တစ်လောက ကျွန်မမိတ်ဆွေတစ်ယောက် သေတမ်းစာရေးဖို့ ကျွန်မကိုလာတိုင်ပင်ပါတယ်။ ကျွန်မမိတ်ဆွေဟာဗုဒ္ဓဘာသာကိုးကွယ်သူတစ်ဦးဖြစ်ပြီးကလေး(၅)ယောက် အဖေလည်းဖြစ်ပါတယ်။ သူမွေးထားတဲ့ သား / သမီး (၅) ယောက်အနက် အကြီးဆုံး သား (၃) ယောက်မှာ မိဘများနှင့် ခွဲနေသော အိမ်ထောင်သည်များဖြစ်ကြပြီး အငယ် (၂)ယောက်မှာအိမ်ထောင် မရှိသူ အရွယ်မရောက်သေးသောသမီး လေးများ ဖြစ်ကြပါတယ်။ ကျွန်မမိတ်ဆွေဟာ သူကွယ်လွန်ပြီးနောက်ပိုင်း ၎င်းရှာဖွေထားသောပစ္စည်းဥစ္စာများကို သားသမီး (၅) ယောက်လုံးကို မျှမျှတတ ခွဲပေးချင်တဲ့ ဆန္ဒ ရှိတဲ့ အတွက် သေတမ်းစာရေးချင်ကြောင်း ကျွန်မကိုလာတိုင်ပင်ပါတယ်။ ထို့ကြောင့် ကျွန်မတို့ ဗုဒ္ဓဘာသာမှာသေတမ်းစာရေးသားတယ်ဆိုတဲ့ အလေ့အထမရှိကြောင်းနှင့် အစ္စလာမ် ၊ ခရစ်ယာန်နှင့် ဗုဒ္ဓဘာသာဝင် မဟုတ်သူများသာသေတမ်းစာရေးသားနိုင်ကြောင်းမိတ်ဆွေကိုရှင်းပြခဲ့ပါတယ်။
ဗုဒ္ဓဘာသာဝင် တွေဟာတစ်ခြားဘာသာ ၀င်များ ကဲ့သို့မဟုတ်ဘဲ မိဘများသေဆုံးခဲ့ပါက ကျန်သားသမီးများက ကျန်ရစ်ခဲ့သော အမွေပစ္စည်းကိုညီတူညီမျှ ခွဲဝေယူနိုင်သည့် အခွင့်အရေးရှိပြီးအမွေပစ္စည်းနှင့်ပတ်သက်၍ အမွေဆက်ခံခွင့် ကိုဥပဒေနှင့်အညီ ပြဋ္ဌာန်းထားပါတယ်။ ဗုဒ္ဓဘာသာမှာသားကြီး သြရသ ဟာဖခင် သေဆုံးချိန်မှာ အရွယ်ရောက်သူ ဖြစ်ပါက မိခင်ထံမှာအမွေကိုဦးစွာတောင်းခံပိုင်ခွင့်ရရှိထားပြီး၊ ထို့အတူသမီးကြီး သြရသမှာလည်း ဖခင်သေဆုံးချိန်၌ အရွယ်ရောက်သူဖြစ်ပါ က ဖခင်ထံမှ အမွေကိုဦးစွာတောင်းခံပိုင်ခွင့် ရရှိထားပါတယ်။ သြရသ သားသမီးများ ဟာမိခင်(သို့မဟုတ်) ဖခင် ဖြစ်သူသေဆုံးချိန်၌ အရွယ်မရောက်သေးပါက ထိုအခွင့်အရေးကို ရရှိမည် မဟုတ်ဘဲအခြားသားသမီးများကဲ့သို့ မိဘနှစ်ပါးလုံးသေဆုံးပြီးချိန်၌သာအမွေကိုခံစားနိုင်မှာဖြစ်ပါတယ်။
ကျွန်မ မိတ်ဆွေခမျာ သူသေဆုံးပြီးနောက်ပိုင်းကျန်ရစ်ခဲ့မည့် အရွယ်မရောက်သေးသူ သမီးနှစ်ယောက် နှင့် အိမ်ထောင်သည် သား (၃) ယောက်တို့၏ အမွေပစ္စည်းခွဲယူမည့်အရေးကိုစိတ်မအေးနိုင် ဖြစ်နေရှာပါတယ်။ အဲဒါကြောင့် ကျွန်မမှ မိတ်ဆွေကိုအကြံဥာဏ်တစ်ခုပေးခဲ့ပါတယ်။ အဲဒါကတော့ သေတမ်းစာ ရေးသားခြင်း မပြုနိုင်သည့် ဗုဒ္ဓဘာသာဝင်များအတွက်မိသားစုတွင်းအမွေစီမံစာချုပ်ဖြစ်ပါတယ်။
ဗုဒ္ဓဘာသာ ၀င်များအနေနှင့် သားသမီး (၁) ယောက်တည်းအားအမွေများစုပုံပေး၍ မရသောကြောင့် ယင်းအမွေစီမံမှုစာချုပ်တွင် ပစ္စည်းအားလုံးကို လက်ရှိအသက်ရှင်လျက်ရှိသောဖခင်အတွက် ဝေစု (၁) ပုံထားပြီး ကျန်သားသမီး(၅)ယောက် အတွက်(၅)ပုံ၊ စုစုပေါင်း (၆)ပုံကိုရှင်းရှင်းလင်းလင်း ခွဲဝေရေးသားရပါမယ်။ ထိုအမွေပစ္စည်းများကို ဖခင်က သားသမီးများကိုလက်ရောက်ပေးအပ်နိုင်သကဲ့သို့ ထိန်းသိမ်းထားချင်သော ဆန္ဒရှိပါကလည်းထိန်းသိမ်း ထားနိုင်ပါသေးတယ်။
ဖခင် ကွယ်လွန်ပြီးနောက် ကျန်ရစ်ခဲ့သောဖခင်၏ဝေစု (၁)ပုံကိုသားသမီးများကအညီအမျှ ခွဲဝေယူနိုင်ပါတယ်။ မိသားစုအမွေစီမံမှုစာချုပ်ကိုတံဆိပ်ခေါင်းခွန် ၆၀၀ ကျပ် ထမ်းဆောင်ရမည်ဖြစ်ပြီး ယင်းအမွေစီမံမှုစာချုပ်ထဲ၌ ပါဝင်သူအားလုံး လက်မှတ်ရေးထိုးရမည်ဖြစ်ပြီးသက်သေ (၂) ယောက် ပါဝင်ရမည် ဖြစ်ကြောင်းတင်ပြလိုက်ရပါတယ်။
Credit: MPN
