ကမ္ဘာကျော် ဆိုရှယ်ကွန်ရက် တစ်ခုဖြစ်သည့် Facebook ကို ထူထောင်သူ မာ့ခ် ဇပ်ကာဘတ်သည် ဟားဗတ်တက္ကသိုလ် ဘွဲ့နှင်းသဘင် အခမ်းအနားတွင် စကားပြောခွင့် ရခဲ့သည်။ သူ့ကို အကြံပြုစကား ပြောကြားပေးပါရန် ဘီလ်ဂိတ်စ်က မေတ္တာ ရပ်ခံခဲ့သည်။ ဇပ်ကာဘတ်က ဘီလ်ဂိတ်စ်ကို
“သူတို့ ကျွန်တော်တို့ တကယ်ပဲ ဘွဲ့မရခဲ့ဘူးဆိုတာ သိကြသလား”ဟု မေးလိုက်သည်။ ဂိတ်စ်က -
“မင်းမေးတာ ကောင်းလိုက်တာကွာ။ ဒါပေမဲ့ မင်းကို သူတို့ ဘွဲ့တစ်ခု အပ်နှင်းပြီးသားပါ”ဟု ပြန်ပြောလိုက်သည်။
ဇပ်ကာဘတ်ရော ဘီလ်ဂိတ်စ်ပါ ဟားဗတ်ကျောင်းထွက်များ ဖြစ်ကြသည်။ သူတို့ဘွဲ့ရသည်အထိ ကျောင်းပြီးအောင် မတက်ခဲ့ပေ။ သူတို့နှစ်ယောက် ဘဝတွေက ကျောင်းမပြီးသော်လည်း ဘီလီယံကြွယ် သူဌေးကြီးတွေ ဖြစ်နေခြင်းမှာ လူငယ်တိုင်း လေးစား အားကျစရာတွေ ဖြစ်နေသည်ကတော့ အမှန်ပင်ဖြစ်သည်။
ကောလိပ်က ကျောင်းမပြီးဘဲ ထွက်ခဲ့ပြီး အောင်မြင်သူတွေ များစွာ ရှိလာပါသည်။ သူတို့ အောင်မြင်ခဲ့ရခြင်းမှာ သူလို ငါလို သာမန် မဟုတ်သည်ကတော့ အမှန်ပင်ဖြစ်သည်။ ရှီရိုင်းဆင်းဘတ်က ဟား ဗတ်ကျောင်းထွက်၊ ဂျက်ဖ်ဘီဇို့စ်က ပရင့်စ်တန် ကျောင်းထွက်၊ မာရစ်ဆာ မေယာက စတန်းဖို့ဒ် ကျောင်းထွက်တွေဖြစ်သည်။
တက္ကသိုလ် ကောလိပ်မှ ဘွဲ့ရကျောင်းပြီးသည့်နောက် ချမ်းသာအောင်မြင်နေသူ မည်မျှရှိကြောင်း စစ်တမ်းကောက်ကြသည်။ အမေရိကန်ပြည်ထောင်စုတွင် ၁၁,၇၄၅ ဦး ရှိနေသည်။ ထိုသူများထဲတွင် စီအီးအိုများ၊ တရားသူကြီးများ၊ နိုင်ငံရေးသမားများ၊ မီယီယံကြွယ်၊ ဘီလီယံကြွယ် သူဌေးကြီးများ၊ စီးပွားရေး လုပ်ငန်းရှင်ကြီးများလည်း ပါသည်။ ကမ္ဘာ့သြဇာ အာဏာအရှိဆုံး ပုဂ္ဂိုလ်များလည်း ပါသည်။ သို့သော် ကျောင်းမပြီးဘဲ ဘီလီယံကြွယ်ကာ ကမ္ဘာ့သြဇာအရှိဆုံး ပညာရှင် နယ်ပယ်မှာတော့ ဘီလ်ဂိတ်စ်နှင့် ဇပ် ကာဘတ်က ထူးခြားသည်ဟု ဆိုရမည်။
အမေရိကန်ပြည်ထောင်စု၏ နိုင်ငံခေါင်းဆောင် ၉၄ ရာခိုင်နှုန်းသည် တက္ကသိုလ်ကောလိပ် များက ဘွဲ့ရရှိခဲ့သူများ ဖြစ်ကြသည်။ ထိုသူများထဲ တွင်မှ ၅၀ ရာခိုင်နှုန်းခန့်သည် သူဌေးကျောင်းလို ကျောင်းကောင်းကောင်းများတွင် တက်ရောက်ပညာ သင်ကြားခဲ့ကြသူများ ဖြစ်ကြသည်။ အမေရိကန် လွှတ်တော်အမတ် ၂၀ ဒသမ ၆ ရာခိုင်နှုန်းနှင့် သန်း ကြွယ်သူဌေး ၃၃ ဒသမ ၈ ရာခိုင်နှုန်းသည် သူဌေး ကျောင်းထွက်များ ဖြစ်ကြသည်။
သူဌေးကျောင်းခေါ် အီလစ်ကျောင်းများတွင် ထားလျှင် ပိုပြီး ထူးခြားသွားသလားဟု စစ်တမ်းတွေ ကောက်ကြည့်ကြသည်။ သာမန်ကျောင်းနှင့် သူဌေးကျောင်းများမှ ကျောင်းသားများ၏
SAT ရမှတ်များမှာ ကွာခြားမှု မရှိကြောင်း တွေ့ရသည်။ ပိုက်ဆံတွေ အများကြီးပေးပြီး ပညာသင်ကြားမှ တော်မည်ဆိုသည့် အစွဲတွေလည်း သူတို့နိုင်ငံတွင် တဖြည်းဖြည်း ပျောက်လာသည်။
အောင်မြင်သည့် ခေါင်းဆောင် ၁၁,၀၀၀ ဦးကို လေ့လာ သုံးသပ်ကြည့်ပါသည်။ အလွန်ဆင်းရဲသော မိသားစုနှင့် အလွန်စုတ်ပြတ်သည့် နောက်ခံများက တက်လာသူများကိုပင် တွေ့ရပါသည်။ သို့သော် အလွန် အသုံးမကျသူများ သူဌေးကျောင်းကိုတက်ပြီး ကြီးပွားအောင်မြင် ခေါင်းဆောင်နေရာ ရသွားသူတွေကိုလည်း တွေ့ရသည်။
ပညာရေးသည် အားလုံးအတွက် လမ်းကြောင်း တစ်ခုဖြစ်သည် မှန်သော်လည်း လူတိုင်းအတွက် ဟုတ်ချင်မှ ဟုတ်မည်။ တက္ကသိုလ်ကို ရောက်လာခြင်းသည် လမ်းကြောင်းမှန်ကို ရောက်လာခြင်းဖြစ်သည်ဟုလည်း မပြောနိုင်ပေ။ နောက်ပိုင်း ကျောင်းသားတွေက တက္ကသိုလ် မရောက်တော့ ဘာဖြစ်သလဲဆိုသည့် အတွေးတွေကို တွေးလာကြသည်။ ထိုသို့တွေးစရာ အချက်တွေ သူတို့တွင် ခိုင်လုံစွာ ရှိနေသည်။ ဂိတ်စ်နှင့် ဇပ်ကာဘတ်တို့လို လူမျိုးတွေက သူတို့အတွက် စံပြဖြစ်စေသည်။ အောင်မြင်ဖို့ကလည်း မရေရာ၊ ဘာလုပ်ရမှန်းလည်း မသိသူတွေက တက္ကသိုလ်ကို ရောက်လာကြသည်။ လမ်းကြောင်းတည့် သွားသူတွေ ရှိသလို၊ ဘွဲ့ရပြီးမှ လမ်းပျောက်သူတွေ ပျောက်သွားကြသည်လည်း တွေ့ရပါသည်။ တက္ကသိုလ်သည် တံခါးဖွင့်ထားသည်တော့ မှန်သည်။ သို့သော် ဝင်ချင်မှဝင်မည့် အနေအထားဖြစ်သည်။
အနာဂတ်တွင် တက္ကသိုလ်သည် အားလုံးအတွက် အရေးပါသည့် နေရာလား မေးစရာ ဖြစ်တော့မည်။ ဘွဲ့ဒီဂရီသည် လက်ရှိ အနေအထားတွင် သိပ်ပြီး အလေးထားစရာတော့ မဟုတ်တော့ပေ။ ဘွဲ့ရသည် ဆိုလျှင်ပြီးပြီ။ ဘာဘွဲ့ဆိုသည်ကိုလည်း ဂရုစိုက်ချင်မှ စိုက်တတ်သည်။ သို့သော် ဘယ်လောက်ကျွမ်းကျင်သလဲ၊ ဘယ်လောက် တတ်သလဲဆိုခြင်းကိုတော့ ဆန်းစစ်လေ့ရှိကြသည်။
မည်သို့ဆိုစေ ဘွဲ့မရဘဲ စောစီးစွာ ကျောင်းထွက်ခဲ့သူနှစ်ဦးကတော့ ကမ္ဘာကို စိုးမိုးနေကြောင်း မငြင်းနိုင်။ ထို့ကြောင့် ကောက်ချက်ချကြည့်သည်။ ဘွဲ့ရမှ ကြီးပွားအောင်မြင်မည်ဟု ဥပဒေသတော့မရှိ။
Credit: The Voice
