ယခုနှစ်အတွင်း မြန်မာနိုင်ငံသို့ နိုင်ငံခြားခရီးသွား ၂ ဒသမ ၀၁ သန်း
ဝင်ရောက်ခဲ့တယ်လို့ ဟိုတယ်နှင့် ခရီးသွားလာရေးဝန်ကြီးဌာန၊
ပြည်ထောင်စုဝန်ကြီး ဦးအုန်းမောင်က ပြောကြားခဲ့ပါတယ်။
သြဂုတ် ၁၄ ရက်က ကျင်းပတဲ့ အမျိုးသားခရီးသွားလုပ်ငန်း
ဖွံ့ဖြိုးတိုးတက်ရေး ဗဟိုကော်မတီရဲ့ ခရီးသွား လုပ်ငန်း
ဖွံ့ဖြိုးတိုးတက်ရေးလုပ်ငန်းများ အကောင်အထည်ဖော်ဆောင်ရွက်ရေး
လုပ်ငန်း ညှိနှိုင်း အစည်းအဝေးမှာ ပြည်ထောင်စုဝန်ကြီးက
ပြောကြားခဲ့ခြင်းဖြစ်ပါတယ်။
၂၀၁၇၊ ဇန်န၀ါရီမှ ဇူလိုင်လကုန်အထိ ခရီးသွားဧည့်သည်
၂သန်းကျော် ၀င်ရောက်ခဲ့ပြီးဖြစ်ရာ ယခင်နှစ်ကာလ တူထက်
ခရီးသွားဝင်ရောက်မှုနှုန်း ၂၂ ရာခိုင်နှုန်း တိုးတက်ခဲ့ပါတယ်။
မြန်မာနိုင်ငံအနေနဲ့ ၂၀၁၂ မှစတင်ကာ နိုင်ငံခြားခရီးသွား
လာရောက်လည်ပတ်မှုနှုန်းတိုးတက်လာခဲ့ပြီး ၂၀၁၂ မှာ
ခရီးသွား ၁ သန်းကျော်၊ ၂၀၁၃ မှာ ခရီးသွား ၂ သန်းကျော်၊
၂၀၁၄ မှာ့ ခရီးသွား ၃ သန်းကျော်၊ ၂၀၁၅ မှာ ခရီးသွား
၎ သန်းကျော် ၀င်ရောက်ခဲ့ပါတယ်။
၂၀၁၆ မှာတော့ နိုင်ငံခြားခရီးသွား ၂ ဒသမ ၉ သန်းသာ
ဝင်ရောက်ခဲ့ပြီး ယခင်နှစ်များကထက် ခရီးသွား လျော့ကျခဲ့ပါတယ်။
အာဆီယံနိုင်ငံများနဲ့ နှိုင်းယှဉ်ပါက မြန်မာနိုင်ငံရဲ့ ခရီးသွား
ဝင်ရောက်မှုနှုန်းမှာ လျော့နှုန်းလျက်ရှိသေးပြီး အဆင့် ၉ နေရာမှာသာ
ရပ်တည်နိုင်လျက်ရှိပါတယ်။
မြန်မာနိုင်ငံဈေးကွက်မြှင့်တင်ရေး ကော်မတီဥက္ကဌဒေါ်မေမြတ်
မွန်ဝင်းက အိမ်နီးချင်းနိုင်ငံခရီးသွားဈေးကွက်မှာ တစ်နှစ်တာ
ပတ်လုံး ခရီးသွားများသွားလာလည်ပတ်လျက်ရှိနေပြီး
မြန်မာနိုင်ငံမှာမူ အောက်တိုဘာမှ မတ် အထိသာ
ခရီးသွားများ သွားလာလည်ပတ်မှုများပြားလျက်ရှိနေခြင်းကြောင့်
တစ်နှစ်တာပတ်လုံး ခရီးသွားလာရေးအတွက်
ဆွဲဆောင်နိုင်ပါက ဈေးကွက်အခွင့်အလမ်းတစ်ခုဖြစ်တယ်လို့
သုံးသပ်ပြောကြား ထားပါတယ်။
ဟိုတယ်နှင့်ခရီးသွားလာရေးဝန်ကြီးဌာနမှ ခရီးသွား
လုပ်ငန်းဖွံ့ဖြိုးရေးအတွက် သဘာဝအခြေခံခရီးသွား
လုပ်ငန်း၊ အဏ္ဍ၀ါအခြေပြုခရီးသွားလုပ်ငန်း၊
ရပ်ရွာအခြေပြုခရီးသွားလုပ်ငန်းများနဲ့ ဆွဲဆောာင်ဖို့
ရည်မှန်းထားတယ်လို့ ၀န်ကြီးဌာနမှ တာဝန်ရှိသူများက
ထုတ်ဖော်ပြောကြားထားပါတယ်။
Credit: SFJ Strategy First
