ဇနီးမောင်နှံများအိမ်ဝယ်တဲ့အခါ စဉ်းစားသင့်စရာအချက်လေးများ

ဇနီးမောင်နှံများအတွက် မိသားစုတစ်ခုကိုတည်ထောင်ကြတဲ့အခါ နောင်တစ်ချိန် သားလေးတွေ၊သမီးလေးတွေ မွေးဖွားလာတဲ့အခါသိုက်သိုက်ဝန်းဝန်းနေထိုင်ဖို့ဆိုတဲ့ရည်ရွယ်ချက်လေးနဲ့အိမ်လေးတစ်လုံးကို ပိုင်ဆိုင်ချင်ကြမှာပါ။ အဲဒီလိုအချိန်မှာ ဘယ်နေရာလေးမှာအိမ်ဝယ်ရင်ကောာင်းမလဲဆိုတာလည်း တွေးလာမိကြမှာအမှန်ပါ။ ဇနီးမောင်နှံတို့အတွက် အိမ်တစ်လုံးကိုဝယ်ဖို့ပထမဆုံးအကြိမ်ဖြစ်နေခဲ့ရင်
လက်ရှိမိမိတို့ရဲ့လိုအပ်ချက်၊အနာဂတ်မျော်မှန်းချက်တွေနဲ့
ပတ်သက်ပြီးအသေအချာနားလည်သဘောပေါက်ဖို့
လိုပါတယ်။

အဓိကအနေနဲ့ မောင်နှံတို့ဟာ အိမ်အတွင်း အခန်းများများပါရမယ်ဆိုတဲ့ စိတ်အစွဲထက် ဘယ်လိုအခန်းအမျိုးအစားဖြစ်သင့်တယ်ဆိုတာ ကိုနားလည်သဘောပေါက်နေဖို့အရေးကြီးပါတယ်။ ဥပမာ- ကလေးတွေမွေးလာမယ့်အစီအစဉ်ရှိနေခဲ့ရင် ကလေးအတွက် အိပ်ခန်း၊ မိသားစုနားနေခန်း၊ မိတ်ဆွေတွေလာရင်တွေ့ဆုံဧည့်ခံမယ့် ဧည့်ခန်း၊မိသားစုအိပ်ခန်း၊ ထမင်းစားခန်း၊ မီးဖိုချောင် အစရှိတဲ့အခန်းအမျိုးအစားတွေဘဲဖြစ်ပါတယ်။ဒီအတွက်
ငွေကြေး အတိုင်းအတာပမာဏတစ်ခုဟာလည်း အရေးကြီးတဲ့အချက်တစ်ချက်ဘဲဖြစ်ပါတယ်။

အိမ်တစ်လုံး ဝယ်ယူဖို့စဉ်းစားလိုက်တဲ့အချိန်မှာ အိမ်လေးရဲ့ ကောင်းမွန်ပြည့်စုံမှုနဲ့ ရပ်တန့်မနေဘဲ မိသားစုနဲ့ နွေးထွေးစွာ ဖြတ်သန်းဖို့ဒီလို အချက်လေးတွေကိုလည်း ထည့်သွင်းစဉ်းစားဖို့လိုပါတယ်။

(၁) အိမ်နဲ့လုပ်ငန်းခွင် ခရီးဝေးခြင်း။

အိမ်နဲ့လုပ်ငန်းခွင် ဟာ ခရီးဝေးနေတဲ့အခါ အလုပ်အသွားအပြန်အချိန်တွေဟာ မိသားစုနဲ့ အတူကုန်ဆုံးရမယ့်အချိန်တွေကို ယူလိုက်တာကြောင့် ရင်ထဲမှာ မလူးသာမလွန့်သာနဲ့ သည်းခံရတာတွေရှိတတ်ပါတယ်။တကယ်လို့ လုပ်ငန်းခွင်ဟာ မိမိရဲ့အိမ်နဲ့ အလှမ်းမဝေးခဲ့ရင် အိမ်ပြန်ချိန် လမ်းခရီးမှာ အချိန်မကုန်တော့ဘဲ မိမိတို့ရဲ့ ချစ်ရတဲ့သူတစ်ယောက်ယောက်နဲ့ အချိန်ကုန်ဆုံးလို့ရနိုင်သွားပါတယ်။ ဒါ့အပြင် အိမ်မှာမိသားစုဆုံညီ ထမင်းစားပွဲတွေလည်း လက်မလွတ်ရတော့သလို ညနေဘက်ပွဲတွေကိုလည်း ကောင်းကောင်းတက်ရောက်နိုင်တဲ့ အခွင့်အရေးလည်းရှိသွားစေပါတယ်။ အိမ်နဲ့ လုပ်ငန်းခွင် ဟာ ဝေးနေခဲ့ရင် မနက်ပိုင်း၊ ညနေပိုင်း အလုပ်သွား၊အပြန်အချိန်တွေကြောင့်အချိန်ယူစီစဉ်ရတာတွေက ရေရှည်မှာ ဖီစီးမှုတစ်ခုကို ဖြစ်ပေါ်စေနိုင်ပါတယ်။

ဒါဟာ လုပ်ငန်းခွင် ကိုနေ့စဉ်သွားလာနေရသူများအတွက် အိမ်နဲ့ လုပ်ငန်းခွင် ခရီးဝေးလွန်းခြင်းဟာ ရေရှည်မှာ ပင်ပန်းမှု ၊စိတ်ဖိစီးမှုကို ဖြစ်စေနိုင်တဲ့ အတွက် အိမ်ဝယ်တဲ့အခါ စဉ်းစားသင့်စရာ အချက်တစ်ခုဖြစ်ပါတယ်။

(၂) ကျောင်းရှိတဲ့ အရပ်ဒေသ။

တကယ်လို့ သင့်မှာ လက်ရှိ ကလေးရှိနေခဲ့ရင် ဒါမှမဟုတ် ကလေးယူဖို့ အစီအစဉ်ရှိနေခဲ့ရင် ကျောင်းရှိတဲ့အရပ်ဒေသ ကိုသိထားတာဟာကလေးတွေ ကျောင်းတက်ဖို့အဆင်ပြေစေပါတယ်။ တကယ်တော့ စာသင်ကျောင်းတစ်ကျောင်းရဲ့ အရည်အသွေးဟာ ကလေးတို့ရဲ့ ဘဝကို ကောင်းစွာပုံဖော်ပေးတာကြောင့် ပတ်ဝန်းကျင်သစ်မှာ ကျောင်းနဲ့ပတ်သက်ပြီး အသေးစိတ် သတင်းအချက်အလက်တွေကို စုဆောင်းလေ့လာထားခြင်း ဖြင့် သင့်ကလေး ပညာတတ်ဖြစ်စေဖို့အတွက် များစွာ အထောက်အကူဖြစ်စေပါတယ်။

(၃)ပတ်ဝန်းကျင် အခြေအနေ။

မိမိတို့အိမ်ဝယ်မယ့် ပတ်ဝန်းကျင်ကို လမ်းလျောက်ပြီး လေ့လာကြည့်ပါ။ ပြီးတော့ ဘယ်နေရာမှာ ဈေးဆိုင်တွေရှိမလဲ ၊ဘယ်နေရာမှာ ဆေးရုံ၊ဆေးခန်း၊ အလှပြင်ဆိုင်၊ အားကစားခန်းမ၊ ကားဝပ်ရှော့ အစရှိတဲ့ မ်ိမိတို့နဲ့ အမြဲမပြတ်ထိတွေ့နေရမယ့်နေရာတွေ ကို အရင်ဆုံးသိရှိနေအောင် ရှာဖွေထားဖို့လိုပါတယ်။ မိမိတို့အတွက် အေးချမ်းပြီး ပတ်ဝန်းကျင်ကောင်းဖြစ်၊မဖြစ်ဆိုတာကိုလည်း လေ့လာဖို့လိုအပ်ပါတယ်။ အိမ်ဝယ်တဲ့အခါ ပတ်ဝန်းကျင် အခြေအနေဟာလည်း မိမိတို့ကို အများကြီး အကျုိးသက်ရောက်မှုပေးနိုင်တာကြောင့် ထည့်သွင်းစဉ်းစားရမယ့်အချက်ဘဲဖြစ်ပါတယ်။

(၄) ဝယ်ယူဖို့အတွက် အကောင်းဆုံးအချိန်။

မိမိတို့အနေနဲ့ အိမ်တစ်လုံးကို ဝယ်တဲ့အချိန်မှာ ကလေးမရှိသေးတဲ့အခြေအနေဖြစ်နေခဲ့ရင် ဒါဟာ အရမ်းကို သက်သောင့်သက်တာ အဆင်ပြေစေတဲ့အချိန်ဘဲဖြစ်ပါတယ်။ ဒါမှမဟုတ် မိမိတို့မှာ ရာထူးတိုးချိန်၊ နေရာပြောင်းချိန်တို့ဖြစ်နေခဲ့ရင်မိမိတို့အတွက် ရက်ပြောင်းရွှေ့ရတာတွေက အရေးတကြီးလုပ်လာရပြီဖြစ်တာကြောင့် အဲဒီလိုမျိုးအချိန်တွေက ဝယ်ယူဖို့အဆင်မပြေစေတဲ့ အချိန်တွေဘဲဖြစ်ပါတယ်။ မိသားစုထဲမှာ မကျန်းမာတဲ့သူ ရှိနေခဲ့ရင်လည်း သူတို့အတွက် ပြုစုပေးရတာနဲ့ စိတ်က မပေါ့ပါးနိုင်တာကြောင့် အိမ်တစ်လုံးကို ဝယ်ယူတော့မယ်ဆိုရင် စိတ်လက်ပေါ့ပါးစွာနဲ့ အခြေအနေတွေ ပေါ့ပေါ့ပါးပါးဖြစ်နေတဲ့အချိန်မှာ ဝယ်ရတာပိုမိုအဆင်ပြေစေတာကြောင့် အကောင်းဆုံးအချိန်တစ်ခုဆိုတာကို ရွေးချယ်သင့်ပါတယ်။

(၅) ပြတင်းပေါက်များ။

အိမ်တစ်အိမ်မှာ ပြတင်းပေါက်တွေဟာ အိမ်ရဲ့ အသက်ဖြစ်တာကြောင့် အရမ်းကို အရေးကြီးလှပါတယ်။ ပြတင်းပေါက်တွေရှိမှသာ အိမ်အတွင်းလေဝင်လေထွက်ကောင်းပြီး သန့်ရှင်းလတ်ဆတ်တဲ့လေကောင်းလေသန့်တွေကို ရရှိနေမှာဖြစ်ပါတယ်။ ဒါ့အပြင် နေရောင်ခြည်ကောင်းကောင်းရရှိစေပြီး လူတွေအတွက် အကျိုးကျေးဇူးတွေဖြစ်စေပါတယ်။ ပြတင်းပေါက်တစ်ပေါက်တည်းသာ ရှိတဲ့ အိမ်ကတော့ နွေရာသီနဲ့ ဆောင်းရာသီအတွင်း မှာ ရာသီဥတုဖောက်ပြန်မှု ကြုံလာခဲ့ရင် ပြသနာများစွာ ကြုံတွေ့ရနိုင်မှာဖြစ်ပါတယ်။အိမ်အတွင်းပိုင်းကို မနက်ပိုင်းကျရောက်တဲ့ နေရောင်ခြည်ဟာ လူတွေအတွက် အကျိုးရှိစေနိုင်တဲ့အတွက် မိသားစုအများစုမှာ အိမ်အတွင်းသဘာဝနေရောင်ခြည် မရရှိခြင်းဟာ ဆိုးကျိုးကို ဖြစ်ပွားစေနိုင်ပါတယ်။


Credit:Yangon Life