မြေလွတ်၊ မြေလပ်နဲ့ မြေရိုင်း ဆိုတာ

မြေလွတ်၊ မြေလပ်နဲ့ မြေရိုင်းတွေရဲ့လုပ်ပိုင်ခွင့် ၊ အသုံးပြုခွင့်စတာတွေနဲ့ မြေလွတ်မြေလပ်အဖြစ် သတ်မှတ်ထားတဲ့ မြေအမျိုးအစားတွေကတော့ မြေလွတ်၊ မြေလပ်နဲ့ မြေရိုင်းတွေရဲ့ လုပ်ပိုင်ခွင့်၊ အသုံးပြုခွင့်ဗဟိုကော်မတီက နိုင်ငံအတွင်းရှိ မြေလွတ်၊ မြေလပ်နဲ့ မြေရိုင်းတွေကို စိုက်ပျိုးရေးလုပ်ငန်း၊ မွေးမြူ ရေးလုပ်ငန်း၊ဓာတ်သတ္တုထုတ်လုပ်ခြင်းလုပ်ငန်းနဲ့ အစိုးရကခွင့်ပြုပေးထားတဲ့ ဥပဒေနဲ့ ညီညွတ်တဲ့ တခြားလုပ်ငန်းတွေမှာလုပ်ကိုင်နိုင်ပါတယ်။   အဆိုပါ မြေနဲ့ ပတ်သက်တဲ့ အသုံးပြုခွင့်ရရှိလိုရင် လျှောက်ထားခွင့်ရှိသူတွေကတော့ (၁) မြန် မာနိုင်ငံသားရင်းနှီးမြှုပ်နှံသူ၊ (၂) အစိုးရ ဌာန၊ အစိုးရအဖွဲ့အစည်း နဲ့ အစိုးရ မဟုတ်တဲ့ အဖွဲ့အစည်းများ၊ (၃)၁၉၈၇ ခုနှစ် မရွှေ့ မပြောင်းနိုင်သော ပစ္စည်းလွှဲ ပြောင်းခြင်းကို ကန့်သတ်တဲ့ ဥပဒေပုဒ်မ ၁၄ နှင့် အညီ ကင်းလွတ်ခွင့်ပြုထားသူ များ၊ (၄) အစိုးရဌာန၊ အစိုးရအဖွဲ့အစည်းအရပ်ရပ်နဲ့ အကျိုးတူ ကိစ္စတွေအတွက် ဆောင်ရွက်မယ့် နိုင်ငံခြားရင်းနှီးမြှုပ်နှံမှု ဥပဒေအရ ခွင့်ပြု ထားတဲ့ ရင်းနှီးမြှုပ်နှံသူတွေ၊ (၅) မြန်မာနိုင်ငံသား ရင်းနှီးမြှုပ်နှံသူတွေနဲ့ အကျိုးတူကိစ္စရပ်တွေအတွက် ဆောင်ရွက်မယ့်နိုင်ငံခြားရင်းနှီးမြှုပ်နှံမှု ဥပဒေအရ ခွင့်ပြုထားတဲ့ ရင်းနှီးမြှုပ်နှံသူစတာတွေပဲ ဖြစ်ပါတယ်။

မြေလွတ်၊ မြေလပ်အဖြစ်သတ်မှတ်တဲ့မြေတွေကတော့ အရင်ကသီးစားခံလုပ်ကိုင်လာခဲ့ပြီး အကြောင်းအမျိုးမျိုးကြောင့် စွန့်လွှတ်ထားတဲ့ သီးစားခံယူ လုပ်ကိုင်သူမရှိတဲ့ စိုက်ပျိုးရေးသို့မဟုတ် မွေးမြူရေးလုပ်ကိုင်နိုင်တဲ့မြေနဲ့နိုင်ငံတော်က သီးသန့် သတ်မှတ်ပေးထားတဲ့ မြေတွေဖြစ်ပါတယ်။

မြေရိုင်းကတော့ တစ်ကြိမ်တစ်ခါမှ စိုက်ပျိုးလုပ်ကိုင်ခဲ့တာမရှိတဲ့ မြေသစ်၊ တောရိုင်းမြေတို့ဖြစ်ပါတယ်။ စိုက်ပျိုးရေး လုပ်ငန်း၊မွေးမြူရေးလုပ်ငန်း၊ ဓာတ်သတ္တု ထုတ်လုပ်တာတွေကို အစိုးရက ခွင့်ပြု ထားတဲ့ ဥပဒေနဲ့ ညီညွတ်တဲ့ တခြားလုပ်ငန်းလုပ်ဖို့ တရားဝင်ပယ်ဖျက်ထားတဲ့ ကြိုး ဝိုင်းသစ်တော စားကျက်မြေနဲ့ အင်းအိုင် မြေတွေ ပါဝင်ပါတယ်။ မြေလွတ်၊မြေလပ်နဲ့ မြေရိုင်းလုပ်ပိုင်ခွင့်နဲ့ ရရှိသူလိုက်နာရမယ့် စည်းကမ်းတွေကတော့ ခွင့်ပြုထားတဲ့ လုပ်ငန်းအမျိုးအစားနဲ့ ၄င်းနဲ့ ဆက်နွှယ်လျက်ရှိတဲ့ စီးပွားရေးလုပ်ငန်းကို လုပ်ကိုင်ရမယ်။ ခွင့်ပြု ထားတဲ့ မြေလွတ်၊ မြေလပ်နဲ့ မြေရိုင်းတွေကို ပြည်ထောင်စုအစိုးရအဖွဲ့ရဲ့ ခွင့်ပြုချက်မရဘဲ ပေါင်နှံတာ၊ ပေးကမ်းတာ၊ ရောင်းချ တာ၊ အငှားချထားတာနဲ့ တခြားနည်းနဲ့ လွှဲ ပြောင်းတာ၊ ခွဲစိတ်တာတွေ ပြုလုပ်လို့မရပါဘူး။


Credit: The Kumudra