အမေရိကန်ပြည်ထောင်စု၊ လော့စ်အိန်ဂျလိတွင် နေအိမ်ခန်းငှားရမ်းခများ ၅ ရာခိုင်နှုန်းခန့် ထပ်မံမြင့်တက်သွားရာ လူပေါင်း ၂၀၀၀ ကျော် အိမ်ယာမဲ့ဖြစ်လာကြဖွယ်ရှိကြောင်း လေ့လာချက်တစ်ရပ်တွင် ဖော်ပြသည်ဟု လော့စ်အိန်ဂျလိအခြေစိုက် သတင်းဝက်ဘ်ဆိုက် တစ်ခုတွင် ဖော်ပြသည်။
အဆိုပါလေ့လာမှုကို အိမ်ခြံမြေအတိုင်ပင်ခံအဖွဲ့ Zillow မှ ပြုလုပ်ခဲ့ခြင်းဖြစ်ပြီး အမေရိကန်ပြည်ထောင်စုရှိ လူနေအထူထပ်ဆုံးဒေသ ၂၅ နေရာတွင် သန်းခေါင်စာရင်းအချက်အလက်များနှင့် အိမ်ရာမဲ့ဦးရေတို့အပေါ် အခြေခံထားသည်။
အိမ်ငှားခဈေးမြင့်တက်မှုက အိမ်ရာမဲ့ဦးရေတိုးပွားစေကြောင်း ယခုသုတေသနက ဖော်ပြပြီး အထူးသဖြင့် လော့စ်အိန်ဂျလိကဲ့သို့ အငှားနေအိမ်ရှားပါးသော မြို့ ကြီးများတွင် ဖြစ်သည်။
ယခုလေ့လာချက်တွင် Zillow ၏ ကိုယ်ပိုင်အချက်အလက်များလည်း ပူးပေါင်းကာ အဖြေထုတ်ခဲ့ခြင်းဖြစ်သည်ဟုဆိုသည်။
Zillow ၏လေ့လာချက်အရ ယခုနှစ် ဇန်နဝါရီတွင် လော့စ်အိန်ဂျလိ၏ အိမ်ရာမဲ့ဦးရေမှာ ၆၁၀၀၀ ကျော်ရှိပြီး ဒေသတွင်းအာဏာပိုင်တို့၏ အဆိုပါကာလထုတ်ပြန်ချက်မှာ၅၈၀၀၀ ဦးဟု ဆိုရာ အိမ်ရာမဲ့တို့ကို အသေအချာရေတွက်မှု အားနည်းနေကြောင်းညွှန်ပြသည်။
အိမ်ရာမဲ့ဖြစ်ရခြင်းအကြောင်းရပ်များဆိုင်ရာ သုတေသီတစ်ဦးဖြစ်သူ ပင်ဆယ်လ်ဗေးနီးယားတက္ကသိုလ်မှ ပါမောက္ခ ဒင်းနစ် ပီ-ကာလ်ဟိန်းက ပြောကြားရာတွင် အိမ်ယာမဲ့ဖြစ်ရမှုအပေါ် အိမ်ငှားခမြင့်တက်မှု၏ အကျိုးသက်ရောက်မှုဆိုင်ရာ အစောပိုင်း သုံးသပ်ချက် များထက် Zillow ၏ လေ့လာချက်များက ပိုမိုကောင်းမွန်ကြောင်း ပြောကြားသည်။
“ဒါက အကောင်းဆုံးလေ့လာချက်လို့ ကျွန်တော်သုံးသပ်ပါတယ်။ Zillow လိုမျိုး အိမ်ငှားဈေးကွက် အချက်အလက်တွေကို ထဲထဲဝင်ဝင်ရှာဖွေခဲ့တာမျိုးနည်းပါးတယ်” ဟု ကာလ်ဟိန်းက သုံးသပ်ချက်ပေးသည်။
လော့စ်အိန်ဂျလိတွင် နေအိမ်ငှားရမ်းရန်ရှိသည့် ပမာဏမှာ ပျှမ်းမျှအားဖြင့် ၂ ဒသမ ၆ ရာခိုင်နှုန်းသာရှိပြီး နယူးယောက်နှင့် ဆန်ဖရန်စစ္စကို မြို့ ကြီးများအောက် နည်းပါးလျက်ရှိသည်။
ဟပ်စတန်နှင့် တမ်ပါကဲ့သို့ နေအိမ်ငှားရမ်းရန်လစ်လပ်မှု မြင့်မားသော မြို့ ကြီးများတွင်မှု အိမ်ငှားခမြင့်မားမှုနှင့် အိမ်ယာမဲ့ဖြစ်မှု ဆက်သွယ်ချက် အားနည်းသည်ကို တွေ့ရသည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
