နေအိမ်တစ်လုံး ဝယ်ယူပြီးတဲ့နောက်မှာ အရောင်းအဝယ်မှားလို့ နောင်တရစိတ်ပျက်နေရတဲ့ အိမ်ပိုင်ရှင်တွေများစွာရှိပါတယ်။ အ ကြောင်းအမျိုးမျိုးကြောင့်ဖြစ်စေ အဝယ်မှားတတ်လို့ မိမိနေအိမ် သစ်မှာနေထိုင်ရတာ သက်တောင့်သက်သာမဖြစ်ဘူး၊ မပျော်ရွှင်ရ ဘူးဆိုရင်တော့ ဒီအကြောင်းက ပေါ့ပေါ့လေးထားလိုက်လို့ မရပါ ဘူး။
အိမ်ဝယ်ယူခဲ့စဉ်အချိန်က အိမ်ခြံမြေဈေးနှုန်း မကောင်းလို့ဖြစ် စေ၊ အကျိုးဆောင်တွေရဲ့ ဖိအားပေးတိုက်တွန်းမှုကြောင့်ဖြစ်စေ၊ ဒါမှမဟုတ် မိမိတို့မိသားစုတွေရဲ့ အကြောင်းတစ်စုံတစ်ရာ အရေး ကြီး ကိစ္စကြောင့်ဖြစ်စေ နေအိမ်သစ်တစ်လုံးကို အသေအချာ စီစစ် ကြည့်ရှုရွေးချယ်လိုက်ရခြင်း မရှိပါပဲ ဝယ်ယူလိုက်ရတဲ့ အခါမျိုးမှာဆို ရင် ဒီလိုနောင်တရစရာ၊ စိတ်ပျက်စရာ အကြောင်းအရာတွေနဲ့ ကြုံ တွေ့လာရနိုင်ပါတယ်။ ဒါ့ကြောင့်မို့လို့ နေအိမ်တစ်လုံးဝယ်ယူပြီး နောက် ဖြစ်လာမယ့် နောင်တရခြင်းနဲ့ စိတ်မသက်သာစရာတွေနဲ့ ကြုံတွေ့လာနိုင်မယ့် အကြောင်းတွေကို ဖော်ပြပေးလိုက်ပါတယ်….
၁။ ပထမဆုံး အရေးကြီးတဲ့အချက်ကတော့ မိမိနေအိမ်သစ်ရဲ့ ဘေးပတ်ဝန်းကျင်က အိမ်နီးနားချင်းတွေပဲ ဖြစ်ပါတယ်။ အိမ်ကိုသာ ဝယ်ဖြစ်ရင် ပြီးရောနဲ့ ဝယ်ယူလိုက်တာက ဘေးပတ်ဝန်းကျင်က ဘယ်လိုလူတွေ၊ ဘယ်လိုအိမ်နီးနားချင်းပတ်ဝန်းကျင်တွေဖြစ်သလဲ ဆိုတာ မလေ့လာမိလိုက်တဲ့ အခါမျိုးကျ ဒီပြဿနာမျိုးနဲ့ ကြုံတွေ့ လာရနိုင်ပါတယ်။ ပတ်ဝန်းကျင်က လူတွေက စရိုက်ဆိုး၊ ခပ်ဆိုးဆိုး အိမ်နီးချင်းတွေ ဒါမှမဟုတ် သဘောမကောင်း၊ စိတ်ထားမပြည့်ဝတဲ့ အိမ်နီးချင်းတွေ၊ ပတ်ဝန်းကျင်နဲ့ လုံးဝထိတွေ့မှုမရှိ၊ လူမှုရေးမရှိတဲ့ အိမ်နီးချင်းတွေ၊ ဆူဆူညံညံလုပ်တတ်တဲ့ အိမ်နီးချင်းတွေ၊ စာရိတ္တ မကောင်းတဲ့ အိမ်နီးချင်းတွေ အစရှိသဖြင့် ခပ်ဆိုးဆိုး သတိထားရ မယ့် အိမ်နီးချင်းမျိုးနဲ့ဆိုရင်တော့ သင့်မိသားစုအနေနဲ့ သတိထား ပေါင်းသင်းနေထိုင်သင့်ပါတယ်။
၂။ ကျောင်း၊ ဈေး၊ ရှော့ပင်းစင်တာ၊ ငှာနဆိုင်ရာ၊ ရုံး အစရှိသဖြင့် အဓိကအရေးကြီးတဲ့ လိုအပ်ချက်နေရာတွေကိုနဲ့ နီးစပ်တဲ့နေရာတွေ မှာ မရွေးချယ်မိလို့ သွားလာရေးခက်ခဲနေရတာမျိုးတွေ ကြုံတွေ့လာ ရနိုင်ပါတယ်။ ဥပမာ ကလေးငယ်လေးတွေ၊ ကျောင်းတက်ကလေး ငယ်ရှိတဲ့ မိသားစုမျိုးဆိုရင် ကျောင်းနဲ့နီးသလား၊ ဝေးသလား ဆိုတာ ကို ထည့်စဉ်းစားပြီးမှ ဝယ်ယူသင့်ပါတယ်။ ကျောင်း၊ ဆေးရုံ၊ ကစား ကွင်းတို့နဲ့ ဝေးကွာလို့ ကလေးငယ်လေးတွေအတွက် သွားလာရေး ဒုက္ခရောက်ရပါတယ်။ ဈေးတို့၊ ငှာနဆိုင်ရာ ရုံးတို့နဲ့ ဝေးကွာလွန်းလို့ လည်း အခက်အခဲတွေ ဖြစ်ပေါ်လာရနိုင်ပါတယ်။ ဒါ့ကြောင့်မို့လို့ နေ အိမ်ရဲ့ပတ်ဝန်းကျင်နဲ့ သွားလာရလွယ်ကူတဲ့ နေရာမျိုးမှာ ဝယ်ယူနေ ထိုင်သင့်ပါတယ်။
၃။ အိမ်ရဲ့ပုံစံအခြေအနေနဲ့ မိသားစုနဲ့ သင့်တော်မှု ရှိမရှိကိုလည်း ချိန်ဆပြီး ဝယ်ယူသင့်ပါတယ်။ အဘယ့်ကြောင့်ဆိုသော် တချို့နေ အိမ်တွေက မိသားစုဝင်တွေနည်းပြီးတော့ အိမ်ကကြီးလွန်းခြင်း၊မိ သားစုဝင်များတဲ့ မိသားစုတွေမှာလည်း ဝယ်ယူတဲ့အိမ်ကကျဉ်း လွန်းခြင်းတို့လို လိုက်ဖက်ညီမှုမရှိလို့ နေထိုင်ရအဆင်မပြေတာမျိုး တွေ ဖြစ်လာနိုင်ပါတယ်။ အခန်းဖွဲ့တွေနည်းလို့၊ ကျဉ်းမြောင်းလို့ လွတ်လွတ်လပ်လပ်နဲ့ သက်တောင့်သက်သာ နေထိုင်ရမှမဟုတ်လို့ မိသားစုတွေ ပျော်နိုင်မှာမဟုတ်ပါဘူး။
၎။ နေအိမ်တစ်လုံးကို အပေါ်ယံပဲကြည့်လို့ ဝယ်ယူလိုက်ခြင်းက တကယ့်ကိုအမှားကြီးမှာပါပဲ။ အပေါ်ယံလေးမှာပဲ လှပပြီးတော့ အထင်ကြီးစရာကောင်းသလောက် အိမ်ရဲ့အတွင်းခန်းမှာတော့ ထင်မထားလောက်အောင်ကို ဖြစ်နေမယ်ဆိုရင် သင့်အတွက် စိတ် သက်တောင့်သက်သာ ဖြစ်မှမဟုတ်ပါဘူး။ အပြင်ပန်းနဲ့ ပန်းခြံ၊ ခြံဝင်းလေးပဲ လှပြီး အတွင်းခန်းမှာ ပြင်ဆင်ရမယ့်အစိတ်အပိုင်းတွေ၊ အခန်းဖွဲ့၊ ကြမ်းပြင်၊ အမိုး အစရှိသဖြင့်တွေမှာလည်း တာရှည်ခံဖို့အ တွက် ပြင်ဆင်ရမယ်။ နောက်ပြီး လျှပ်စစ်မီး၊ ရေရရှိမှု၊ လုံခြုံရေး၊ ရေနုတ်မြောင်း အစရှိသဖြင့်တွေလည်း ပြင်ဆင်ရမယ်ဆိုရင်တော့ သင့်အတွက် အိမ်အရွေးမှား ဖြစ်သွားပြီလို့ ဆိုနိုင်ပါတယ်။
၅။ နောက်ဆုံးတစ်ချက်ကတော့ အိမ်ဈေးနှုန်းနဲ့ အိမ်ခြံမြေဈေးကွက် အခြေအနေပဲ ဖြစ်ပါတယ်။ မဖြစ်မနေဖြစ်လို့ အရေးတကြီး ဝယ်ယူ လိုက်တဲ့ အိမ်က ဈေးကြီးကြီးနဲ့ရသွားလို့ သင့်အတွက်ငွေကြေးဆုံး ရှုံးမှု နှမြောစရာကောင်းပါတယ်။ သင်ဝယ်ယူနေချိန်မှာ မြင့်တက်နေ တဲ့ အိမ်ဈေးနှုန်းက ပြန်ရောင်းလို့ရမယ့် ဈေးနှုန်းတောင် မရနိုင်ဘူး ဆိုတဲ့ အခြေအနေမျိုးပါ။ ဒါ့ကြောင့်မို့လို့ ဖြစ်နိုင်မယ်ဆိုရင် နေအိမ် တစ်လုံးဝယ်ယူဖို့ အလောတကြီးအလျင်မလိုပါနဲ့။ ဈေးနှုန်းက ကျွမ်း ကျင်တဲ့ ပွဲစား၊ အကျိုးဆောင်တွေနဲ့ အသေအချာညှိယူပြီးမှ ဝယ်ယူသင့်ပါတယ်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
