မွန်ပြည်နယ်အတွင်းရှိ လုပ်ငန်းရှင်များ အတိုးနှုန်းသက်သာစွာနှင့်
ပြည်တွင်း၊ ပြည်ပချေးငွေရရှိရေး စီစဉ်လျှက်ရှိကြောင်း ပြည်ထောင်စု စီမံကိန်းနှင့်ဘဏ္ဍာရေးဝန်ကြီးဌာန ဒုတိယ ဝန်ကြီးဦးမောင်မောင်ဝင်း(ငွေကြေးရရှိစေ နိုင်မှုဆိုင်ရာ ကော်မတီဥက္ကဌ)
မှ သြဂုတ်လ(၁၂)ရက်နေ့ မော်လမြိုင်မြို့တွင် ပြုလုပ်သည့် ငွေကြေးရရှိစေနိုင်မှုဆိုင်ရာကိစ္စရပ်များ ညှိနှိုင်းဆွေးနွေးပွဲတွင် ပြောကြားလိုက်သည်။
“လုပ်ငန်းရှင်တွေ အတိုးနှုန်းသက်သက်သာနဲ့ နှစ်ရှည်ချေးငွေရရှိရေး၊ အပေါင်ပစ္စည်းထားရှိမှု ဒါတွေကို အဓိက ဆွေးနွေးမယ် ချေးငွေရဖို့အတွက် လုပ်ငန်းရှင်တွေအနေနဲ့ အခက်ခဲအများကြီးရှိတာ ကျွန်တော်တို့သိတယ်။ ဒါကြောင့် ကျွန်တော်တို့ အခြေနေမှန်ကို ထဲထဲဝင်ဝင်သိဖို့ တိုင်းနဲ့ပြည်နယ်အသီးသီးက လုပ်ငန်းရှင်တွေနဲ့ တွေ့ဆုံဆွေးနွေးခြင်းဖြစ်တယ်။”ဟု ပြည်ထောင်စု စီမံကိန်းနှင့်ဘဏ္ဍာရေးဝန်ကြီးဌာန ဒုတိယ ဝန်ကြီး (ငွေကြေးရရှိစေနိုင်မှုဆိုင်ရာ ကော်မတီဥက္ကဌ)
ဦးမောင်မောင်ဝင်းက ပြောသည်။
နိုင်ငံတော်အနေဖြင့် စီးပွားရေးလုပ်ငန်းများဖွံ့ဖြိုးတိုးတက်စေရန် ပုဂ္ဂလိကကဏ္ဍ ဖွံ့ဖြိုးရေးကော်မတီဖွဲ့စည်း ထားပြီး ဆပ်ကော်မတီ(၅)ရပ်ဖွဲ့စည်းထားရာ ယင်းကော်မတီများတွင် ငွေကြေးရရှိစေနိုင်မှုဆိုင်ရာ လုပ်ငန်းကော်မတီ ပါဝင်ကြောင်း ၎င်းကော်မတီအနေဖြင့် လုပ်ငန်းရှင်များအတွက် အတိုးနှုန်းသက်သာစွာဖြင့် ချေးငွေရရှိစေရေး၊ အပေါင်ပစ္စည်းမရှိသော်
လည်း ဘဏ်ချေးငွေရရှိရေး၊ ပြည်တွင်းသာမက ပြည်ပနိုင်ငံများမှ ချေးငွေ
ရရှိရေးတို့ကို ဆောင်ရွက်လျက်ရှိကြောင်း သိရသည်။
ဆွေးနွေးပွဲကို မွန်ပြည်နယ် ကုန်သည်စက်မှုလက်မှလုပ်ငန်းရှင်များအသင်းမှ ဦးဆောင်ကျင်းပခြင်းဖြစ်ပြီး မွန်ပြည်နယ်အတွင်းရှိ အသေးစား၊ အလတ်စားလုပ်ငန်းရှင်များ၊ မွန်ပြည်နယ် ကုန်သည် စက်မှုလက်မှုလုပ်ငန်းရှင်များအသင်းမှ ကိုယ်စားလှယ်များ၊ မွန်ပြည်နယ်ရာဘာစိုက်ပျိုးထုတ်လုပ်သူများအသင်း ကိုယ်စားလှယ်များ၊ ညီနောင်အသင်းအသီးသီးရှိ ကိုယ်စားလှယ်များ တက်ရောက်ခဲ့သည်။
တက်ရောက်လာသူများအနေဖြင့် ၎င်းတို့လက်ရှိ ရင်ဆိုင်ကြုံတွေ့နေရ
သည့် အခက်ခဲများကို တင်ပြခဲ့ပြီး ၎င်းတို့လုပ်ငန်းအတွက်ငွေကြေးရရှိမှုဆိုင်ရာလိုအပ်ချက်များ၊ အပေါင်ပစ္စည်းထားရှိမှု၊အပေါင်ပစ္စည်းမရှိသူများအတွက်
ချးငွေရရှိစေရေး၊ ချေငွေရရှိပါက အတိုးနှုန်း သက်သက်သာသာရရှိရေး
တို့ကို တင်ပြခဲ့သည်။
နိုင်ငံတော်အနေဖြင့် လက်ရှိကာလတွင် လယ်ယာကဏ္ဍဖွံ့ဖြိုးတိုးတက်စေရန်အတွက် တောင်သူများကို ချေးငွေများထုတ်ပေးလျှက်ရှိရာ နောက်ပိုင်းတွင် စိုက်ပျိုးရေးကဏ္ဍသာမကဘဲ မွေးမြူရေးကဏ္ဍ၊ သစ်သီးဝလံစိုက်ပျိုးသူများ၊ မွန်ပြည်နယ်သည် ရာဘာအဓိကစိုက်ပျိုးသည့် ပြည်နယ်တစ်ခုဖြစ်ရာ ရာဘာကဏ္ဍ ဖွံ့ဖြိုးတိုးတက်ရေးအတွက်ရာဘာလုပ်ငန်းနှင့် သက်ဆိုင်သူများကိုလည်း အတိုးနှုန်းသက်သာစွာဖြင့် ချေးငွေများ ထုတ်ချေးပေးသွားမည့် အစီစဉ်များရှိကြောင်း ဆွေးနွေးပွဲတွင် ဒုတိယဝန်ကြီးက ပြောသည်။
ငွေကြေးရရှိစေနိုင်မှုဆိုင်ရာ ကော်မတီအနေဖြင့် ယခုကဲ့သို့ တွေ့ဆုံဆွေးနွေးပွဲကို မန္တလေး၊ ပဲခူးတိုင်းဒေသကြီးတို့တွင် ကျင်းပပြုလုပ်ခဲ့ပြီးဖြစ်ရာ မွန်ပြည်နယ်သို့လာရောက်ခြင်းသည် တတိယ အကြိမ်လာရောက်ခြင်းဖြစ်ကြောင်း နောက်ပိုင်းတွင် ကျန်ရှိသည့်ပြည်နယ်နှင့် တိုင်းဒေသကြီးအသီးသီးသို့ သွားရောက်မည်ဖြစ်ကြောင်း သိရသည်။
Credit: Theyangontimes
