နိုင်ငံအတော်များများကို ခရီးသွားခဲ့တယ်။ အောင်မြင်မှုဆိုတာကို သတိမရခဲ့မိဖူးဘူး။ ဒါပေမဲ့ အတိုင်းအတာ တစ်ခုအထိ အောင်မြင် နေတာ သိလိုက်ရတယ်။ ကမ္ဘာတစ်ဝန်းမှာရှိသမျှ အောင်မြင်နေသူအားလုံးကို တူရာတူရာ ခွဲခြားကြည့်လိုက်မယ်ဆိုရင် ထင်ရှားတဲ့ လက္ခဏာရယ်လို့ ၁၀ မျိုးလောက်ပဲ ရှိမယ်။
ကျွန်တော် အချိန်ဖြုန်းနေလို့ ရခဲ့ပေမဲ့ မယုံနိုင်လောက်အောင်ကို ကြွယ်ဝချမ်းသာနေကြတဲ့ ပုဂ္ဂိုလ်ကြီးတွေဆီကနေ တစ်လ တစ်လ ဝင်ငွေတွေတိုးများလာအောင် ဘယ်လိုလုပ်ရမယ်ဆိုတာ သင်ယူခဲ့တယ်။ ဒါတွေကို အားလုံးလည်း သိထားနိုင်အောင် ပြန်မျှဝေ ပေးချင်ပါတယ်။ ဒီအချက်တွေကို သင်တို့ရဲ့ ကိုယ်ပိုင် ဉာဉ်လေးတစ်ခု ဖြစ်ဘာအောင် ဖန်တီးနိုင်မယ်ဆိုရင် သိပ်ကို အကျိုးရှိစေမှာ အမှန်ပါပဲ။
၁။ ကြောက်စိတ်ကင်းကြတယ်
အောင်မြင်ချင်ရင် ကြောက်စိတ်ကင်းရမယ်။ ကြောက်စိတ်ကြီးစိုးမှုကြောင့် စိုးရိမ်မှုတွေမြင်တက်လာမယ်ဆိုရင် ဘယ်လို အဟန့် အတား၊ အခက်အခဲမျိုးကိုမဆို ရင်ဆိုင်ရဲမှာမဟုတ်တော့ဘူ။ ဒီလိုဖြစ်နေမယ်ဆိုရင် အောင်မြင်မှု ကမ္ဘာဆီကို ရောက်ဖို့အတွက် ဘယ်တံခါးရွက်ကိုမှ ဖွင့်ထွက်နိုင်မှာမဟုတ်တော့ဘူး။ ဒါကြောင့် ကြောက်စိတ်မရှိ ရဲဝံ့တဲ့သတ္တိနဲ့ ရင်ဆိုင်ရဲခြင်းက အောင်မြင်မှုရဲ့ သော့တစ်လက်ပဲ။
၂။ ရည်မှန်းချက်ကြီးကြတယ်
ဘယ်အရာမဆို၊ ဘာကိုပဲလုပ်လုပ် ရည်မှန်းချက်မရှိရင် မအောင်မြင်နိုင်ဘူး။ မဖြစ်ထွန်းနိုင်ဘူး။ ဒါကြောင့် ကိုယ်ဘာကိုပဲလုပ်လုပ်၊ ဘယ်လိုအခြေအနေမျိုးမှာပဲ ဖြစ်နေဖြစ်နေ ကိုယ့်ရဲ့လုပ်ဆောင်မှုတွေပေါ်မှာ ရည်မှန်းချက် ကြီးကြီးမားမားထားပေးဖို့လိုတယ်။ ဒါမှလည်း လမ်းမှ တွေ့ကြုံလာရမယ့် အခက်အခဲ၊ ဒုက္ခပြဿနာတွေကို အောင်အောင်မြင်မြင်နဲ့ ကျော်လွှားသွားနိုင်မှာ ဖြစ်ပါတယ်။
၃။ နည်းပြတစ်ယောက်ထားတယ်
အားကစားသမားတွေကိုပဲ ကြည့်ပါ။ နည်းပြတစ်ယောက်နဲ့ လေ့ကျင့်ဖို့ အခွင့်အရေးကြုံလာတဲ့အခါ ဘယ်အားကစားသမားမှ ဒီလို အခွင့်အရေးမျိုးကို အကြောင်းမဲ့ လက်လွှတ်ခံလိုက်တယ်ဆိုတာ မရှိပါဘူး။ ဒါဘာကြောင့်လဲဆိုရင် နည်းပြနဲ့ လေ့ကျင့်ကြတဲ့အခါ သူတို့ကိုယ်ပိုင်ရွေးချယ်ခွင့်ဆိုတာ မရှိသလောက်ပဲ။ ဒါက ဦးစားပေးပြီးလုပ်ကိုလုပ်ရမယ့် လိုအပ်ချက်တစ်ခုဖြစ်ပါတယ်။
ဘာလို့လဲဆိုရင် သူတို့ရောက်ရှိနေတဲ့နေရာနဲ့ သူတို့ရောက်ချင်တဲ့နေရာအကြားမှာ အကြီးမာဆုံး ကွဲပြားခြားနား မှုတွေ ရှိတယ်။ ကိုယ်ဘယ်လောက်ပဲ တော်နေ ပါစေ။ ကိုယ့်ထက်တော်တဲ့သူဆိုတာ ရှိစမြဲပဲ။ ကိုယ်တော်တဲ့ အပိုင်းမှာ သာနေတာလည်း ဖြစ်ချင် ဖြစ်မယ်။ ကိုမသိတဲ့အပိုင်းမှာလည်း ဖြစ်ချင်ဖြစ်နေမယ်။ ဘာပဲဖြစ်ဖြစ် ဒါဟာ ပေါင်းစပ်ဖန်တီးပေးမှုတစ်ခုပဲ။
၎။ စိတ်ပိုင်းဆိုင်ရာအရရော၊ ရုပ်ပိုင်းဆိုင်ရာအရပါ အရှုပ်ထုပ်တွေကို ရှင်းပစ်တယ်
သာယာအောင်မြင်တဲ့ ဘဝတစ်ခုကို ပိုင်ဆိုင်ချင်တယ်ဆိုရင်တော့၊ ဒါမှဟုတ် ဘဝခရီးလမ်းကို အဆင်ပြေပြေနဲ့ လျှောက်လှမ်း ချင်တယ်ဆိုရင်တော့ စိတ်အနှောက်အယှက် ဖြစ်စရာမှန်သမျှကို တစ်နည်းနည်းနဲ့ ရှင်းထုတ်နိုင်ရ မယ်။ စိတ်အနှောက်အယှက် ဖြစ်စရာတစ်ခုနဲ့ ကြုံဆုံရင်ဆိုင်လာရပြီဆိုရင် အဲဒီအမှိုက်တွေက ကိုယ့်ရဲ့ အလားအလာ ကောင်းနေတာတွေကိုလည်း နင်းခြေ ပစ်နိုင်တယ်။ တိုးတက်မှုကို ကန့်သတ်ချုပ်ထိန်းပစ်နိုင် တယ်။ အောင်မြင်မှုကို အကြီးအကျယ် ထိခိုက်ပျက်စီးဆုံးရှုံးသွားစေနိုင်တယ်။
၅။ အရာတစ်ခုပေါ်မှာပဲ ဆရာတစ်ဆူဖြစ်ပြီး အခြားအရာတွေပေါ်မှာ တီးမိခေါက်မိရုံလောက်ပဲ လေ့လာတယ်
အောင်မြင်သူတွေဟာ သူတို့ဘဝရဲ့ အသက်သွေးကြောဖြစ်တဲ့ အရာတစ်ခုပေါ်မှာပဲ ဆရာတစ်ဆူဖြစ်အောင် လုပ်ဆောင်ကြတယ်။ အဲဒီအရာကိုပဲ ဦးစားပေးကြတယ်။ အဲဒီအရာကသာ သူတို့အတွက် metric တစ်ခုပဲ။ အဲဒီအရာကို ကိုယ်စွမ်းဉာဏ်စွမ်းတွေနဲ့ တိုးတက် လာအောင် ကြံဆောင်ကြပြီး အဲဒီအရာတွေကသာ သူတို့ဘဝရဲ့ အားကိုးရာတစ်ခုလို သဘောထားပြီး လုပ်ဆောင်ကြတယ်။ သူတို့ တွေဟာ ဘယ်တော့မှ အရေးအကြီးဆုံးမဟုတ်တဲ့ အခြားအရာတွေနဲ့ အများကြီးလျှောက်လုပ်မနေတတ်ကြဘူး။ ဒါဟာလည်း အောင်မြင်မှုရဲ့ သော့ချက်တစ်ခုပဲ။
Credit: Lifehack
