ကိုယ်စားလှယ်လွှဲစာရသူနဲ့ တရားဝင် ကိုယ်စားလှယ်ဆိုတာ မတူဘူးလား။ ဘာကွာခြားချက်ရှိသလဲဟု မိတ်ဆွေတစ်ဦးက စာရေးသူထံ လာရောက် မေးမြန်းပါသည်။
''သာမန်အားဖြင့် ဖတ်ကြည့် လိုက်ရင်တော့ တူတယ်လို့ ထင်ကြတယ်။ ဥပဒေအရတော့ မတူဘူး။ ခြားနားမှုရှိတယ်''
''အချို့ကလည်း ကိုယ်စားလှယ် လွှဲစာရသူနဲ့ တရားဝင် ကိုယ်စားလှယ်ဆိုတာ တစ်ဦးတည်းပဲ၊ အခေါ်အဝေါ်မတူတာလို့ ပြောကြတယ်။ ဒါကြောင့် နည်းနည်းရှင်းပြပေးပါဦး''
''သူငယ်ချင်းအနေနဲ့ ဘာများ အခက်အခဲတွေ့နေလို့လဲ''
''ဒီလို သူငယ်ချင်း။ မြေတစ်ကွက်ဝယ်မယ်လို့ သွားကြည့်တော့ ပိုင်ရှင်က အမွေရထားတာလို့ ပြောတယ်။ ပိုင်ရှင်က ကွယ်လွန်သွားပြီဖြစ်လို့ သူ့ရဲ့ တရားဝင် ကိုယ်စားလှယ်က တာဝန်ယူရောင်းမှာဖြစ်တယ်။ စာချုပ်စာတမ်းချုပ်မယ်ဆိုရင် လည်း အဲဒီတရားဝင် ကိုယ်စားလှယ်နဲ့ပဲ ချုပ်ဆိုရမယ်လို့ ပြောပါတယ်။ ကိုယ်စားလှယ်လွှဲစာပေးထားလားဆို တော့လည်း မဟုတ်ဘူးလို့ ပြောတယ်။
အဲဒါ နားမရှင်းဘူးဖြစ်နေ တယ်။ ဘယ်လို ဆောင်ရွက်ရမယ် ဆိုတာ သိချင်လို့''
''ကိုယ်စားလှယ် Agent ဆိုတာနဲ့ ပတ်သက်လို့ ပဋိညာဉ်ဥပဒေပုဒ်မ ၁၈၂ မှာ ကိုယ်စားလှယ်ဆိုသည်မှာ မိမိကိုယ်စား ကိစ္စတစ်ရပ်ရပ်ကို ဆောင်ရွက်ရန် ခန့်ထားခံရသူလို့ အဓိပ္ပာယ်ဖွင့်ဆိုထားတယ်။ ကိုယ်စားလှယ်အဖြစ် လွှဲအပ်တဲ့အခါ ဥပဒေနဲ့အညီ ကိုယ်စားလှယ်လွှဲစာပြုလုပ် ခန့်ထားကြပါတယ်။ အချို့လည်း စာ ချုပ်စာတမ်းမှတ်ပုံတင်ရုံးမှာ ကိုယ် စားလှယ်လွှဲစာကို ပြုလုပ်ချုပ်ဆိုကြတာ ရှိပါတယ်''
''ကိုယ်စားလှယ် လွှဲအပ်သူ ကွယ်လွန်သွားရင် ကိုယ်စားလှယ်လွှဲစာ ပျက်ပြယ်သွားတယ်ဆိုတာ ဟုတ် ပါသလား''
''ဥပဒေအရတော့ ကိုယ်စားလှယ် လွှဲအပ်သူဖြစ်စေ ကိုယ်စားလှယ်အဖြစ် လက်ခံဆောင်ရွက်သူဖြစ်စေ တစ်ဦးဦးကွယ်လွန်သွားလျှင် ကိုယ်စားလှယ်စာလည်း ပျက်ပြယ် သွားတယ်လို့ဆိုပါတယ်။ လွယ်လွယ်ကူကူ မှတ်သားထားမယ်ဆိုရင်တော့ ကိုယ်စားလှယ် Agent ဆိုတာ မိမိသက်ရှိထင်ရှားရှိနေစဉ် ကိုယ်စားလှယ် လွှဲစာပြုလုပ်၍ ခန့်ထားခြင်းခံရ သူလို့ မှတ်သားထားနိုင်ပါတယ်''
''တရားဝင် ကိုယ်စားလှယ်ဆို တာက''
''အင်း-တရားဝင် ကိုယ်စားလှယ် ဆိုတာကတော့ ကိုယ်စားလှယ်စာနဲ့ မိမိကိုယ်စား လုပ်ပိုင်ခွင့် လွှဲအပ်ထားတာမဟုတ်ဘူး။ တရားရုံးက ဆုံးဖြတ်၍ လုပ်ပိုင်ခွင့်ရသူဖြစ်တယ်။ တစ်နည်းအားဖြင့် (Legal Representative) ဥပဒေအရ ကိုယ်စားပြုသူ ဖြစ်တယ်''
''အခု ရောင်းမယ်ဆိုတဲ့ မြေကွက်နဲ့ ပတ်သက်လို့ တရားရုံးရဲ့ အမိန့်မှာ ကွယ်လွန်သူ မိခင်ရဲ့ တရားဝင် ကိုယ်စားလှယ်လို့ ရောင်း မယ့် သူရဲ့ အမည်ကို ဖော်ပြထားတယ်''
''မှန်ပါတယ်။ တရားဝင်ကိုယ် စားလှယ်ဆိုတာ တရားရုံးတွင် စစ်ဆေးနေဆဲ တရားမမှုမှာ အမှုသည်တစ်ဦးဦး ကွယ်လွန်သွားရင် သူ့နေရာကို ထိုသူ၏ အမွေဆက်ခံသူ အား လုံးက တရားဝင် ကိုယ်စားလှယ်အ ဖြစ် ဝင်ရောက်လာတာပဲ ဖြစ်တယ်''
''အခု မြေကွက်အမှုမှာ ကွယ်လွန်သူရဲ့ တရားဝင်ကိုယ်စားလှယ်အဖြစ် သားနဲ့သမီး ဖြစ်သူနှစ်ယောက် ထည့်ထားပါတယ်''
''ဒါဆိုရင်တော့ ရှင်းပါတယ်။ မိခင်ရပိုင်ခွင့်ရှိတဲ့ အမွေပစ္စည်းကို မိခင်ရဲ့ အမွေဆက်ခံသူ သားနဲ့ သမီးက တရားဝင်ကိုယ်စားလှယ်အဖြစ် ရပိုင်ခွင့် ရှိသွားမှာဖြစ်တယ်''
''ဒါဆိုရင် တရားဝင် ကိုယ်စားလှယ် သားနဲ့ သမီးထံမှ ဝယ်ရင်ဖြစ်ပြီပေါ့''
''မှန်ပါတယ်၊ မူလပိုင်ရှင်ရဲ့ အမွေစားအမွေခံသားသမီးများဖြစ်ပြီး ဥပဒေနဲ့အညီ ကွယ်လွန်သူရဲ့ (Legal Representative) တရားဝင် ကိုယ်စားလှယ်လည်းဖြစ်လို့ သူတို့ မောင်နှမနဲ့ပဲ အရောင်းအဝယ် မှတ်ပုံတင်စာချုပ် ချုပ်ဆိုနိုင်မှာဖြစ် တယ်''
''ဒါကြောင့် အိမ်မြေအရောင်းအဝယ် ကတိစာချုပ်တွေမှာ ရောင်းသူ၊ ဝယ်သူဆိုရာ၌ ၄င်းတို့၏ အမွေဆက်ခံသူများ၊ ကိုယ်စားလှယ်လွှဲစာရသူများ၊ တရားဝင်ကိုယ်စားလှယ် များ ပါဝင်သည်လို့ ဖော်ပြထားတာကိုး''
''မှန်ပါတယ်။ သူငယ်ချင်း''
''အစကတော့ နှစ်ခါထပ်ရေး ထားတယ်လုိ့ ထင်မိတာ၊ သူငယ်ချင်းပြောမှပဲ ရှင်းတော့တယ်''
''နောက်တစ်ခုရှိသေးတာက ကိုယ်စားလှယ်လွှဲစာကို ပေးအပ်သူက အချိန်မရွေး ရုပ်သိမ်းခွင့်ရှိတယ်။ လုပ်ပိုင်ခွင့်ပေးထားသည်ထက် ကျော်လွန်ပြီးလုပ်ကိုင်ခဲ့ရင်လည်း တရား မဝင် ဆောင်ရွက်ချက်ဖြစ်ပြီး တရားစွဲ အရေးယူရနိုင်ပါတယ်''
''တရားဝင်ကိုယ်စားလှယ်ကတော့ မိမိအသက်ရှင်နေသရွေ့ ဆောင်ရွက်ပိုင်ခွင့် ရှိတယ်ပေါ့''
''ဟုတ်ပါတယ်။ ကွယ်လွန်သွားသူ ပစ္စည်းပိုင်ရှင်ရဲ့ ဥပဒေနဲ့အညီ အမွေဆက်ခံခွင့်ရှိသူတွေဖြစ်လို့ မိမိအသက်ရှင်နေသရွေ့ ခံစားခွင့် လုပ်ပိုင်ခွင့်တွေရှိမှာ ဖြစ်ပါတယ်''
''အချို့က ကွယ်လွန်သူရဲ့ တရားဝင် ကိုယ်စားလှယ်အဖြစ် ဆောင်ရွက်ခွင့်ပြုဖို့ တရားရုံးမှာ ပြိုင် လျှောက်ကြတာတွေရှိတယ်လို့ ကြားဖူးတယ်''
''မှန်ပါတယ်။ တစ်ခါတစ်ရံမှာ အမှုအနေအထားအရ ကွယ်လွန်သူမှာ သားသမီးအရင်းတွေ မကျန်ရစ်ခဲ့တဲ့ ကိစ္စရပ်များလည်း ရှိတတ်ပါတယ်။ ဥပမာ ပြောရရင် ကိတ္တိမမွေးစား သားသမီးနဲ့ ကွယ်လွန်သူရဲ့ ညီအစ်ကို မောင်နှမတွေ ပြိုင်ဆိုင် လျှောက်ထားတာတွေရှိတတ်ပါတယ်''
''ကွယ်လွန်သူက လူပျိုကြီး အပျိုကြီးတွေဖြစ်ရင် ဘယ်လိုဖြစ်နိုင်သလဲ''
''ကွယ်လွန်သူက အကြီးဆုံး သားသမီးဖြစ်ရင်တော့ ပြဿနာမရှိဘူး။ ကွယ်လွန်သူရဲ့အောက် မောင်နှမအားလုံးက တရားဝင် ကိုယ်စား လှယ်ဖြစ်လာမှာဖြစ်တယ်။ တကယ်လို့ ကွယ်လွန်သူဟာ မောင်နှမထဲမှာ တတိယအမှတ်စဉ်ဖြစ်ရင်တော့ သူ့အထက်က မောင်နှမတွေက တရား ဝင်ကိုယ်စားလှယ်ဖြစ်ခွင့်မရှိဘဲ အမွေဆက်ခံခွင့်ရှိတဲ့ ကွယ်လွန်သူအောက် မောင်နှမများသာ ကွယ်လွန်သူ၏ အမွေရခွင့်ရှိပြီး ကွယ်လွန်သူ၏ တရားဝင်ကိုယ်စားလှယ်များဖြစ်တယ်''
''တိုတိုရှင်းရှင်း မှတ်သားရမယ် ဆိုရင်တော့ ကိုယ်စားလှယ်စာရသူ ဆိုတာ ကိုယ်စားလှယ်ပေးသူ သက်ရှိထင်ရှားရှိချိန်မှာ ပေးထားတဲ့ ကိုယ် စားလှယ်စာရထားသူဖြစ်ပြီး တရားဝင် ကိုယ်စားလှယ်ဆိုတာ တရားရုံးရှိ စစ်ဆေးဆဲ တရားမမှုမှာ ကွယ်လွန်သူ အမှုသည်ကိုယ်စား အမွေဆက်ခံသူများကို တရားဝင်ကိုယ်စား လှယ်အဖြစ် သတ်မှတ်ပေးတာပဲ မဟုတ်လား''
''မှန်ပါတယ်။ ပစ္စည်းပိုင်ရှင် အသက်ထင်ရှားရှိစဉ် လွှဲပြောင်းပေးတာက ကိုယ်စားလှယ်စာဖြစ်ပြီး ပစ္စည်းပိုင်ရှင် ကွယ်လွန်မှ အမွေဆက်ခံခွင့်ရှိသူဟာ တရားဝင်ကိုယ် စားလှယ်ဖြစ်တယ်လို့ သက်ရှိထင်ရှားရှိခြင်း၊ ကွယ်လွန်ခြင်းဆိုတဲ့ ကွာခြားချက်ပေါ် မူတည်ပြီး မှတ်ထားလိုက်ရင် မမှားတော့ဘူးပေါ့''ဟု ရှင်းပြ ဆွေးနွေးလိုက်ပါသည်။
Credit: ထီယု (ဥပဒေအတိုင်ပင်ခံ)
