ဖိနပ်မစီးနိုင်သည့်ဆင်းရဲသားဘ၀ကနေ ဘီလျံနာဖြစ်လာခဲ့သည့် ဗီယက်နမ်လုပ်ငန်းရှင်တစ်ဦး

Kieu Hoang ၀ိုင်ထုတ်လုပ်ရေးလုပ်ငန်း၏ ဖွင့်လှစ်ပွဲအခမ်းအနား ကို အမေရိကန်တွင် ၂၀၁၄ ခုနှစ်၊ နိုဝင်ဘာလအတွင်းက ခမ်းခမ်းနားနားကျင်းပခဲ့ရာ နာမည်ကြီးတရုတ်မော်ဒယ်မင်းသမီး Li Bing Bing ကိုယ်တိုင်တက်ရောက် ချီးမြှင့်ခဲ့သည်။ ထို့နောက်ဆယ်လအကြာတွင် Napa ၀ိုင်လုပ်ငန်းသည်လည်း ယင်း၏ ပထမဆုံးသော ၀ိုင်ပါတီကို ဆန်ဖရန်စစ္စကိုရှိ အဆင့်မြင့် ဗီယက်နမ် စားသောက်ဆိုင် Le Colonial တွင်ကျင်းပ ခဲ့သည်။ ထိုပွဲသို့အဆိုပါဝိုင်လုပ်ငန်း ၏ပိုင်ရှင်ဖြစ်သည့်အသက်၇၁ နှစ်အရွယ် အသစ်စက်စက်ဘီလျံနာသူဌေးကြီး Mr. Kieu Hoang တက်ရောက်နိုင်ခဲ့ခြင်းမရှိချေ။ ဖခင်ဖြစ်သူ Mr. Hoang မှာ လုပ်ငန်းကိစ္စဖြင့်ရှန်ဟိုင်းသို့ ရောက်ရှိနေ၍ယခုအခမ်းအနားကို တက်ရောက်နိုင်ခြင်း မရှိသည့်အတွက်နောင်တရမိပါသည်ဟုဧည့်သည်တော် များကိုအမှာစကားပါးလိုက်ပါကြောင်းသားဖြစ်သူ Tommy Hoang ကပြော ကြားခဲ့သည်။ "ဖေဖေက လုပ်ငန်းကိစ္စတွေ အကောင်အထည်ဖော်ဖို့ အလျင်စလိုသွားခဲ့ရတာဖြစ်ပါတယ်" ဟု သားငယ်ဖြစ်သူကဆိုပါသည်။

တကယ်တော့ Mr. Kieu Hoang သည် အလုပ်များကို ဘ၀တစ်လျှောက်လုံး အလျင်အမြန် လုပ်ကိုင်ခဲ့သူတစ်ယောက်ဖြစ်သည်။ဝတ်ကောင်းစားလှများဝတ် ဆင်ထားသည့်ဧည့်သည်တော်များကပုလင်း ပေါ်တွင်Mr. Hoang ၏မျက်နှာကို ပုံနှိပ်ထား သည့်ဝိုင်များကို ချီးမြှင့်အားပေးနေကြသည့်ကြီးကျယ်ခမ်းနား သော ညစာစားပွဲသည် စင်စစ်အားဖြင့်ဗီယက်နမ်ကျေးလက်ဒေသတွင်ကြီးပြင်း ခဲ့သည့်သူ၏ငယ်စဉ်ကာလများ၊ ဗီယက်နမ်စစ်ပွဲအပြီးအမေရိကားသို့ပြောင်းရွှေ့ ခဲ့သည့်အစောပိုင်းကာလများနှင့်နှိုင်းယှဉ်လျှင်လုံးဝဆန့်ကျင် ဘက်ဖြစ်သည်။

RAAS နှင့် Shanghai RAAS အမည်ရှိသွေးရည်ကြည်ကုမ္ပဏီနှစ်ခု ကို အောင်မြင်စွာတည်ထောင်ခဲ့ပြီး သည့်နောက် Mr. Hoang သည် Forbes ကရွေးချယ်သည့်ထိပ်တန်းအယောက်လေးရာ စာရင်းတွင်ပထမဆုံးအကြိမ်ရွေးချယ်ဖော်ပြခံခဲ့ရသည်။သူ၏အသားတင်ပိုင်ဆိုင်မှုမှာ၃.၈ဘီလီယံရှိပြီးအဆင့် ၁၄၉ နေရာတွင် ဖော်ပြခံရခြင်းဖြစ်သည်။ ထို့ပြင် သူသည် အဆိုပါ ထိပ်တန်းလေးရာစာရင်းတွင်ပထမဆုံးအကြိမ်ရွေးချယ်ခံရသူများ အနက် အချမ်းသာဆုံးပုဂ္ဂိုလ်တစ်ဦးလည်းဖြစ်သည်။

Mr. Hoang ၏ကြွယ်ဝမှုအများစုသည် ရှန်ဟိုင်းရှိ Shanghai RAAS ကုမ္ပဏီ တွင်ရင်းနှီးမြှုပ်နှံရာမှ ရရှိခဲ့ခြင်းဖြစ် သည်။ ၁၉၈၇ ခုနှစ်တွင်သူသည် ရှန်ဟိုင်းသွေးဌာန (Shanghai Blood Centre) နှင့်မိတ်ဖက်အဖြစ် လုပ် ကိုင်ခဲ့သည်။ ထို့နောက် ၁၉၉၂ ခုနှစ်တွင် Shanghai RAAS ကို တည်ထောင် ခဲ့သည်။ ရောင်းအားပမာဏအမေရိကန်ဒေါ်လာ ၂၁၄ သန်း ရှိပြီးဈေးကွက် တန်ဖိုး အမေရိကန်ဒေါ်လာ ၁၇.၇ ဘီလီယံရှိ သည့်အဆိုပါ ကုမ္ပဏီသည် Forbes ၏ တီထွင်ဆန်းသစ်မှုအရှိဆုံးကုမ္ပဏီများစာရင်းတွင် အဆင့် ၂၀ နေရာမှဖော်ပြခံခဲ့ရသည်။ ထို့အတူ ၂၀၁၅ တွင်လည်း Forbes ကရွေး ချယ်သည့် Asia’s 200 Best Under A Billion တွင်ရွေးချယ်ခံခဲ့ရသည်။ Mr. Hoang သည် Shezhen စတော့အိတ်ချိန်းစာရင်းဝင် အဆိုပါကုမ္ပဏီ၏ ၃၅ ရာခိုင်နှုန်းကိုပိုင်ဆိုင်ထားသည်။ပြီးခဲ့သည့်နှစ်များအတွင်းထိုအများပိုင်ကုမ္ပဏီ၏ရှယ်ယာတန်ဖိုးများမြင့်တက်ခဲ့မှုကြောင့် သူ၏ပိုင်ဆိုင်မှုသည်လည်း သုံးဆကျော် အထိပိုမိုကြွယ်ဝလာခဲ့သည်။ Mr. Hoang ၏ အခြားပိုင်ဆိုင် မှုများမှာ Agoura Hills တွင်တည်ရှိသည့်ကယ်လီ ဖိုးနီးယားအခြေစိုက် Rare Antibody Antigen Supply ခေါ် RAAS ဆေးဝါးလုပ်ငန်းဖြစ်သည်။ ထိုကုမ္ပဏီကို ၁၉၈၅ တွင် စတင်တည် ထောင်ခဲ့သည်။ အခြားလုပ်ငန်း တစ်ခုမှာ ၂၀၁၄ က ၀ယ်ယူ ကာဖွင့်လှစ်ခဲ့သည့် ၀ိုင်ထုတ်လုပ်ရေး လုပ်ငန်းဖြစ်ပါသည်။

Mr. Hoang ကို ၁၉၄၄ ခုနှစ်တွင် ဗီယက်နမ်နိုင်ငံ Quang Tri ပြည်နယ်ရှိ Bich Khe ကျေးရွာတွင်မွေးဖွားခဲ့သည်။ သူသည် ငယ်စဉ်ကလွန်စွာဆင်းရဲခဲ့သည်။ မိခင်အတွက် သူသည် အင်္ကျီမပါ ဖိနပ်ဗလာဖြင့်တောခုတ်ဓားတစ်လက်ကိုင်ပြီး သစ်ခုတ်ကာလုပ်ကျွေးခဲ့ရသည်။"အဲဒီအချိန်တွေတုန်းကဆိုရင် ကျွန်တော့် ငယ်ဘ၀ဟာ သိပ်ကိုကြမ်းတမ်းခဲ့တယ်" ဟု Hoang က ပြန်ပြောင်း ပြောပြ သည်။ ထို့နောက် အသက်ငါးနှစ်အရွယ်ခန့်တွင်ဦးလေးဖြစ်သူHoang Thi နှင့်နေထိုင်ရန်ဆိုင်ဂုံသို့ပြောင်းရွှေ့လာခဲ့သည်။ ဗီယက်နမ် နာမည် ကြီးတေးရေး ဆရာ တစ်ဦးဖြစ်သည့်ဦးလေး ဖြစ်သူသည် Mr. Hoang ၏ပညာရေးကို ပံ့ပိုးပေးခဲ့သည်။

Mr. Hoang သည် တက္ကသိုလ်တွင် သိပ္ပံဘာသာရပ်ကို ဗီယက်နမ်စစ်ပွဲစတင် မဖြစ်ပွားခင်အထိတစ်နှစ်ကြာသင်ယူခဲ့သည်။ ထို့နောက် သူသည် အမေရိကန် အထူးတပ်ဖွဲ့သို့ဝင်ရောက်ကာ Chief Combat Interpreter အဖြစ်တာဝန် ထမ်းဆောင်ခဲ့သည်။ ထိုအတွေ့အကြုံကသူ့အားကိုယ့်ကိုယ်ကိုယ် အားကိုးစိတ် ကို ဖြစ်ပေါ်စေခဲ့ပြီး ၁၉၉၀ ပြည့်လွန်အစောပိုင်းနှစ်များတွင် စက်ပစ္စည်း ပြည့်စုံမှု မရှိ သော်လည်း Shanghai RAAS အတွက် စက်ရုံ တည်ဆောက်ခြင်း အပါအ၀င် ဘ၀မှာရင်ဆိုင်ခဲ့ရသည့် အခြားသောစိန်ခေါ်မှုများအတွက် စိတ်ဓာတ်ခွန်အားဖြစ်စေခဲ့သည်ဟုဆိုသည်။

၁၉၇၅ ခုနှစ် ဗီယက်နမ်စစ်ပွဲပြီးဆုံးခါနီးချိန်တွင် Mr. Hoang သည် သူ၏မိသား စုနှင့် အခြားဗီယက်နမ်လူမျိုး စစ်ဘေး ဒုက္ခသည်များကို တိုင်းပြည်မှထွက် ခွာနိုင်အောင်အကူအညီပေးပြီး နောက် သူကိုယ်တိုင်သည်လည်း အမေရိကား သို့ရွှေ့ပြောင်းနေထိုင်ခဲ့သည်။"သူတို့တွေတိုင်းပြည်ကနေထွက်ခွာနိုင်ဖို့ အတွက် လိုအပ်တဲ့ဗီဇာရရှိအောင် ကျွန်တော်ဟာ ပြည်ထဲရေးဝန်ကြီးဌာန နဲ့ ပူးပေါင်းဆောင်ရွက်ခဲ့ပါတယ်" ဟု သူကရှင်းပြသည်။ ထိုစဉ်က သူ့အသက် သည် ၃၂ ခန့်ရှိပြီဖြစ်သည်။

အမေရိကားတွင်ဘ၀ကိုစတင်ရခြင်းသည် Mr. Hoang ၏မိသားစုအတွက် မလွယ်ကူမချောမွေ့ ခဲ့ပါ။အမေရိကားကိုစတင်ရောက်ရှိစဉ်က၎င်းတို့ကို ကယ်လီဖိုးနီးယားတောင်ပိုင်း လော့စ် အိန်ဂျလိစ်အနီးရှိ Westlake Village Women’s Club နှင့် United Methodist Church of Westlake Village တို့က ပံ့ပိုးခဲ့ကြသည်ဟုဆိုသည်။ Abbott Laboratories တွင်လုပ်ကိုင်နေ သည့် ဘုရားကျောင်းအဖွဲ့ဝင်တစ်ဦးက Mr. Hoang ကိုဝင်ခွင့် အင်တာဗျူးမေးမြန်းခဲ့သည်။ သူ့တွင်လိုအပ်သည့် အရည်အချင်းမရှိသည်ကို သိရှိခဲ့သည့် Mr. Hoang က သူသည် ဥာဏ်ရည်ထက် မြက်သဖြင့် သင်ယူ တတ်မြောက်လွယ်သူတစ်ဦးဖြစ်ကြောင်း ယုံကြည်မှုအပြည့်ဖြင့် အင်တာဗျူး သူကိုပြောကြားခဲ့သည်။ သို့ဖြင့် မွေးနေ့တွင် Mr. Hoang တစ်ယောက် အလုပ် ရရှိခဲ့တော့သည်။ လုပ်အားခမှာ တစ်နာရီလျှင် ၁.၂၅ ဒေါ်လာဖြစ်သည်။

ထို့နောက် နှစ်ရက်အကြာတွင် အလုပ်စဆင်းခဲ့သည်။Hoangသည် သူ့ကို လှူဒါန်းထားသည့် ၅၀ စီစီမော်တော်ဆိုင်ကယ်ဖြင့်အလုပ်သွားလေ့ရှိ သည်။ "အဲဒီကာလတွေဟာခက်ခဲ ပင်ပန်းလွန်းခဲ့ပေမဲ့ ကျွန်တော်တို့အကောင်း ဆုံးကျော်ဖြတ်နိုင်ခဲ့ပါတယ်"ဟု Mr. Hoang ကပြန်ပြောင်း ပြောပြသည်။

နှစ်နှစ်ခန့်ကြာပြီးနောက် Abbott တွင် သူသည်ရာထူးတိုးမြှင့်ခြင်းခံရ သည်။ နောက်ထပ်ခြောက် လအကြာတွင်ကြီးကြပ်ရေးမှူးအဖြစ်ခန့်အပ် ခံခဲ့ရ သည်။ထို့နောက်ခြောက်လအကြာတွင်မူမန်နေဂျာဖြစ်လာခဲ့တော့သည်။နောက်ဆုံးတွင်သူသည်ကုမ္ပဏီ
ထိပ်ပိုင်းအထိရောက်ရှိလာခဲ့ပြီးသွေးရည်ကြည်နမူနာများကိုစမ်းသပ် စစ်ဆေးမှုနှင့်ပတ်သက်ပြီးတာဝန်ယူရသည့် ဒါရိုက်တာ တစ်ဦးဖြစ်လာခဲ့သည်။ "Abbott ဓာတ်ခွဲခန်းမှာ သွေးရည် ကြည်တွေကို စမ်းသပ်စစ်ဆေးမှုတွေပြုလုပ်နိုင်ဖို့ Bureau of Biology (FDA ၏ယခင်အမည်) ရဲ့ခွင့်ပြု လိုင်စင်ကိုပထမဆုံးရရှိခဲ့တဲ့အတွက် ကျွန်တော် ဂုဏ်ယူ မိပါတယ်" ဟု Mr. Hoang ကဆိုသည်။ ထို့ နောက် Abbott တွင် အသည်းရောင်အသားဝါ ဘီ (Hepatitis B)) ရောဂါပိုးကို စမ်းသပ်မှုစတင်ခဲ့ သည်။

၁၉၇၀ ပြည့်လွန်နှစ်အဆုံးပိုင်းတွင် Mr. Hoang သည် အနာဂတ်ရှေ့အစီ အစဉ်များအတွက် စတင်စဉ်းစားလာခဲ့သည်။ သူ့တွင်ဆရာသမားတစ်ဦးပေးခဲ့ သည့်အကောင်းဆုံးအကြံဥာဏ် တစ်ခုရှိသည်။

"သင့်ရဲ့အသိပညာဗဟုသုတတွေကိုဈေးပေါပေါနဲ့မရောင်းပါနဲ့"ဟူ၍ဖြစ်သည်။ သွေးရည်ကြည်စမ်းသပ်ခဲ့ဖူး
သည့် အတွေ့အကြုံရှိသည့် Mr. Hoang သည် Rare Antibody Antigen Supply Inc အမည်ရှိ ကိုယ်ပိုင် သွေးရည်ကြည် ကုမ္ပဏီကို တည်ထောင်ရန်ဆုံးဖြတ်ခဲ့တော့သည်။ထို့နောက်သွေး ရည်ကြည် ဌာနများစတင်ပိုင်ဆိုင်လာခဲ့သည်။ ၁၉၈၅ တွင် အမေရိကန်တစ်လွှား သွေး ရည်ကြည်ဌာနပေါင်း ၁၁ ခုအထိ ပိုင်ဆိုင်ခဲ့သည်။

ထို့နောက်နှစ်နှစ်အကြာတွင်နိုင်ငံတကာသို့တိုင်ဖြန့်ကျက်ခဲ့ကာတရုတ်ပြည်ကို ၀င်ရောက်ခဲ့ တော့သည်။စင်စစ်ထိုအချိန်ကတရုတ်ပြည်သို့စီးပွားရေးလုပ်ငန်းသွားရောက်လုပ်ကိုင်ရန်ကြိုးပမ်း
သည့်အမေရိကန်လုပ်ငန်း ရှင်ဆိုသည်မှာ အလွန်ရှား ကြောင်း Mr. Hoang ကပြောသည်။ "တရုတ်မှာလုပ်ငန်းလုပ်ကိုင် ဖို့ဘယ်လုပ်ငန်းရှင်တွေစဉ်းစားခဲ့ကြသလဲဆိုတော့ ကျွန်တော်တစ် ယောက် တည်းပဲရှိတယ်ဗျ" ဟုဆိုသည်။ Mr. Hoang တရုတ်ပြည် ကိုဝင်ရောက်ခဲ့ချိန် သည် အချိန်အခါကောင်းဖြစ်ခဲ့သည်။တရုတ်ပြည်တွင် ၁၉၈၇ က အသည်းရောင် အသားဝါအေရောဂါဖြစ်ပွားခဲ့ရာမသန့်ရှင်းသည့် ပိုက်ဆံမှ တစ်ဆင့်လူပေါင်းသုံးသိန်းခန့်ကူးစက်ခံ ကြရသည်။"ဒီရောဂါနဲ့ပတ်သက် ပြီး ကျွန်တော်ကူညီနိုင်ပါတယ်လို့ သူတို့ကိုကျွန်တော်ပြောနိုင်ခဲ့ပါတယ်" ဟု Mr. Hoang ပြန်လည်ပြောပြသည်။

ထိုစဉ်က မည်သည့်နိုင်ငံခြားကုမ္ပဏီမှ တရုတ်ကုမ္ပဏီ၏ ၅၀ ရာခိုင်နှုန်းထိ ပိုင်ဆိုင်ခွင့်မပြုခဲ့ပါ။ သို့သော် Mr. Hoang သည် ၁၉၈၇ တွင် ရှန်ဟိုင်းသွေးဌာန (Shanghai Blood Centre) နှင့်အကျိုး တူပူးပေါင်းနိုင်ခဲ့သည်။ ထို့နောက် ၁၉၉၂ တွင် သူသည် ရှန်ဟိုင်းရှိ Shanghai RAAS ကိုဖွင့်လှစ်ခဲ့ပြီး လူ့ ခန္ဓာကိုယ်အတွက် Abumin ကို AlbuRAAS အမည်ဖြင့်ရောင်းချခဲ့သည်။ ယင်းသည် သွေးရည်ကြည်ကို စုစည်းပေးထားသည့်ရင်းမြစ် တစ်ခုဖြစ်သည်။ ကုမ္ပဏီမှရောင်းချသည့်အခြားဆေးဝါးများမှာလည်းသွေးရည်ကြည်မှတစ်ဆင့်ရရှိသည့်ဆေးဝါးများဖြစ်သည်။
ယနေ့အချိန်တွင်တရုတ်ပြည်တွင်သူထုတ်လုပ်သည့်ဆေးပစ္စည်းများကို ဈေးကွက်တောင်းဆိုမှုလွန်စွာမြင့်မား
လာခဲ့ရာ Shanghai RAAS အနေဖြင့် ပြည်နယ်တစ်ခုစာကိုပင် လိုအပ်သလောက် အပြည့်အ၀ မဖြည့်ဆည်းပေးနိုင်ကြောင်း Mr. Hoang ကဆိုသည်။

ထိုအတောအတွင်း Mr. Hoang သည်အမေရိကန်သို့ ပြန်ပြီး ၂၀၁၄ တွင် လုပ်ငန်းအမျိုးအစား သစ်တစ်ခုကိုစွန့်စားလုပ် ကိုင်ခဲ့ပြန်သည်။ ယင်းမှာ ၀ိုင်ထုတ်လုပ်ရေးလုပ်ငန်းဖြစ်သည်။ သူသည် Michael Mondavi Family ၀ိုင်လုပ်ငန်းကို ၂၀၁၄ တွင် ၀ယ်ယူလိုက်ခြင်းဖြစ်သည်။ ထို့နောက် ၂၀၁၄ နိုဝင်ဘာလ တွင်ဝိုင်လုပ်ငန်း၏ဖွင့်လှစ်ပွဲအခမ်းအနားကိုကြီးကျယ် ခမ်းနားစွာကျင်းပခဲ့သည်။တရုတ်ပြည်၏အင်ဂျလီနာဂျိုလီဟုနာမည်ကျော်လူသိများသည့်တရုတ်မော်ဒယ်
မင်းသမီး Bing Bing သည် အဆိုပါ ၀ိုင်ထုတ်လုပ်ရေး လုပ်ငန်း၏ပြောရေးဆိုခွင့်ရှိသူအဖြစ် တက်ရောက် ချီးမြှင့်ခဲ့သည်။

ဝိုင်ထုတ်လုပ်ရေးလုပ်ငန်းသည် သွေးရည်ကြည်လုပ်ငန်း နှင့် သဘော သဘာဝခြင်းတူသည်ဟု Mr. Hoang ရှုမြင်ခဲ့သည်။ Filter ဖြင့်စစ်ခြင်း၊ စံအဆင့်ချိန်ညှိခြင်းနှင့်အချဉ်ဖောက်ခြင်းစသည့်လုပ်ငန်း စဉ်တို့သည်သွေး ရည်ကြည်နှင့်ဝိုင်ထုတ်လုပ်ခြင်းတို့တွင်ဆောင်ရွက်ရသည့်အဆင့်ချင်းနီးစပ်လှသည်။ထို့ပြင်ဝိုင်မှပေးစွမ်းနိုင်
သည့်ကျန်းမာရေးအကျိုးအာနိသင်နှင့်ပတ်သက်ပြီးလည်း Mr. Hoang တစ်ယောက် အထူးပင် ကျေနပ်ဝမ်းမြောက်နေတော့ သည်။"ကျန်းမာရေးဝိုင်နဲ့ရိုးရိုးဝိုင်ဆိုပြီးဆိုပြီးထုတ်လုပ်နိုင်အောင်ကျွန်တော်ကြိုးပမ်းနေပါတယ်။နောက်ပြီး
စီးပွားရေးလုပ်ငန်းနှစ်ခုဟာဆက်စပ်မှုရှိတဲ့အတွက်လည်း အရမ်းကိုပျော်ရွှင် မိပါတယ်" ဟု Mr. Hoang ကပြောသည်။ ၀ိုင်များကို အထူး သဖြင့် တရုတ်ပြည်သို့တင်ပို့နေပြီး လက်ရှိတွင် အတိုင်းအတာ တစ်ခုအထိ အောင်မြင်မှုရှိသည်ဟုဆိုသည်။

ဝိုင်လုပ်ငန်းကိုဝယ်ယူလိုက်ကြောင်းကြေညာပြီး ရက်ပိုင်း အကြာတွင် Mr. Hoang သည် ဇွန် ၇ ရက်နေ့တွင် Fund-A-Need အဖွဲ့အစည်းသို့ အမေ ရိကန်ဒေါ်လာတစ်သန်းလှူဒါန်းပြီး Auction Napa Valley တွင် စံချိန်သစ် တစ်ခုတင်ခဲ့ပြန်သည်။ယင်းသည်ဗီယက်နမ်တွင်သူစတင်ခဲ့ဖူးပြီးသားဖြစ်သောပရဟိတအလုပ်ကို
တိုးချဲ့ဆောင်ရွက်ခြင်းသာဖြစ်သည်။"ကျွန်တော်သူတစ်ပါးကိုပြန်လည်ကျေးဇူးပြု ချင်လို့ပါ" ဟု သူကဆိုသည်။ Mr. Hoang သည် သူ၏အသား တင်ပိုင်ဆိုင်မှုအနက် ၂၀ ရာခိုင်နှုန်းကို ပြန်လည် လှူဒါန်းသွား မည်ဖြစ် ကြောင်းပြောကြားသည်။ Mr. Hoang သည် ၂၀၀၆ ကတည်းက ဗီယက်နမ်ကို အကြိမ်ကြိမ်ပြန်လည် သွားရောက်ခဲ့သည်။ ထို့နောက်ကြက်ခြေနီ အဖွဲ့နှင့်ပူးပေါင်းကာသူ့မွေးရပ်ဇာတိကျေးရွာတွင်အိမ်ခြေငါးထောင် ဆောက်လုပ် လှူဒါန်းခဲ့သည်။ "ကျွန်တော်က လူတစ်ယောက်ကို တစ်ဒေါ်လာ ပေးချင် တယ်ဆိုရင် သူဟာ အဲဒီငွေကို အမှန်တကယ်ရသွားစေချင်ပါတယ်။ ကျွန်တော့် အနေနဲ့ ဘီလ်ဂိတ်တို့၊ ၀ါးရင်းဘတ်ဖက် တို့လို မလှူဒါန်းပေးချင်ဘူးဗျာ။ တစ်ဘီလီယံပြီးတစ်ဘီလီယံလေ။ကျွန်တော်တို့မှာဘယ်လောက်များများစားစားရှိလို့လဲဗျ" ဟု Mr. Hoang က သူ့အတွေးအခေါ်ကိုဝေမျှသည်။

Mr. Hoangသည် ဘီလျံနာသန်းကြွယ်တစ်ဦးဟူသည့် သူ၏အဆင့်အတန်းနှင့် ပတ်သက်ပြီး ပြောဆိုရန်စိတ်အားထက်သန်မှုမရှိချေ။"စတော့အကြောင်းမပြောပါနဲ့၊ဘီလီယံဒေါ်လာတွေ
အကြောင်းမပြောပါနဲ့၊ခင်ဗျားဟာဒီကနေ့ဘီလျံနာတစ်ယောက်ဖြစ်ပေမဲ့မနက်ဖြန်မှာဘီလျံနာဖြစ်ချင်မှ
ဖြစ်လိမ့်မယ်" ဟု စတော့ ဈေး ကွက်၏ကြိုတင်ခန့်မှန်းနိုင်ရန်ခက်ခဲနက်နဲမှုကို ရှင်းပြသည်။

ထိုသို့ဆိုသည့် အတွက် Mr. Hoang သည် လူသိမခံချင်သူ၊ မထင်မရှားရှင်သန်နေထိုင်လိုသူ တစ်ဦး တော့မဟုတ်ပေ။ အထူးသဖြင့် သူ့မျက်နှာပုံတူကို သူထုတ်လုပ်ရောင်းချ သည့်ဝိုင်ပုလင်းအားလုံးပေါ်တွင်ပုံနှိပ်ဖော်ပြထား၍ဖြစ်သည်။သူသည်အနာဂတ်ကာလ တွင်သူ့ကိုလူတွေကအမှတ်ရနေကြပြီး သူ့အကြောင်းနှင့်သူတီထွင်လုပ် ကိုင်ခဲ့သည့်သွေးရည်ကြည်အဆင့်မြှင့် တင်မှုများကို တစ်ခုတ်တစ်ရ ချီးကျူးပြော ဆိုတာမျိုးကို မျှော်လင့်တောင့်တသူဖြစ်သည်။ သူ၏၀ိုင်လုပ်ငန်းတွင် အောက်ပါ ဆိုင်းဘုတ် ကို ချိတ်ဆွဲ ထားသည်။

Credit: Myanmar B2B Management Magazine