အမွေဆက်ခံကြောင်း စာချုပ်ချုပ်ဆိုဖို့ လိုအပ်တဲ့ မြေပုံ၊ မြေရာဇဝင်နဲ့ မှတ်ပုံတင် စာချုပ်ချုပ်ဆိုပုံ..

အမွေဆက်ခံကြောင်း စာချုပ်ချုပ်ဆိုဖို့လိုအပ်တဲ့ မြေပုံ၊ မြေရာဇဝင်နဲ့ တခြားမှတ်ပုံတင်စာချုပ်ချုပ်ဆိုပုံ ခွဲခြားတာတွေကိုဖော်ပြပေးလိုက်ပါတယ်။

မြေပုံ၊ မြေရာဇဝင်

လျှောက်ထားလိုတဲ့ သူကဌာနကသတ်မှတ်ထားတဲ့ပုံစံနဲ့အတူ နိုင်ငံသားစိစစ်ရေး ကတ်ပြား၊ မြေပိုင်ဖြစ်ရင် မှတ်ပုံတင်စာချုပ်၊ ဂရန်မြေဖြစ်ရင်တော့ မြေငှားဂရန်စာချုပ်နဲ့ နောက်ဆုံးထမ်းဆောင်ထားတဲ့ မြေခွန်ပြေစာတို့လိုအပ်ပါတယ်။ အမည်ပေါက်သူက လျှောက်ထားတာမဟုတ်ရင်တော့ ပိုင်ဆိုင်မှုအထောက်အထား သို့မဟုတ် ပိုင်ဆိုင်မှု နဲ့သက်ဆိုင်တဲ့ တရားရုံးစီရင်ချက်နဲ့ ဒီဂရီမူရင်းတွေတင်ပြပြီး လျှောက်ထားရပါမယ်။

ဌာနက အထောက်အထားမိတ္ထူတွေကို မူရင်းနဲ့တိုက်စစ်ပြီး လက်ခံပေးပါတယ်။ တင်ပြတဲ့အထောက်အထားနဲ့ မြေစာရင်းမှာရှိတဲ့အထောက်အထားမှန်ကန်ရင်တော့ ကွင်းဆင်းစစ်ဆေးတာနဲ့လိုအပ်ရင် သတင်းစာမှာ ၁၄ ရက်ကြော်ငြာတာတွေဆောင်ရွက်ပြီး ကန့်ကွက်သူမရှိရင်တော့ သတ်မှတ်ထားတဲ့ ဝန်ဆောင်ခပေးသွင်းစေပြီး မြေပုံ၊ မြေရာဇဝင် ထုတ်ပေးပါတယ်။

အမွေဆက်ခံပိုင်ဆိုင်ကြောင်း စာချုပ်ချုပ်ဆိုဖို့ မြေပုံ၊ မြေရာဇဝင်ကိုတော့လျှောက်ထားလို တဲ့သူက ဌာနမှာသတ်မှတ်ပုံစံနဲ့အတူ အထက်ပါအထောက်အထားတွေအပြင် အမွေရှင်နဲ့ ကျန်အမွေဆိုင်တွေကွယ်လွန်ကြောင်း ကျန်းမာရေးဦးစီးဌာနရဲ့ သေစာရင်း၊ အမွေရှင်နဲ့ ကျန်အမွေ ဆိုင်တွေကွယ်လွန်ပြီးဖြစ်လို့ လျှောက်ထားသူသာ ပိုင်ဆိုင်ခွင့်ရှိကြောင်း ပြည့်စုံ စွာရေးသားဖော်ပြထားတဲ့ တရားရုံးမှာပြုလုပ်ထားတဲ့ ကျမ်းကျိန်လွှာ သို့မဟုတ်ကတိ သစ္စာပြုလွှာ၊ တစ်မြို့နယ်တည်းနေထိုင်သူ နှစ်ဦးက လျှာက်ထားသူကိုသိကြောင်း ကျမ်းကျိန်လွှာနှစ်စောင်မူရင်းလိုအပ်ပါတယ်။

ဌာနဘက်ကပေးပို့တဲ့ အထောက်အထားနဲ့ပိုင်ဆိုင်ကြောင်း မြေစာရင်းတွေကိုစစ်ဆေးပြီး သက်ဆိုင်ရာ သတင်းစာမှာကြော်ငြာပြီး ၁၄ ရက်ပြည့်ရင် ပေးသွင်းရမယ့်ငွေပမာဏ ပေးသွင်းပြီး မြေပုံ၊ မြေရာဇဝင် ထုတ်ယူနိုင်ပါတယ်။


Credit:Kumudra