုတော့ တိုင်တွေ က ခြလိုက်ချင်နေပြီ။ ကြမ်းခင်းတွေကလည်း သစ်သားကြမ်းခင်းတွေ''
''အင်းပေါ့လေ၊ လွန်ခဲ့တဲ့ နှစ်ပေါင်း ၃ဝ ကျော်ခန့် က ဆောက်လုပ်ထားတယ်ဆိုတော့ သစ်သားခင်းတွေပဲ ဖြစ်မှာပေါ့''
''နောက်ဘက် ရေချိုးခန်း၊ ရေအိမ်ခန်းရှိတဲ့ အခြမ်းဘက်ဆိုရင် အပေါ်ကြမ်းခင်းကနေ ရေအမြဲ စိမ့်ကျနေတာ။ ကြမ်းခင်း ဘိလပ်မြေလည်း အမြဲကွာကျနေတာဆိုတော့ ပြိုများကျလာရင် ဒုက္ခပဲလို့ တွေးမိတယ်''
''ဘေးနံရံတွေကလည်း ရေ စိမ့်ပြီလား''
''ရေစိမ့်ကျနေရုံ မဟုတ်ဘူး။ မိုးတွင်းဆိုရင် ဘေးအုတ်နံရံတွေက ရေတွေစိမ့်ပြီး၊ ရေစီးကြောင်းတွေ စီးကျနေတာ''
''သူငယ်ချင်း ပြောပုံအရတော့ အဆောက်အအုံက အတော်လေး ဆွေးမြည့်နေတဲ့ သဘောဖြစ်နေတယ်''အချို့က အန္တရာယ်ရှိ အဆောက်အအုံအဖြစ် သတ်မှတ်နိုင်တဲ့ အခြေအနေရောက်နေပြီလို့ ပြောကြတယ်''
''ရန်ကုန်မြို့တော် စည်ပင်သာယာရေး နယ်နမိတ်အတွင်းရှိတဲ့ အဆောက်အအုံ ပြင်ဆင်ခွင့်နဲ့ ပတ်သက်လို့ ရန်ကုန်မြို့တော် စည် ပင်သာယာရေး ကော်မတီ အင်ဂျင်နီယာဌာန (အဆောက်အအုံ) ထံ လျှောက်ထားရတယ်''
''ပြင်ဆင်မယ့် အပိုင်းကို ပုံဆွဲ ပြီး တင်ပြရမှာလား''
''ဥပဒေအရဆိုရင် အ ဆောက်အအုံ ပြင်ဆင်ခြင်းနဲ့ ပတ်သက်လို့ သုံးမျိုးရှိတယ်။ ပထမအချက်က အသေးစားပြင်ဆင်ခွင့်၊ ဒုတိယပိုင်းက အကြီးစား ပြင်ဆင်ခွင့်၊ တတိယအခြေအနေကတော့ အဆောက်အအုံ တစ်ခုလုံးကို ဖြိုဖျက်ပြီး အသစ်ဆောက်လုပ်ခွင့်ဆိုပြီး ရှိတယ် သူငယ်ချင်း''
''အဆောက်အအုံ တစ်ခုလုံးကို ခိုင်ခန့်အောင် ပြန်ပြင်မယ်ဆိုရင်တော့ အသေးစား ပြင်ဆင်ခွင့်တော့ ရမယ်မထင်ဘူး''
''အသေးစားပြင်ဆင်ခွင့်မှာ တိုက်ခန်းရဲ့ ဝဲယာအုတ်နံရံကို ပလာစတာခွာပြီး ပြန်ချောမယ်၊ ဆေးသုတ်မယ်၊ ခေါင်းမိုးသွပ်လဲမယ်၊ တိုက်ခန်းအတွင်း အထပ်သားနဲ့ အခန်းဖွဲ့မယ်စတဲ့ အသေးစားကိစ္စတွေ ပြင်ဆင်မှုကို အသေးစား ပြင်ဆင်မှုလို့ သတ်မှတ်ထားတယ်။ အဆောက်အအုံတစ်ခုလုံးကို ပြင်ဆင်မယ်ဆိုရင်တော့ အကြီးစားပြင်ဆင်ခွင့်ကို လျှောက်ထားရတယ်''
''အန္တရာယ်ရှိ အဆောက်အအုံအဖြစ် သတ်မှတ်ပေးတာရှိတယ်လို့ ပြောကြသူတွေလည်းရှိတယ်။ အန္တရာယ်ရှိ အဆောက်အ အုံအဖြစ် သတ်မှတ်တဲ့ ကိစ္စက ဘယ်လိုဆိုတာ ရှင်းပြပါဦး''
''ရန်ကုန်မြို့တော် စည်ပင်သာယာရေးဥပဒေ ပုဒ်မ ၅၁ မှာ လူနေထိုင် အသုံးပြုရန် မသင့်လျော်သည့် အဆောက်အအုံ
ဖြစ်ပြီး အန္တရာယ်ဖြစ်စေနိုင်ပါက ဘေးအန္တရာယ်ရှိ အဆောက်အအုံ အဖြစ် သတ်မှတ်ခြင်း၊ ယင်း အဆောက်အအုံမှာ နေထိုင်အသုံးပြုသူများကို ဖယ်ရှားရန် ညွှန်ကြားခြင်း၊ အဆောက်အအုံအား ဖျက်သိမ်းခြင်း၊ အသစ်ပြန်လည်တည်ဆောက်ခြင်း ကိစ္စရပ်များကို ရန်ကုန်မြို့တော်စည်ပင်သာယာရေး ကော်မတီက
ဆောင်ရွက်နိုင်တယ် လို့ ပြဋ္ဌာန်းထားတယ်။ ဒါကြောင့် သက်ဆိုင်ရာ ရန်ကုန်မြို့တော် စည်ပင်သာယာရေး ကော်မတီ အင်ဂျင်နီယာဌာန (အဆောက်အ အုံ) က လာရောက် စစ်ဆေးပြီး လူနေရန် မသင့်လျော်တော့ဘဲ အန္တရာယ်ရှိနိုင်တဲ့ အဆောက်အအုံဖြစ်ရင် အန္တရာယ်ရှိ အဆောက် အအုံအဖြစ် သတ်မှတ်ပေးမှာ ဖြစ်တယ်''
''အန္တရာယ်ရှိ အဆောက်အအုံအဖြစ် သတ်မှတ်ပေးပေမယ့် နေထိုင်သူတွေက ဆင်းမပေးဘဲ နေနိုင်သမျှ ဆက်နေရင် ဘာဖြစ်နိုင်သလဲ''
''ပုဒ်မ ၅၂ မှာ ပုဒ်မ ၅၁ ပါ ပြဋ္ဌာန်းချက် တစ်ရပ်ရပ်ကို နေထိုင်သူတို့က လိုက်နာရန် ပျက် ကွက်လျှင် ပျက်ကွက်သူထံ မြို့တော်စည်ပင်သာယာရေးကော်မတီ ၏ ဖျက်သိမ်းဖယ်ရှားရှင်းလင်းရေး အဖွဲ့က ရက်ပေါင်း ၃ဝ အတွင်း ဖျက်သိမ်းရှင်းလင်းဖယ်ရှားပေးရန် အမိန့်ထုတ်ဆင့်နိုင်တယ်။ ထုတ်ဆင့်တဲ့ အမိန့်ကို လိုက်နာရန် ပျက်ကွက် ငြင်းဆိုရင် ဖျက်သိမ်း ရှင်းလင်းရေးအဖွဲ့က နေထိုင်အသုံးပြုသူ အပါအဝင် အဆောက်အအုံနဲ့ ပစ္စည်းများကို ဖျက်သိမ်းဖယ်ရှားနိုင်တယ်။
ဖျက်သိမ်းဖယ်ရှားခြင်းအောင်မြင်နိုင်ရန် အတွက် သက်ဆိုင်ရာတိုင်းဒေသကြီး အစိုးရအဖွဲ့ထံမှ လုံခြုံရေးနဲ့ အခြားအကူအညီတွေ တောင်းခံနိုင်တယ်လို့ ပြဋ္ဌာန်းထားတယ်''
''ပြင်ဆင်ဆောက်လုပ်ခွင့်ပြုတဲ့အခါမှာ အချိန်ကာလ သတ်မှတ်ပေးတာရှိသလား၊ သတ်မှတ်ထားတဲ့ စည်းကမ်းထက်ကျော်လွန် ဆောက်လုပ်တဲ့ ကိစ္စရပ်တွေ ရှိခဲ့ရင် ဘယ်လို အရေးယူတာတွေ ရှိသလဲ''
''ရန်ကုန်မြို့တော် စည်ပင်သာယာရေး ဥပဒေပုဒ်မ ၆၁ မှာ အဆောက်အအုံပြင်ဆင် ဆောက်လုပ်ခြင်းနဲ့ ပတ်သက်လို့ တားမြစ်ချက်တွေကို ပြဋ္ဌာန်းထားတယ်။ ခွင့်ပြုသတ်မှတ်ထားတဲ့ ပုံစံ အချက်အလက်များထက် ကျော်လွန်ပြီး ဆောင်ရွက်ပိုင်ခွင့် မရှိပါဘူး။ ဆောင်ရွက်ပါက ကျော်လွန် ဆောက်လုပ်ထားတဲ့အပိုင်းကို ပြန်လည်ဖျက်သိမ်းအရေးယူ ဆောင်ရွက်သွားမှာဖြစ်ပါတယ်။ ဒါ့အပြင် မည်သူမျှ လူနေထိုင်ခြင်းမပြုရန် တားမြစ်ချက် သင်္ကေတ အမှတ်အသား ရေးမှတ်ထားတဲ့ အဆောက်အအုံ၊ ဒါမှမဟုတ် အဆောက်အအုံရဲ့ တစ်စိတ်တစ်ဒေသအတွင်း ဝင်ရောက် နေထိုင်ခြင်းမပြုလုပ်ရလို့ တားမြစ်ထားပါတယ်။ တစ်ဆက်တည်းမှာပဲ ဖြိုဖျက်ထားတဲ့ အန္တရာယ်ရှိ အဆောက်အအုံတည်ရှိရာ မြေကွက်အတွင်းကိုလည်း ဝင်ရောက်နေထိုင်ခြင်း မပြုရလို့ တားမြစ်ထားပါတယ်''
''တားမြစ်ထားတဲ့ အချက်တွေကို မလိုက်နာရင် ဘယ်လို အရေးယူနိုင်သလဲ''
''သက်ဆိုင်ရာ စည်ပင်သာယာရေး ဌာနမှ ဥပဒေတားမြစ် ချက်တွေအပေါ် မလိုက်နာ ပျက်ကွက်သူအား တရားစွဲဆို အရေးယူ ဆောင်ရွက်သွားမှာ ဖြစ်ပါတယ်'' လို့ ဆွေးနွေးပေးလိုက်ပါသည်။
Credit : ထီယု (ဥပဒေအတိုင်ပင်ခံ)
