မွန်ပြည်နယ်ရှိဘီးလင်းမြို့နယ်တွင် ပြည်သူ့ဗဟိုပြု လုပ်ငန်း စီမံကိန်းကို စတင် အကောင်အထည်ဖော်မည်ဟု ပြည်နယ် စိုက်ပျိုးမွေးမြူရေးနှင့် ပို့ဆောင် ဆက်သွယ်ရေးဝန်ကြီးရုံးမှ သတင်းရရှိသည်။
ဘီးလင်းမြို့နယ်တွင် အဆို ပါစီမံကိန်းကို ၂၀၁၇-၁၈ ဘဏ္ဍာ နှစ်အတွင်း စတင်အကောင်အ ထည်ဖော်ဆောင်ရွက်မည် ဖြစ်ပြီး စီမံကိန်းလုပ်ကိုင်ရန် UNDP ကထောက်ပံ့ငွေ အမေရိကန်ဒေါ်လာ နှစ်သိန်းကျော် (၂၀၆,၆၃၈) ရရှိထားပြီးဖြစ်သည်။ ဘီးလင်းမြို့နယ်အတွင်း လမ်းတံတား၊ စိုက်ပျိုးရေးနှ င့် မွေးမြူရေး အပါအ၀င် ဒေသအတွင်း လိုအပ်ချက်များကို လွှတ်တော် ကိုယ်စားလှယ်များ၊ အုပ်ချုပ်ရေးမှူး၊ အရပ်ဘက်ဆိုင်ရာအဖွဲ့အစည်း (CSO) များနှင့် ကျေးရွာအုပ်ချုပ်ရေးမှူးများက စီမံကိန်းဖြင့် ပူးပေါင်းပါဝင် လုပ်ဆောင် မည် ဖြစ်သည်။
‘‘ဘီးလင်းမြို့နယ်က ၀န်ကြီး ချုပ် မဲဆန္ဒနယ်ဖြစ်လို့ ဒီလိုလုပ်ဖို့ ရွေးချယ်ခဲ့တာ မဟုတ်ပါဘူး။ ဒီစီ မံကိန်း လုပ်ငန်းလုပ်ဖို့ လမ်းပန်းဆက် သွယ်ရေး ကောင်းရမယ်။ နယ်စပ်ဒေသလည်း ဖြစ်ရမယ်။ တိုင်းရင်းသား၊ မတူကွဲပြားခြား နားတဲ့ အခြေအနေ ရှိရမယ်ဆိုပြီး ကျွန်တော်တို့ က ချောင်း ဆုံမြို့ နယ်နဲ့ ဘီးလင်းမြို့နယ်ကို ချပြပေးခဲ့တယ်။ ဘီးလင်းမြို့နယ်က တ ကယ် လိုအပ်လို့ ရွေးချယ်ခဲ့တာပါ’’ဟု ပြည်နယ်စိုက်ပျိုးမွေးမြူရေး နှင့် ပို့ဆောင် ဆက်သွယ်ရေးဝန် ကြီး ဦးထွန်းဌေးက ပြောသည်။
စီမံကိန်းကာလကို ဆယ်နှစ် သတ်မှတ်ထားပြီး ပထမ လေးနှစ် တွင် ဘီးလင်းမြို့နယ်၊ ဒုတိယ လေးနှစ်တွင် ရေးမြို့နယ်၊ ချောင်း ဆုံမြို့နယ်နှင့် တတိယ ၂ နှစ်တွင် ကျန်ရှိနေသည့် မြို့နယ်များ၌ အ ကောင်အ ထည်ဖော်ဆောင်ရွက်မည် ဖြစ်သည်။ ထို့ပြင် ယင်းစီမံကိန်းများ အကောင်အထည်ဖော်ရန် ရရှိသည့် အလှူငွေများကိုလည်း အစိုးရအဖွဲ့ထံ လွဲပြောင်း ပေးအပ်သွားမည်ဖြစ်ကြောင်း ဦးထွန်းဌေးက ပြောသည်။
စီမံကိန်း လုပ်ငန်းများကို အစိုးရအဖွဲ့က တာဝန်ယူဆောင် ရွက်ပေးမည်ဖြစ်ပြီး ရရှိထားသည့် အလှူငွေများကိုလည်း အစိုးရ၏ ဘဏ္ဍာရေးစည်းမျဉ်းစည်းကမ်းအရ အသုံးပြုရမည်ဖြစ်ကြောင်း ဦးထွန်းဌေးက ထပ်မံပြောသည်။
Credit: 7DayDaily
